¹ Yakhal a naa khiting naan wupwo khi yil wupoo, npe ndhi tingnaan ndhi nshe khi yil ndhi nshe mu lat, baga am wuyon kudi ma. ² Bhi a naa wupwo Wurishalima, di tong khitingnaan deer Naan sam yil. Mu dak ni khi peh mwatmwar ndhi ni phi tappi mis di sih. ³ A kiling me dikil pih sat naa, "Gu naa petong khi Naan ni nder gurummu, khi tong naar mu. Mu pe dee a gurum khi mu ni dee a Naan khimu. ⁴ Ni npeh pwaas yitmwa nyit gurum fini mu. Muut khot di ma, buzung tikook di ma, waal di ma, shwal di ma. Bi wusihir mu del. ⁵ Gwo ndhi khi peetong sat naa, "Ghi naa a villing bi mu dee a wupwo sat naa, "Ghi ran bisih pe ndhi a zeen kih dikitshik. ⁶ Sat nnan naa, "Mu shin bi mu khiding. Jin a Alpha khi Omega, she ki nlat. Gwo ndhi feel muk fih a shin am nih kizuhuum pweem am mih seen. ⁷ Gwo ndhi si koorong khi kat bisi kiding bi a dee a Naan kimuk, ni dee a laa fin zak. ⁸ Wuluhatmu, nyen buzung wuyokmu, wubaanmu, sohotmu, nyen gaa mu, (sorcerers), nyen kuumu khi nyen dungmu, pee kimu a wus ndhi baan met dau. Muut wu vil zak. ⁹ Mee buut jep lep khi naan poovil ji nder ni. Ni khi dak mu poovil giring shwal mu shini-shini saat naa a ji de a naa mwatmwar di. Mat latim. ¹⁰ Mang an buut riin nkaa pang di fiyer - fiyer niin Urushalima yil wubang phi tong sam kiting nder Naan. ¹¹ Urushelima katyon khi Naan mhi lap a peeh bitok sih deh ki bi pong wu milip sih. ¹² Ni ki zaai wufiyer khi yar del sarkaavil khi jeplep khi naan sarkaavil. Yar del mu ki sim jep daas Isarila mu. ¹³ Ki sarpuus yar del mu kun, ndeel. Yar del mu kun, bideer yar del kun, kisar kansihin yardel mu kun. ¹⁴ Zai fe khi kuur sarkaavil khi sim jepleep khi Jesu mu sarkaavil. ¹⁵ Gwo ndhi phi sat bilip ki an ni ki dukul shakal kampee, peeh kam yil fe yardel khi zai fe. ¹⁶ Mu kam yil fe nkyet-kyet jihir kaat. Kuun ki kaam fe a bi wukhime khi fiyer fe duk. Mu kam yil fe khi bi kam wumal mal, ndhi kun fe wua bi wukhime sih. ¹⁷ Mu kam buut lih fe duk, ndhi kom zai fe 144 nihir fe kaa kam khi gurum khi la lep khi Naan. ¹⁸ Mu dak zaai fe khi yasfa, yil fe mu dak ni khi zinariya yet-yet milip tat-tat. ¹⁹ Mu dak kuur yil fe khi pang di mu khi pishi. Di nshee yasfa, wuvil, saffir, wu kuun a gat, wu feer zumurrudu ²⁰ wu baat, onis, wu peeme yakuun. Wu pokovil, kirisolat, wu pokokun beril, wu pokyou tofaz wusnar kirisokaras, wusarkakhime yakinta wusar kaa vil zak ametus. ²¹ Pi bong yil fe sarkaavil, luu luu sarkaavil khi shi pibong pibong. Yar kaam yil fe a zinariya zal milip tat-tat. ²² A naa me pe dikyil Naan ki yil fe ma. Pe di Naan khi lafin mu dee a bi dikyil ni. ²³ Yi fe wall puus ko taar ma pe ndhi yon ki mu piya pe ki yil fe met puus. Naan a pebang ki mu. ²⁴ Pibong kimuk mu ba ohot pe ndhi a lipar ni ma har tai-tai. ²⁵ Pitong khimu mu ki oot ni. Puus ma tai tai. Mu npe shin lipar pe fe ma. ²⁶ Pi shi ki gurummu kiding mu pe ji ki mu tihim muk. ²⁷ Ko lee me bi murap di pe kat del di, wuban mu ki nyen wurap mu ki nyen dong mu mu ki katdel ma. A nyen di mu kat sim mu nbut ran wubang ki laa tim si mu ki kat del.