1 1 Mi Bitrus Manzo Yeso Kristi, mashen nsa'a nsa'a, ba a twalai ku chiri Pontus, Galatiyawa, Cappadocia, Asia i Bitinia. 2 Mani i she'ele Baku Tarsu, bah chiha ku gigeng, yo'o mpilar wa kunu yoo shilla Yeso Kristi. Nsoh Baku ning i wun, i ma'a ne wu bwan. 3 Chi-buhu ning i Bakuh Tar Yeso Kristi. Ku yerai kah Panasu piwi nchimu ne su kum mbur. bee mbur mani yuana chew la'ahun Yeso Kristi iyo wuh. 4 Mani yi Mbur bah ko do'o malsa, ko do ning bene liwi, ko i pirwi yirisa. A ji'inga wo ku kallang. 5 A karngya we i Ngyarngya ma Baku ku Chiri ngichewe bah a wo pur iyi duk misa ma marsai. 6 Bwangna yirwun ku mur girmani, wu she'ele ne nchimwun koh suhuku nshere langya lanya. 7 Mani ne amah pa ngichewe wun ba'a bo'ongo gana zinzriya ba ko mala. Be zinariya ba a tuanah ku bissa. mani ningya ne ngichewewun ku missa ba Yeso ku bunyere yo. 8 Wu do sunai sa, wu njilai. Wu do sunai i mani sa wu pana ngichewe iyi i bwang yirwun i bong nchimwun. 9 Wumur ya'a i ka'amurwun gir bah wu pna ngichewe,i ra'asa nchimwun. 10 Ba sun duwa, i pe'e, i mue chew ya'a buhu, nso Baku ko ning mo. 11 A pe;e ne a she'ele ya ba Mpilar Yeso i mur lo'o iyi. Bene ba pana mpilar Yeso Kristi i ho yirya, i mur lo'oh iya. mani i mur chewwa chew chiri bah ko yo; ku duwa, chiri bah wu kum Kristi i kahkah bah wuna. 12 A fana girma swarmai wa, ne a do mur pa'a chumu m Ka'amurya sa; weh, a wu lo'o gir ba wu ba lo'o lo'o Baku ai chew su i kum mpilar yo kalang, gir ba wu buhu mpilar a mur njel ma sunu. 13 Ku ta'a gir mani, wu bol ka'amur wun, wu ma'a nchim wu ku gir shima ba aho yo wunu iyi; duk ba Yeso Kristi o bunyere yo. 14 Wu ning wu munamun ba wo lo'o wuma ma'a ka'amuru wun ku girbiwa ma kira'ai sa bene wu ba ado shi'ila Baku sa. 15 Bene ba chu'ula wun i puhu nchimu, wun kpana wu ning i puhu nchimu. 16 Bene ba a ngwa'ala, "ning i puhu nchimu," mima mi puhu nchimu. 17 A na chu'ula "Tarsu" ba rengchewe, i do njel ka'amuri sa i rengchewe, ku mur ngichewe ku mur ngichewe shenshene bene ba biri. 18 Wu Shi'ila ne a do ra'asa buhu i gir ma biwai sa. bene zinariya ke Azurfa, bah a ya'ana buhu ku yo gbuchuk ba wu yi'ila yo bah tarwun. 19 Su she'ele ne a ra'asa buksu i shila Yeso ba wu bene mun Gam ma shimai. 20 A wu wo tuala Kristi kah a chiha ta'a nza'ah, a fa mishu ne su suni ha missa ma marsai. 21 Kuchii wu pana ngichewe i Baku ba luasa yo wuh. ne ngicehewe bwan ning mashen pa'a Baku 22 Wu Girsa nchimwun i yere ngichewe. Yi mani ma'ana wu mu njel yir wun i njele shima ku yo nchimwun mo'on. 23 A buniyira billah we do iyo gir ba ku pa'a paramsa. ku yoo gir na shimai, ku chiri ngya'a lo'o Baku. 24 Wu bapina a bene tooh, ningyan su i bene pod to'oh, to'oh na yumama possoi i ra'a su'ula ku nsah nsah. 25 Lo'o Baku ko ning ma gbeng gbi gbeng. Mani yi lo'o ma shimai ba su chew wun.