Uhọmọin 12

1 Rẹzi emi eseọhẹn seti imiọmẹ,i fẹẹ livba rẹẹn emi vbọ. 2 Ẹghẹn livba rẹkin ele gẹbọ, vba da rẹkhain ẹbọ lei mọi urun rẹ roore, ọrẹ deizọ, izọ i vba rekhaọn. 3 I fẹẹ livba rẹẹn khọlọ tẹmọi veti Sosẹlẹbua kha meti rẹ khue khi Jesu kin ọmekhua. Aimi ọlọ meti tai khi Jesu i kho oje, ukhai miẹ vẹkẹn eti lọfuain Sosẹlẹbua. 4 Vina ẹseọhẹn seti ọdọdan, ama vẹkẹn eti ọkpa. 5 Agbo mi ukhuẹdẹ ọdọdan, ama oje ọkpa ọ, 6 bi agbo mi obia ọdọdan, ama Osẹlẹbua ọkpa ọrẹọi kin amusẹẹ rẹzi ọdeọde. 7 Vina ọdeọde arẹọ ni vegbe lọirẹ reti Sosẹlẹbua bieee rẹzi erẹmẹ. 8 Rẹzọ liọ arẹ nai eti sẹmọi sẹwain, bi ọyọvbe ẹmọi lairẹ ẹn emi vẹkẹn eti ọkpa. 9 Rẹzọ liọ arẹ nai eti sa miehọn, bi ọyọvbe eti sa muegbe daan ama vẹkẹn eti ọkpa. 10 Ọyọvbe eti sahu, ọyọvbe ọlarẹ miẹo. Ọyọvbe arẹ nai lairẹ meti rẹẹn eti ọdọdan, rẹ zọyọvbe lọirẹ rọi muẹvbo ẹo kuere uroo sukpoẹmi ọdan. 11 Ama, eti ọkpa ọbiọna erẹmẹ, ọri ẹseọhẹn lọdeọde ebọi fẹọi. 12 Ebi egbe ikin ukpọkpa, izọ ọimọi ikikẹẹ lerẹmẹ dakin egbe ọkpa. izọ gbo ọ rẹzi Jesu kristi. 13 Rẹzi eti ukpọkpa maida mọi isamẹ rẹzi egbe ọkpa, ukharẹ kin Jews dai ukin Greeks, ukharẹ kin olighan dai ukin ola fanfia, erẹmẹ kin ele ọ da vẹkẹn eti ukpọkpa. 14 Egbe ọikin ukpọkpa ama ikikẹẹ lebuin. 15 Ukuẹ kha tai ẹmẹ ki khobọ, i kin eso ve legbe, a kiọ khue khọikin emiọso vegbe? 16 Ehọ kha tai ẹmẹ ki khẹ, lọi khue iri vegbe, a kiọ tai khọikin emiọso vegbe? 17 Egbe erẹmẹ kha kin ẹo, ezi ẹwain lakea rẹhemi keari? Egbe erẹmẹ kha kekin ehọ, ezi ẹwain lakea rẹ hebezare keari? 18 Ama Osẹlẹbua hẹhegbe ikikẹẹ ọve bọa iri. 19 Akha miẹ egbe ikikẹẹ ekin ukpọkpa, ezọ legbe kha keari? 20 Vina ekin egbe ikikẹẹ lebuin, ama erẹmẹ gbei ekin egbe ukpọkpa. 21 Ẹo kha meti tama obọ khi mi ebi ọrẹu, uhọmọn kha meti tamai ikpai, imọi ebi ọrẹu. 22 Ama eso vegbe lei ohia lọsẹn, ekin ebe mọi irẹkpa, 23 bi eso vegbe lai dawe lọsẹn, mai che rọkhai ziaẹn, bi eso limai dawe khei kin emiọso, eche kin ebimai kaowọi okutu. 24 Vina elegbe ikikẹẹ, eiche webi mai rọkhai ni rumudi ekpẹ kin ọkhai. Ama Osẹlẹbua kpẹ kuerẹmẹ gbe rọkhai le lei ohia vuse aẹn. 25 Osẹlẹbua biọna lakha miyọdan vẹkẹn egbe, ama leirẹ mọi irẹkpa rẹ zọdeọde vegbe vukpodẹ ọkpa. 26 Vẹkẹn egbe, akha mi ọlọ oya, egbe erẹmẹ kea khọmọ. Ukpọkpa vegbe kha daan, egbe erẹmẹ ke zekhọkhọn. 27 Vina uwẹi khegbe si Jesu kristi, bi ikikẹẹ vegbe sọe. 28 Bi Osẹlẹbua zeso vi vokhan sọe lediọn, elizeva ọhẹn, elizea tisa, eso ele mọahu rẹbia, eso emiọhẹn sa muegbe daan, ele mọi irẹkpa zẹvboi, eso lebia vẹkọa, bi ele mọi ukpoẹmi sẹmọi ọdọdan. 29 Aẹn erẹmẹ ekin ivokhan sọe lediọ? Aẹn erẹmẹ ekin ohẹn? Erẹmẹ ikhi tisa? Aẹn erẹmẹ emọi ahu sobia? 30 Aẹn erẹmẹ emọi emiọhẹn sa muegbe daan? Erẹmẹ eguẹ rukpoẹmi zuroo ọdan? Aẹn erẹmẹ eguẹ tare uroo ọdan sukpoẹmi? 31 Ama rudu ọkpa fẹi emiọhẹn seti lọgbalẹ. Ama yọ rukpodẹ segbe gbemi lọhọmọlẹ ma'a.