Uhọmọin 1

1 Ẹmẹ li Paul iviọn lebe na.Sosthenes,elimai ko miẹhọn,ọrivezi ri lirẹ viọ lebena zẹ.Osẹlẹbua ọzeimẹ lirẹ kin ọvokhan si Jesu kristi,bi ọzeimẹ lirẹ gai. 2 Ebavina,ọkin sọsẹ so Sẹlẹbua lọri vi Corinth,rẹze li Jesu kristi zẹọ vi gbọkpẹ lo Sẹlẹbua,rẹzẹ vbo erẹmẹ,vi zerẹmẹ,bi ele echo Sẹlẹbua vi miẹfan veiin si Jesu kristi loje,lọkin Oje sẹaẹn bi mai. 3 Duan miẹ kho Sẹlẹbua lera bi oje li Jesu kristi họmẹkẹn vba bi ọrọfure zivba. 4 I khuẹmo Sẹlẹbua ukpu kpẹẹ rẹzẹ rumudi ẹseọhẹn li Jesu Kristi rẹna,rumudi ọhọmẹkẹẹn. 5 Jesu kristi ọremi lebuin na.Ọrẹ kpa vẹmọi lebuin,bi ẹwain semi lebuin. 6 Rẹzi vba, ikhe badawe lọrẹ mọi si Jesu kin ẹmuata. 7 Ebezẹi khukha fẹi emiọhẹn seti so Sẹlẹbua baku,ọẹn ọzẹi khu muzan khẹ ukpẹẹ lo Sẹlẹbua ri Jesu kristi mamai bi ọrẹọma ẹvbo erẹmẹ. 8 Osẹlẹbua khọgbo rahu siohiai na, lurẹ gai sẹvẹghẹn, ukha rẹkhọi zegbẹ, ukpẹẹ li Jesu kristi ọche dagbọn re. 9 Osẹlẹbua khọmu atakpotọ sọe zeze rẹze lẹmọi na. Osẹlẹbua lọ echeẹ lurẹẹn ihọmẹkẹn soviọ,Jesu kristi loje mai. 10 Imiọmẹ limọhe bi khuoho, idoabọ ivba vahu erẹmẹ si Jesu, livba rẹ miẹyama amọi okugbe rẹkin ọkpa, vba che kegbe vba ọvazọ dọdan.Debi vba kaowe dọkpa, livba rẹkoko bia foọi vobọ. 11 Ele ri voa si Chloes taọi mamẹ, khi vba fegbe vba ọvazọ dọdan bi okugbe rivbavọ 12 Ọnai khọ lọkpo kpo. Ọdiọde rẹkhan ọlọ khọọn. "Eso taọi, Paul iyọ rẹkhaẹn," Evbe gbo tai, Apollos iyọ rẹkhaẹn". Eyevbe datai, Peter iyọ rẹkhaẹn". Ele kekẹre datai,ama khi Jesu iyọ rẹkhaẹn". 13 Ama, Jesu ọi kegbọi ọvazọ dọdan. Paul, aigbai ọvokhumu ọgbẹan. Ele samẹ, eimọi isamẹ veiin si Paul. 14 l khuẹmo Sẹlẹbua khi kpekẹ vbo imọi samẹ rẹzi, elẹvbo khi Crispus bi Gaius. 15 Ẹmuata irivbọ khein mẹ eda samẹ. 16 ( l gbo che ọyei Oa si Staphanas lirẹ samẹ, eyevbe iche rivbọ, lirẹ mọi isamẹ vi Corinth.) 17 Obia li Jesu kristi mobọ zemẹọi, ọẹn khi lairẹ wewi egbe gbẹmọi sọe, ama ọiwi sisamẹ rẹzẹvbo. l wewi egbe gbẹmọi sọe vẹwain sọya dabi ẹwain sẹmọi, lairẹ miẹ khi rahu si Jesu la gbeọ vokhumu ọgbẹan biobia. 