1 Ndhi Bhit Wu Pokovhil fe del, Maryamu/mary Magdaliya mu khi Maryamu/Mary nighin Jamis, yaghal Salomi mu se'et moor khi tahas deh nmu mwan tighir nkum Jesu dih. 2 Nbhit-nbhit npuus wu-she nsati fe, mu mwan yaa phi tughun ndhi puus kaa. 3 Mu phi sat nshak, "A weh khi bhiring pang/lar phi tughun si shin bah nmun eh?" 4 Ndhi mu naa peh khiting, bhi mu kat mu bhiring pang/lar fe shin bah gwe, nphe ndhi nih nbaga nih. 5 Mu rho ndhighin tughun fe bhi mu naa me la dengmar shi khi leh wu piya, khi tong nkwang da-sih, bhi fii-poo nmu. 6 Sat nmu nna, "Gu nok lwaghat si. Gun phi tang a Jesu, ngu Nazarene, ndhi mu kaa nih khikha shep. Yaghal! Nih nbhisi ma. Gu naa peh ndhi mu den kum muk dih. 7 Gu mwan, gu sat jep kam/shar shiit khimuk mu khi Pita ndhi nih mwan ntighim gu nphe yaa nGalili. Dih/Mbhisi bhi gu naa nih, khibih ndhi sat ngun si." 8 Mu pwat nbut tughun fe khibang bhi mu t'hik nashisho; mu phi dham khi nighin-tighim. Mu sat meh bih meh gwo ma nphe ndhi mu lwaghat. 9 Nbhit-bhit nbut puus wu-she nsati, khidangkong ndhi yaghal, bhi she nin khashin Maryamu Magdaliya, nih ndhi sham pwat khi mhikwarkum/riin wubis mu pokovhil nnih. 10 Mwan sat niyen ndhi tong mu nder muk, ndhi mu phi err khi ruru. 11 Mu khiling ndhi nih nkaham/khi se'en shin nih mat-bih naa nih khi yit,dang bhi mu shinzen ma. 12 Khidangkong bih ndhi si mu bhi shin nin khashin nyar wudhik mu nmu vhil, ndhi mu phi pwat khi yil fe. 13 Mu mwan mu sat ngokshi shar shiit/jep kam khimuk mu, bhi mu niyang shinzen nmu. 14 Leh bhi Jesu nin khashin nmu wu sarpo khime ndhi mu tong dighit sut khi pehtong sih-sih, bhi gwakjighir nmu nphe niyang shinzen khimu khi bhizung-bal, nphe ndhi mu niyang shinzen nniyen ndhi mu naa nih khidangkong ndhi yaghal nar niyen ndhi mu duwam. 15 Sat nmu nna, "Gu mwan khi dighinyil khiding, gu kam bhilipnaan ngurum mu duk-duk. 16 Gwo ndhi shinzen shin mu mu shin baptisma nnih bhi khi bar, yaghal gwo ndhi niyang shinzen mu khi gap diyel nnih. 17 Jep bih naa-khi yit si mu mwan khime khi niyen ndhi mu shinzen: Ndighin sihm nih mu khi pwat khi mhikwarkum/riin wubis mu. Mu khi lap bhilip nliss wu-pwo. 18 Mu khi kok nwoo khi sar du, yaghal kat mu shu meh meh bih ndhi khi tih-peh, bhi khi shin meh bih nmu ma. Mu khi lhing/zan sar khikha niyen gok, bhi mu khi kat kaham." 19 Khidangkong ndhi Nda Jesu lap bhilip khi mu, bhi mu mang nih shin kaa khitingnaan yaghal tong khi sar-sih nmhi Naan. 20 Shar shiit/jep kam khimu mu del yaghal mu kam bhilipnaan npeh mu khiding, bhi Nda Naan shin shiit a wukhime khi mu shin lap eeh khi bhilip fe nbut bih-naa-khi yit ndhi mwan khi mu.