NGYI 1

1 Ɓeh mpuknsheme ɓah ngywa'ala iyo chikci'i, Tiyofilos, chiwa wun wu gir ba Yeso pakna pa'a i gir ɓah sahna, 2 ku yo banai mashen duk ɓah a tualai mashen kalang i sum ɓah pana kunu wa wumuna tumui ɓah tualaya, pana kunu iyo Puhu Mpilar 3 I sum ɓeh chiri ɓah i suna, wara muri wa bishing i wah wu gir ɓwana ɓa ma'ana ya ne a pahngichewe. Duk lum yinung i mu yo baya, yo luana wa ku mur ban ningya ma Ɓaku. 4 Ɓah imu yo baya, panawa kunu ne abi do ji'ingi Urushalima sa, i ne a ta'ara ɓeh pakunu ma tari bɓah chiwa ne, "Wu wa'ana kuyo bam 5 Ne "Yahana" woi dang wu bapina ku mu'uru, wun a ho dang wun ku mu'uru i puhu mpilar i nongyo chigee. 6 A wo bina murya bwang a mui, "Tarsu, i ɓeh mani ɓah wo ɓunyer i Gom wa Isra'ila?" 7 Ka chewya ne, do ningna mawun sah ɓah wu she'ele duk ke be ban Dah chiha iyo pahkuni. 8 Wo ya'a ngyarngya ɓah ɓeh Puhu Mpilar na yuana ku murwun, wo ning masan mbwang ku Urushalima, Yahudiya I Samaariya, i mashen wu raman bwang." 9 Yeso Tarsu lu'ana wa ɓeh gir, mishya ku kalang ka a tualai ashen kalang ka she bwarsa ku bum kuko ma kalang. 10 A mu ningyi nda so'o mishya sun be kwanjerei, muni muni, wu bura tuan. 11 ka a chewne, "wu bura Galili mani ma'ana ka wu chila wumur sun kalang? Ɓeh Yeso ɓah wu suna yewai mashen kalang ko buyere nah ɓene bah wu suna yewai mashn kalang." 12 A bunyira Urushalima kuyo mur tah ɓah ai chu'uli ne Zaitun, pwer i Urushalima, shene ma Asabaci mo'on. 13 A yuana ka a buala mashen bumlaya bana ba a ningna. Ya wo Bitrus, Yahaya, Yakubu, Andarawus, Filibus, Toma, Bartalamawus, matiyu, Yakubu mun Alfa, Siman ɓah sunkaar ka Yahuza mun Yakubu. 14 Mbwang ya a bina murya ban mo'on a pana murya yi kusu mishiu wu ɓah a woiya yawu, Maryamu ngyi Yeso, i wu so'ongyi 15 I ku ɓeh duk mani Bitrus ka la'ahun chila ku chiri wu ba aiya bapina lum gba'a lum i kuni lum baring (120) 16 Wu swana, i ningna ne ɓeh mpuknsheme ko rusu bene ɓah puhu mpilar wo luana i kun Dauda i mur Judas, ɓah suana mishya ku mur wu bah buala Yeso. 17 Yiwo mo'on ku chirisu ba ya'ana kuru mgbi'i ma be tumu mani." 18 Ɓeh bapina mani ya'ana suwa mabi twala bum ma kiri, kwana i ma muri, bui yara tori swa'ana ku nzah. 19 Mbwang wu bah ai ningya ku Urushlima a wa'ana beh gior mani, a ma'ana yi be banai lu'ulu ima lasu a ne "Akeldama," yini "suwa ma Shila.") 20 A ngywa'ala ku mpuknsheme Zabura ne "Be suwai ning gba'a to'o bwara ko do ning ku banai sa." "Bwara maginai ko tol banai i be tumui" 21 Ko ning bapina bah i woi su kuyo ban bah Tarsu Yeso bwara ka pura ku chiri su. 22 paha ku yo dang wu bapina ku mu'uru ma Yahaya mashen duk bah a twalai mashen kalang i ning ba i woisu suna yewai mashen kalang. 23 A pura i wu bapina baring, Yusufu bah ai tu'uli ne Barnabas, ba ai basa tu'uli ne Justus, ka Matayas. 24 A ha kusu mishya a chewne, "Tarsu, we shi'ila bumnchim wu bapina, tol mo'on ku ciri wu bapina ɓaring mani. 25 Mane i tol ban io tumu ma Yahuza kuyo bana ɓah yangna njere. 26 A dangna ɓuhu wa wu ɓah bapina ɓaring, ɓeh dang buhu kwana ku mur Matayas ka ɓah ku ciri wu muna tumu ma Yeso lu kunya ɓaring.