¹ Yahal laa lep khi Naan niin kong am seem nan. Diye kot kot, Ni pi tong puut ki petong ki Naan khi mi laa muk. ² Escohop kong di bee naar yil sam di duk vil ting seen di ki laa sarkaavil ntar kom ting si pi birip ki yil fe. ³ Phishi buzung tikook, wulaa khi jeel ku di ma. Petong khi Naan khi laatim ni di nyil fe. ⁴ Mu npe naa yitmuk, sim muk a wuran bi kyenmu. ⁵ Lipar kudi zak ma, wus, khi puus mu ki pishi ma pedi Naan pi piya npee kaamu. Mu npee twakat wukhime har tai-tai. Ndah Jessu pe wawul la-la/nken. ⁶ Yakal sat naa, "bilip si a wu man a zeen duk, Ndah Naan, Nda kaa rin mu duk-duk lep la lep fin npe niin gurum fin mu bidi pe taa ki dar ma. ⁷ An npe wawul nken/la-la. Wuret dee a bi nyen ndhi mu shin lohot ki bilip wubang sih. ⁸ A an Yohanna a kiling shin a naa bisimu duk duk. Kidangkong ndhi a kiling shin a naa mu bi a putaa tihim la lep kinaan pe dikyil nni. ⁹ Sat naa ko lee, a nok dikyil njin sih, pedi jin a shaar ni nbuut dikyil naan. Ghi ki nyen sat bilipnaan ki nyen shin zeen bilip khinaan. Ghi dikyil a Naan. ¹⁰ Shin sat nnan naa, a nok ohoot bilip wubang si si npe ndhi puus fe kus. ¹¹ Gu shim khi zeen del tihim khi shin fe, nyen shiit wuret mu deltihim khi shin fe, nyen wubang mu deltihim mu dee a wubang. ¹² An pee wawul nken/la-la khi kwat di pe shjin ngurummu kop shiit di mu shin ko a wuret ko a wubis. ¹³ An a Alfa ki Omega, she ki lat, ndhi nshe khi lat. ¹⁴ Wuret kat nyen vwang lee fut npe kat pong npe tee lating mhi seen shih mu kat del pi bong mhi Naan. ¹⁵ Nyen di mu dang mu del yil wubang si a wubaanmu, sohotmu, nyen shin gaamu, nyen tikaa mu, nyen dikyil nkuum mu, nyen demdong ki gab dung mu. ¹⁶ An Jesu, a lep Laa lep fin ndergi, ki bilip sih nder nyen mwan nder Naan mu. An a songsohol Dauda, zar wu piya piya. ¹⁷ Riin ki mwatmwar mu pi sat na gu ji, duk gwo ndhi am tih ni ji, yak am seen ki zuhum. ¹⁸ An pi shin kaar nyen kiling bilip ki diyel ki Naan si. Kat me gurum ligwa di pi Naan ki likwa kaa wubis di pe kat ni. ¹⁹ Kat me gurum shang mebi ba ki ni buhot ran si, bhi Naan npe ba ki wuret ki muk mhi lating mhi katseen ki mhi del yil wubang ndhi ni nbut ran sih. ²⁰ Gwo ndhi sat langting bi si sat naa, "Jin khi yarkam wul ndhi di ma. Assiwai ki ji da Jesu. ²¹ Wuret ki Ndah Jesu deeh a wukhime khi gurum khi Naan wubang mu assiwai.