18 Elẹwain sẹaẹn vuei rẹzemi so Sẹlẹbua lọkha meti muaẹn ẹo khere. Okhumu ọgbẹan Jesu dau rẹzeaẹn,ama,ọlẹmọi sukọ ọikiaẹn emiọso. Ama,imai losẹlẹbua miefan,bi ọgbo roreghe imai,ọna ọzẹi kho Sẹlẹbua rahu sọe bia kakabọ vegbe mai. 19 Ohẹn dakeọ viọn vebe lọfuain: "Ẹwain sele ẹgbe khe ẹwain,Yọgbọi khueo,bi egbe gbemi sele guẹ oemi ree,yọrọi kin ahoi. 20 Ezeri, ele khue khaẹn mọẹwain sọ lagbọna? Emi so Sẹlẹbua ọi muaẹn ẹo kuere. Rẹgbo khele kọebe bi ele mọẹwain seba gui. Osẹlẹbua rẹọma,khemi erẹmẹ le echeọ ẹwain ọkin ẹwobi. 21 Rẹzẹwain so Sẹlẹbua,eleiẹn Osẹlẹbua,eivareọ gaire vẹwain seaẹn.Ekhọn khọn rẹzo Sẹlẹbua lọirẹ loẹmọi lọubi uhunki rẹziaẹn.Ọna ikhi ẹmọi limai wewe,lọmọi ahu si amiẹfan rẹzele miẹhọn 22 Ekhẹn Jews fẹi ahu semi ọhaioo sẹvooho ọkpẹsẹ khemiọ leọ rẹkhaẹn. Ekhẹn Greek fẹi ẹwain semi ọgbọn bi ioo sukpodẹ ọgbọn rẹzi emi seti. 23 Ama,khimai wewi ẹmọi si kristi lọuọ vokhumu ọgbẹan. Rẹzi Jews,ẹmọi sọgbẹan si kristi ọkin emi lekha meti rẹmiẹ rumudi uu sọgbẹan ekhua rivbọ.Rẹzi Greek emi sẹwobi ọ,lekha rẹ daehọ. 24 Rẹzi mai lo Sẹlẹbua echei,rẹgbo khi Jews bi Greek, mai wewi Jesu kristi lọkin ahu bi ẹwain so Sẹlẹbua. 25 Emi so Sẹlẹbua lọkin ẹwobi,ọmọin ẹwain lẹ egbe gbioo lẹvbo ọ meti khọkhọ. Emi so Sẹlẹbua lahu iri, ọ ohialẹ ebe kakabọ mọi ohiami bi ọlọ khuelẹ lọsẹn vọya lutẹ 26 Kaowi iechie misẹ,imiọme. lvba erẹmẹ kerẹ ẹwain vọ lagbọna. lvba erẹmẹ kerẹ mọahu. lvba erẹmẹ karẹ vbia voa soje. 27 Ọna ọzẹi lo Sẹlẹbua daremi lọikin emiọso rọi kin ẹkhọi zele ẹwain sọ lagbọna. Osẹlẹbua da rebei ohia rẹkin ẹkhọi zele khuee khaẹn ohiai. 28 Osẹlẹbua zebe rivotọi deọ lagbọna re. Ọgbo remi okutu sọ lagbọna kin ebemi iri,lọirẹ remi lẹvbo muekpẹni kin ebemiọso iri. 29 Osẹlẹbua fiọ naba lọyọso kha rọkhai legbọi, lairẹ miẹ khọẹn Sẹlẹbua arọkhai ni. 30 Rumudi ebo Sẹlẹbua hẹnhẹi,vbina mairi vẹkẹn Jesu kristi lọkin ẹwain so Sẹlẹbua rẹzi mai.Okin ọlọkhiai rẹzi mai,ọlọfuain,bi ọla dẹchere. 31 Rẹze anyẹn sọna,ebi ebe lọfuain itai, "Dọlọ dẹgbọ, dẹgbọ vẹkẹn Osẹlẹbua."