NGYI 28

1 Su su'ulu shina ka su wa'ana ne lu'ulu be gbo'o yini Malita 2 Wu bah ram bili pa'ana wusu gir shima bwana a lu'ura wusu bisa ne su bau yirsu, chew mpulu i polo bah amu pa'a. 3 Ku nzum bah Bulus twafna wu ngyah nguni ne i lu'uru bisa, ka yo wa'ana bisa ban ka pura yo'o wangna ku buk Bulus. 4 Wu bah ram a suna be yo'o bah wangna buhi, a lua'ana i yirya ne "ma ngichewe bura mani bah wol wu bapina, chew bah i tapura ku buk sala, rengchewe ko do ji'ingi i nchimi sa. 5 I basa be yo'o ma'ana ku bisa do pa'anai gima sa. 6 A swa'ana misu a sunu ke banai ko moro ke ko kwa wuh, A ningyi tama bwa'ala ban ado suna gima pa'anai sa a pi'ira be lo'oya ne yi mun Baku. 7 ku pwer i be bana gbo'o, wu swah ma mwara bura gbo'o ku banai, lu'uli Babiliyas. Ya'ana sy pa'ana wusu gir bah njila ma duk tarung. 8 Su ham su do shi'ila sa tar Babiliyas gana ku yiri, chila polo yiri i mur basa sarah, Bulus shen boro kusa misu, chiha yi buhi kumna shimna yiri. 9 Be gir bili ma'ana mbwang wu bah gana ku yirya ku be gbo'o a yo kumna shima yirya. 10 Wu bapina pa'anasu gir shima bwana. Sumu pah ma su kwanjere, a panasu mbwang gir bah au njila. 11 Zungya tarung bwa'ala ka su bwara ku gir sau mu'uru ma Iskandariya chew bah rungzung i ku gbo'o bah i ngwo'oli bene wu muna pwassa wu bura. 12 Su su'ula ku ram ma Sirakus, su pa'ana duk tarung ku banai. 13 kuyo bari ka su shina, su she jina ram Rigium. su pa'ana duk mo'on gun ma ngyarnagyai kuyo ban su'ulu misa lwa'ana, su pa,ana duk baring ka su jina Butiyoli 14 Ku banai ma su kuma wu so'ongisu a nira su ne su ning iya ma duk tangza baring. Ku njere bili m su yuana Roma. 15 Ku banai wu so'ongisu wa'ana chewsu, ka a puru ne a ya'a su, kuyo ban kur ka'ala Abuyas i sakpa tarung. Bulus suna ya ka bwata Baku panayi ngyarngya. 16 Su bwara Roma, a yer yi Bulus ne yi i loi i ning i be soja bah kumur chik tamai. 17 A ham nongyo tarung bwa'ala, Bulus tu'ula wu jeh wu Yahudawa. ayo twafna, ka chewa ne, "Wu swana, shi'ila ne do pa'ana gir biwa ke nzwang ma ngila wu tarsu sa, ku bili a pana mi a kura kuyo Urushalima mayo buk wu bapina ma Roma. 18 A mwina mi, ane a mah buham chew ma a doh kumna mi i gir biwa bah jina a walam sa. 19 Kpama wu Yahudawa chila ku mur lo'oya, noingna yam gba'a wu war chewe ku ba Kaisar, mi do i gima bah ko ma'a mu war chewe wu bapina sa. 20 Ku beh chew mani yini ma'ana tu'ula wun ne mu lo'o i wun. Ku chew pah ngichewe bah wu Isra'ila aiyi yini ma'ana bah a kura mi i kunnah bolo mani. 21 A chiwai ne, su do ya'ana mpuknsheme ku yo bawu Yahudawa chew weh sa, bwara doh ham ku ciri wu so'ongisu bah wara mpuknsheme ke lo'o ku muro sa. 22 Su njila su wo'o ku boh gir bah a shi'ila i gir bah a suna kumur be warta'a Baku, su shi'ila a bi'inai ku ban mbwang." 23 A panai misa, wu bapina bwana a shina bii ku ban bah su'yla. Fa'aha wa beh ta'a lo'o ka chiwa ngichewe kumur lah Baku. Ka pis ne i sung murya ku chew Yeso, paha kuyo mpuknsheme Musa mashen mpuknsheme wu bah sun duwa, ka pa'a kuyo duduhu mashen kurwa. 24 Wu gamurya yira i gir bah a lwa'ana, wu gamurya doh pana ngichewe sa. 25 Chew bah a do yira i yirya sa, Bulus chiwa ngya'alo'o mo'on ka a kwana njere, "Puhu Mpilar lua'ana ku kun Ishaya Bah sunduwa mashen bah tarwun. 26 Chiwa ne, shen bah wu bah do shi'ila Baku sa, chew ne, Ku wo'o, wo wo'o wo do she'ele sa, wo sunu wo do she'ele sa. 27 Nchim wu bapina mani wuhna mbumburya a mu wo'o wet, a kusa misya; ne a do sunu she'ele, a wo'o i mbumburya a she'ele i nchimya mane a pi'iri ne mu pawa shima sa. 28 Ku chew bili, wu she'ele ne be chew yah buhu ma Baku mani a tura iyi mashen bah wu ba do shi'ila Baku sa, a wo'o." 29 Ka lo'o bene mani, yi wu beh Yahudawa a ning ku nda linnan i yirya. 30 Bulus ningna ba'a baring ku la Hayarsa, i mu ya'a mbwang wu bah yua'ana bii. 31 I mur lo'o chew lah Baku, imur sah chew Tarsu Yeso mun Baku i nchimi mo'on, bwara do lilai sa.