1 Akha miẹ khi zuroo sukpoẹmi sagbọn bi isi ukọ Sosẹlẹbua. Ama khi mọi ihọmẹkẹn, ikiin ọgbẹdi ahoi, bi okede lọi zuroo. 2 Akha miẹ khi mọi eseọhẹn si miẹo bi emi erẹmẹ sata lọ lahee bi ikin ọlọ ẹ emi, bi i mọi arẹọvọ larẹ zoke sive zọrire. Ama, akha miẹ khi mọi ihọmẹkẹn, i kiin emiọso. 3 Akha rẹmiẹ ebi mọẹn erẹmẹ rẹọi rebae le lẹsọn gbe e, bi iregbe mẹ nuan rẹ tua. Ama kha khi mọi ihọmẹkẹn, eee irivọ 4 lhọmẹkẹn ikhi iziegbe bi ituohan. lhọmẹkẹn ọimọi biohan bi ẹgbọ. Ọimọi zobọ khuan, 5 bi akaehọ. lhọmẹkẹn ọimọi ihiaọvegbe.Ọighe miohu bi ọikọi fiobọdọn sẹvbo. 6 Ọi khọkhọn ọve beigha. Ama ọmọi ekhọkhọn rẹzẹ muata. 7 lhọmẹkẹn ọmọi iziegbe rẹzi emi erẹmẹ, arẹọvọ rẹzi emi erẹmẹ, ọmọi uduzeze rẹzi emi erẹmẹ, bi ifuẹ egbere rẹzi emi erẹmẹ 8 lhọmẹkẹn ọimọi irẹso. lmiẹo kha arivọ, ọmọi irẹso. Uroo sukpoẹmi kha arivọ, ọghe fo. Aẹemi kha arivọ ọghe kieba kha che miẹ. 9 Mai ẹin emi leibun bi mai riohẹn semi lebuin. 10 Ama lebe ghai keọrẹ deanre, ebei gha kekin eba kha che miẹ. 11 Ẹghẹn lirẹ kin ọvokhan, ida zuroo sọvokhan, ida oẹmọi bọvokhan, i mọẹwain sọvokhan. Likerẹ kin okpesa, ida zemi sọvokhan obọ vehimi. 12 Ama vina mai keguẹ kaowi uwegbe miemi ọdọdan, ama ọkha rẹde, mai mi ẹo wẹo. Vina i ẹin emieso, ama i keọ ẹn emi lọsẹn ebai kakabọ ẹn ẹmẹ. 13 Ama elemi ea na kẹ re: arẹọvọ, muduzeze sodao, bi ihọmẹkẹn. Ama ọlọ gbalẹ verẹmẹ ọikhi ihọmẹkẹn.