Ep fe 1

1 Pol, lalep khi Naan yaghal shar shiit khi Jesu Kristi, nphe shinzeen mu nyen ndhi Naan bun khi man nmu zeen ndhi nih yar khi man Naan, 2 khi tughurkaham nmhi sen wu tai-tai ndhi Naan, ndhi khi gap dung ma, mang den deshe sheh khi yil dhi. 3 Nbiit ndhi Naan den, bhi nin bhilip fin nbut lep ndhi den khi sar nih npe shin fe. A ndhi a shin bih si a khi bal Nda Naan ngwu bar mun. 4 Shin ji nTiitus, laa-mu nbut shinzeen fun nkaam. Wuretkhinan khi tongshaghap nmu Nda Naan khi Krisit Jesu ngu bar mun mwan khi gun. 5 A nphe ndhi a si deh a yit ghi nKarita, deh nghi ghi den bih mu khi yaar ndhi nnot nlat yaghal ghi pwas moor nkaa nyen nan mu khi yil wunan mu khidding khipe ndhi a sat nghi si. 6 A tiit dhe duk meh gwo wuyon khi kot nnot shikbis si, miss mat khime, khi jep ndhi mu khi shinzeen dhi mu man mu khi butdeet ma bhi kaabal ma. 7 Ret ndhi ngu naatighim, ndhi a ni a ngu yaa lih Naan, kot nnot shikbis. Khi deh a gwo ndhi khi lap bhilip khi dighil nih ma bhi nbaan ma. Khi deh a gwo ndhi khi bess mang tughurnung ma, gwo ndhi jar nshwu mwos ma, gwu jaghar ma, shin tap khi deh a ngu dem kashin ma. 8 Nphe asi bhi wak kot a ngu lap gurum mu yaa, shar bih ndhi a wuret. Khi kot a ngu en, gwo wubang, ngu lughutnaan, yaghal ngu yaa ka-shin. 9 Khi kot a ngu yaa bhilip wuret ndhi mu kam, deh nnhi lhi tughurkaham gokshi gurum ndhi mu khi kam wuret yaghal mu dak nyen ndhi mu phi jaghar nih. 10 Nphe ndhi nyen ruwang mu dih bwer, khpi nyen bhilip pun/gap dhip si mu. Bhilip khimu khi phishi ma. Mu phi bang yaghal mu dehl gurum mu nbut yar wubis. 11 Ret ndhi mu din mu. Mu phi kam bih ndhi ret ndhi mu khi kam ma nphe bih kakul ndhi shin baam ma shin phi righip dighinlih mu du-duk. 12 Meh gwo shi, wu sen nnaar mu, sat na "Karitawa mu a nyen wet ndung det, nyen wubis, yaghal long wu byal mu, nyen loghom but mu." 13 Bhilip si a zeen, nphe ndhi asi bih gu dak mu a wuret deh nmu kot khi shinzeen a wuret dih. 14 Ghi nok den en ghi nbut bhilip nnot nphishi khi Yahudawa mu si ma bih waar khi gurum mu ndhi mu phi viling zeen. 15 Nphe nyen ndhi mu a wu bang, bih mu duk-duk a wu bang. Nphe nyen ndhi mu khi rap shin mu shinzeen ma, meh bih a wu bang nyit mu ma. Nphe dhi bhizung mu khi nook mu a wu rap. 16 Mu phi bhilip muna du man Naan, dang bih mu phi nyang nih khi shiit shin fut. Mu a nyen nndhi ret ji kus khi mu ma shin mu khi khillingkom ma. A nyen ndhi mu khi teer dangkong mu nphe meh bih wuret ma.