1 Yo ba Bulus muntumu, do mun tumu ma bapina sa, do ku yo ba wu bapina sa, i ku yo ba Yesu Almasihu i Baku Tarsu bah luana i yi ku yo bah wu bah wuh. 2 I wu so'ongi su bah a ha i mi, ma shen bah wu bah karnda ma nza'ah Galantiya. 3 Nzo Baku I ning shima ma Baku Tarsu i ning ku bawun , i ma Tarsu Yeso Almasihu, 4 Ba pana ka'amuri chew girbiwa su, ne i ya'a buksu ku yo biwa zhe'e mani, i njele Bakusu Yi be Tarsu. 5 Toh lu'uli ku kalang ningya ma bi ma gbeng bgu gbeng, Innah. 6 Maa sahai i ci'i bah wu tahpura i beh tu'ulu bah a tu'ula wun, ku chew nzoh Baku Almasihu, sunnu wu mur bunyere ku nshere lo'o Baku gba'ai, 7 chiwa ne ba lo'o Baku gba'ai sa, wu maginai ya a njila suhu beh tum lo'o Baku ma Almasihu. 8 Mu chew wun, su ke wu Malaika yo kalang, Mo'onsu nane ku lo'o wu lo'o Baku, na do bene bah su sahna wun sa, be bwara tana nza'ah muri! 9 Bene bah soo chew wun ma kira'ai, yi bah mi ku mur chew wun imani, bwara bah na luana wun lo'o Baku do bene bah wu ya'ana ma sa, beh bwara tana nza'ah muri. 10 Mi njila njele bapina ke ma Baku? Ke mu mur ngyarngya yiram chew ne mu bong chim wu bapina, nga do ningna korom Almasihu sa. 11 Njila mu chew wu swana ne be lo'o Baku bah bah mi ku mur chew wun mani do ma mun Adam sa, 12 Chew bah do ku yo bapina nga kuma sa, bwara do sahnam sa, Yeso Almasihu yi puram ku duwam ka panam. 13 Wu shi'ila i beh ningyam ma duwai ku ciri adini ma wu Yahudawa, wo ningyi pa chiri waa wu bah Karnda. 14 Ku beh ciri adinin Yahudawa tahgana mur wu zhe'e su ku ciri wu bapina, ngyarngya yiram ku war ta'a gir bah wu ka'asu a wai pa'a. 15 Kpama bah tahna Kama ma a shiham ma billam, ka tu'ula mi ku nzo Baku, bwang na yiri. 16 Ruma i muni ne mu chew wa bapina, do muna bwara mun Adam sa. 17 Mi do shina Urishalima ne mu mwe bah tuma ya duwa sa, ho bani la'ahun shen nza'ah wu Larabawa, yi ma nga bunyere shen Dimashku. 18 Ba'a tarung bwa'alama yima shen Urushalima mu sun Kefas, yima pa'a nongyo lum kuni tongnung ku baya. 19 Do sun mo'on ku ciri bah tumu Baku sa, Yakubu so'ongi Yeso ma suni nah. 20 Gir bah mi ku mur ngwo'olo wun do lilim sa, ku dum Baku nga mur chew wun. 21 I nzum nga basa shina nza'ah Suriya i ma Kilikiya. 22 Kpama wu bah Karnda ma Almasihu bah a ho bani a shiham ma shi'ilam mishu mishu sa. 23 Ya a wa'ana ne "bah woi li chiri chi wa, yi imur lo'o chew pahngichewe bah woi tahkpasang ma!" 24 Yi ma toh lu'ulu Baku ku kalang chew mani.