1 Lirẹ devba egbere imiọmẹ limọnhe bi ikhuoho, i rafalaja nivba tẹmọi, ifiọegbe de legbe tamavba ẹmọi sele khuee khaẹn ẹwain. Ebi tamavba khi ẹmuata lọ lahee ivba Sosẹlẹbua. 2 Emiọve rivọ li tamavba gberai ẹmọi si Jesu bi uu sọe vokhu mọgbaẹn. 3 Uẹn khi mọi itotomi ẹghẹn limai ko rẹkhian, bi ofẹn mumẹ, bi udu kpeghe mẹ. 4 Ẹmọi sẹmẹ bi iwewẹmọi sẹmẹ ọkin ọlada suaọya ọvẹmọi sẹwain. Rẹzọna, eti lọfuain Sosẹlẹbua rẹọi mavba ẹmuata sẹmọi litai, ọẹn khahu semi ọhaioo lọrẹi mẹu. 5 I rẹkhaọn lukpodẹ na sivba ẹkpẹ gba udu Sosẹlẹbua rumudi ahu sọe, bi rumudi ebei kin emi sẹwain sọya. 6 ̇Vina, ele gbaẹkẹn si Jesu mai nitẹmọi. Ele ke mọẹwain, bi ọlẹwain ọikin emiọso zijie bi ikhaẹmọi sọ lagbọna,lekln ebakha che miẹ. 7 Ama,ebimai wewe ikhi ẹwain Sosẹlẹbua lọrẹ hee,ọlẹwain khemi sẹwain losẹlẹbua rẹọ votọ ọkpẹsẹ khọ hẹhemi erẹmẹ sọlagbọna,bi ọre lemina gbọn votọ lairẹ miẹ khọẹn bi emi eliọ lemọi oreghe leirẹ mọi okutu rẹzi mai. 8 Ẹghẹn irivbọ lelerọ lagbọna khian ọrẹẹn Osẹlẹbua bi ẹwain sebọ mamai, kha kheẹn, eikha rise khain Jesu lọkhua ọvokhumu ọgbaẹn. 9 Ama,vebe lọfuin adatai,emi lọya imeti rẹdawe, lọya imeti rẹhọn,bi ebọya imeti rẹzẹ vioo,aẹn khemi lo Sẹlẹbua hẹhẹọ votọ rẹzele hoẹkẹn sọe. 10 Enai khe lemi lo Sẹlẹbua rẹ mamai veti sọe.Eti Sosẹlẹbua adawemi erẹmẹ bi ọẹn emi erẹmẹ.Ọẹn otọemi bi eml si lahee lo Sẹlẹbua lukpọkpa ẹin rẹzegbọi. 11 Ọyọso irivbọ,ukha mieti sọya lọẹn eba oo vudu.Ọna ọzẹi ọyọso iẹn ilahee semi Sosẹlẹbua,ukhai miẹ Eti Sosẹlẹbua 12 Eti lo Sẹlẹbua rẹimai ọikin ọlọdai vọlagbọna deanre. Mai miẹ eti lọdai vo Sẹlẹbua deanre.Ọleti ọ rẹkpa mai vi muẹo kuere semi erẹmẹ sẹseọhẹn limai idahae miọso larẹi mai. 13 Mai ma ẹvbo elemina lẹwain sọlagbọna meti rẹ muaẹn ẹo kuere. Ele ba mamana ọkin ebeti Sosẹlẹbua meti mamaọn. Ọrẹ kpamai vi muẹo kuere sebe lemina izegbe. 14 Ọlọiẹn Osẹlẹbua kha meti rẹmiẹ emi seti lamama.Rẹzi aẹn ọkin emi sẹwobi lamama.Ọkha rẹ afẹẹ lọirẹ miẹọn ọvegbe,ọkha fuọi,rumudi ele mọẹwain lọdai vo Sẹlẹbua vare,elemina muaẹn ẹo kuere. 15 Ọlọẹn Osẹlẹbua ọ meti o emi kugbe,ama Osẹlẹbua kha miẹ yama leirẹ meti o emi sọe kugbe. 16 Ebohẹn ọkpa ọso mai viọn,ikhi,aimiọya lọ meti rẹẹn emi erẹmẹ lọ riosẹlẹbua vudu. Aimiọlọ meti ma Osẹlẹbua emiọso. Ama,khi mai ọ meti rẹẹn ioo sudu si Jesu kristi.