Ep fe 24

1 Nbit-bhit par puus ndhi nshe nbut teer wu pokovhil, mu mwan ya khi peh tughun, mu ji khi nighis ndhi mu dak. 2 Mu kat mu ter pang phi tughun fe/alang fe shin ba. 3 Mu del rho nbut tughun fe, dang bhi mu kat mu naa kum Nda Jesu ma. 4 Par bhit ndhi si, ndhi mu kudi a wu rhing khika bih si, det bih, meh niyen shi mu vhil mu direm kus khi mu nbut leh wu mhiliap ndhi khi mang yit gurum. 5 Ndhi lughut yak shorop fe mu bhi mu ghim yit du nyil, bhi mu sat nshorop fe mu na, "A meh lhi deh gun phi tang gwo ndhi nih khi seen khinaar niyen ndhi mu duwam ye? 6 Nih npeh/nbi si ma, nphe ndhi yaghal gwe! Gu khik dersuk khi bih wudok sat ngun ndhi kutdi nGalili, 7 sat nna a tiit deh nmu shin La Gurum khisar niyen shikbis mu yaghal mu khi pwas nih khidel shep, yaghal nbut puus wukun bhi shin khi yaghal." 8 Shorop fe mu khik der sut khi bhilip khi muk, 9 yaghal mu yit tuhun wum fe dih bhi mu thik khi yar mu mwan mu sat bih si mu khiding njep kam/shar shiit khi muk ndhi mu sar po/kha khime si khi gokshi gurum mu duk-duk. 10 Bhi Maryamu Magdaliya, Juwana, Maryamu nighin Jamis, yaghal gokshi shorop mu mwan mu lang/sat bih si mu njep lep/shar shiit khi muk mu. 11 Dang bhi bhilip si deh nmu a khipe shap jep si nder jep lep/shar shiit si mu, yaghal mu shinzeen nshorop si mu ma. 12 Dang bhi Pita/Bitrus yaghal khiting, bhi yaa nasi-sih yaa dih khipe tuhun wum fe, bhi ndhi naa-peh shin sam bhi naa a kal leh mu ndhi mu wum nih khi nih det. Pita/Bitrus yaghal sii waya khipang lih nih, bhi nih leng kot a meh ba taa oh. 13 Det bhi, gurum mu vhil ndhi mu nphe yaa nmeh la yil ndhi mu khi yong a Emmaus, ndhi sing khi muk khi Urishalima kus khi mel yakgurum kun si. 14 Mu phi sham pak bih ndhi mu naa taa duk-duk si. 15 Bhi ndhi mu nbut bhilip fut shin mu phi tal dighil shak det bhi, Jesu shi khashinih ji nder mu, yaghal mwan nder mu. 16 Dang bhi yit mu deh a khipe ndhi pan riye deh mu man ndhi a nih ma si. 17 Jesu sat nmu nna, "Kan gun wu vhil si lap bhilip a khi del meh ndhi gun phi mwan si ye?" Mu direm det khi bhizung tihkok. 18 Nmeh-me khinaar mu, ndhi khi yong sim muk a Kiliobas, pring nna, "A ghi a gurum det khi yil Urishalima ndhi man bih ndhi mu taa nteer si ma ah?" 19 Jesu sat nmu nna, "A meh mu ye?" Mu pring mu na, "Bih ndhi kat Jesu ngu yil Nazarene, ndhi a ngu jagham, simshik khi bhilip khimuk mu a bih fiipoo ntighim Naan khi gurum mu khiding, 20 yaghal niyen bhilipNaan wu nan mu khi daskaham mu shin nih ngurum mu pwas nih khi del shep. 21 Dang bhi dok mun phi naa a khipe ndhi a nih nphe put khi Israila nbut wula si. Asi, a wuni det ma, a teer wu kun khidangkong ndhi nih si taa. 22 Dang asi zak, pak meh shorop shi mu ndhi mun a wu khime khi mu my sat meh bih fiipoo nmun, ndhi mu yaa dih ntuhun wum fe nbhit-bhit. 23 Ndhi mu kat kum muk ma, mu wakji, mu sat muna shin du naa jep lep khi Nda Naan mu ndhi mu sat si na gwar yal khi seen. 24 Pak daas ndhi mu a wu khime khi mun mu mwan yaa dih khipe tuhun fe, yaghal mu kat bih fe a khipe ndhi shorop fe mu sat nmu si. Dang bhi mu naa nih ma." 25 Jesu sat nmu na, "Oh gun niyen yoghor mu shin bhizung gu bes khiling bih nnot shinzeen khi kaa bih ndhi niyen jagham gyet mu sat! 26 Gu man ndhi a tiit deh nKristi fe shu jeel si mu ma, yaghal del nbut raam fi nih ma?" 27 Bhi yaghal nMusa waji wul nniyen jagham mu khiding, Jesu tat yit bih si nmu khi del shin nih nbut ran bhilip Naan khiding. 28 Ndhi yaksi mu roo meh la yil ndhi mu nyaa dih, Jesu shin khipe ndhi jin nphe mwan kam ntighim. 29 Dang bhi mu lhi tiit nnih, mu na, "Ghi tong nder mu, nphe ndhi puus yaksi taa gwe shin peh wulkus nphe rap." Bhi Jesu mwan nder mu nphe tong khi mu. 30 Bhi dih bhi, ndhi tong nder mu nphe sih-sih khi mu, bhi mang burodi, bhi lhi wuret khi ka fe, yaghal terep nih, bhi shin nmu. 31 Bhi yit mu ep, yaghal mu man ndhi a nih, bhi riyem nyit mu. 32 Mu sat nshak mu na, "Ye bhizung mu phi fiyal ndhighin ma, ndhi nih phi lap bhilip nmun khi yar, ndhi nih phi kam bhilip Naan nmun?" 33 Mu yighil nbhit wuni fe, yaghal mu bhin wakya nUrishalima. Mu kat jep lep/shar shiit ndhi mu sar po/kha khime mu neer tong khishak, yaghal gurum ndhi mu a wu khime khi mu, 34 mu na, "Nda Jesu fe yaghal khi seen wai, yaghal shin nin kaashin nSiman. 35 Nphe ndhi asi bhi mu sat bih ndhi taa khi yar, yaghal bih ndhi Jesu shin deshe yit mu app dih khi dangkong ndhi trap biredi. 36 Ndhi mu phi lap bhilip si mu, det bhi Jesu shikhashin dar nnaar mu, yaghal sat nmu na, "Tongshaghap/wu zughum kat gun." 37 Dang bhi nghintighim bak mu shin lughut tiyo mu, yaghal mu mang khipe ndhi du naa a meh riin wubis/mhimiling si. 38 Jesu sat nmu na, "A meh lhi deh lughut tih gun dih ye? A meh lhi deh khisher tal mu phi yighil nbhizung gu dih ye? 39 Gu naa sar nih khi kwak nih, a an khi mih. Bhim an deh gu naa dih. Nphe ndhi riin/mhimiling nih khi shopshik yaghal ees ma, khipe nman ndhi gun phi naa fe si man." 40 Ndhi sat a si, bhi nin sar nin khi kwak nin nmu. 41 Dau khi wuni fe bhi mu niyang shinzeen ma nphe retyit, yaghal fiipoo nmu. Jesu sat nmu na, "Gun khi meh bih nphe sih wai a?" 42 Bhi mu shin la bot shirep ndhi mu tung nnih, 43 yaghal mang bhi arr khi yit mu. 44 Sat nmu na, "Dok ndhi an nder gu, a sat ngun ndhi bih mu khiding ndhi mu ran khi del waar Musa khi niyen jagham mu yaghal bih ndhi nbut Zabura khi gam a tiit." 45 Bhi epp en/bhizung mu, deh nmu mu man bhilipnaan dih. 46 Sat nmu na, "A nih lhi deh mu ran, mu na nih Kristi fe khi shujel a tiit dih, bhi khi shin yaghal nnaar nniyen wu duwam mu par/khidangkong bhit wu kun. 47 Tihwap khi kon khi shikbis a bih ndhi ret deh nmu kop/kam khi ka sim muk ndighinyil khiding, yaghal she nUrishalima. 48 Gun a niyen langting khi del bih si mu. 49 Gu naa, an nphe lep khi bih ndhi Nda nih twarshik nih nna ji shin. Dang bhi gu nok yit la yil si-si deh ngun gu kat bal riin wu bang tong khiting sam dangsi. 50 Bhi Jesu lap mu pwat khi mu ji wul ndhi mu wulkus khi yil Bethany. Epp sar nih khiting, yaghal lhi wuret fin nmu. 51 Bhi ndhi dih, ndhi nih phi lhi wuret khi del mu, bhi yit mu dih yaghal meh riin shi epp nih ka shin ka khitingNaan. 52 Bhi mu dikyil/saam nih, yaghal mu wakya nUrishalima khi retyit bwer. 53 Yaghal tong mu wet nlihNaan, mu phi plang Naan.