1 Tong nder Pol ndhi yong pee khimuk dee ni kot a shaar shiit ndhi bah puut a nder gurum kot a leng khi gurum ma, npee ndhi tong nder Jesu Kristi khi Ndah Naan mu, ndhi yaghal khi nih nbuut muut. 2 Khiding nyen shin zeen mu dhi mu nder nhi mu phi lep khi tal fhut shinya nyen lihnaan mu ndhi nGalatiya. 3 Yit dih ndee Ndah Naan khi Nda mu Jesu Kristi shin wuret khi tong shakap ngun dih. 4 Npee dee ni bwot mun khi zukhum dih nsar nyen gurum wubis mu ndhi nteer sih mu, dhi Ndah Jesu shin kaa shin npee shikbis fhun, nyaar ndhi ni a mhi shin yon khi dem khi Ndah Naan. 5 Shin ya nder Ndah Naan tai-tai. Asih wai. 6 Shin bii fiipoo nnan npee gu. Gun baa gu tong bwer ma, bhi gun phi nyang npee mwan nder gwo ndhi yong gun nsim wuret khi Kristi, yaghal bih shin gun phi lap mee kaam/sat wukwa dhik. 7 Zee, a sat gun, baa mee kaam/sat bhilip Naan wukwa dih ma shin bin a sat ndhi sih npee ndhi pak gu mu phi dang gun dee mu viling yarkam bhilip Naan mhi Jesu dih. 8 Shin bin kot a mun oh, kot a jep lep khi Naan oh ndhi mu tong khiting saam oh ndhi mu khi kaam ngun bhilip Naan wudik khi bii ndhi mu kaam mngun, yit dii de nni muut nwus dih. 9 Dok mu sat gwe, khi detssih bhi an phi sat fee shizak: ndhi kat megwo kaam bhilip naan ngun wudik khi ndhi gu lap gwe, bhi pak nnot bhi gwo fee ni npee den ni nwuus wubis. 10 Kot sih mhissih niin ndhi an phi tang a baam nder gurum ko a Naan eh? Assih ma! Bii ndhi an phi dem bih a bii ndhi Ndah Naan lap eh khi ni. An phi dem a gurum mu man an bwer det ah? Kat a deltikhim khi shin wuni det bhi an yee npee kot a kwaram khi Jesu Kristi ma. 11 Yit nnan a sat ngun ndhi yar nhi mu, bhilip Naan ndhi an phi sat ngun baa tong a nder gurum puut ma. 12 Baa a lap nder megwo ma, ba a megwo kaam nnan ma. A Jesu shikaa shin niin nnan. 13 Teen gu man yad ndhi a shin kaa san npee shin zeen nyen mwan nder Naan mu haar a daar npee tyoo mu. 14 An ghet ntikhim gokotshi Yahudawa mu ndhi mun ngang khimu buut kaam mhi bhilip Yahudawa mu, bih a met mu khiding nyar shin zeen khi Yahudawa mu bhikaham mu muu put kat. 15 Npee dhi assih, Ndah Naan nbuut wuret khimuk shang an dang dee shee mu la'a an dii, yaghal yong an npee shin shiit nni, ndhi ni kat ret assih. 16 bih niin La fhini nnan, dee nnan a kaam/sat bhilip Naan wuret nyen ndhi baa mu man/shin zeen nni ma, bih ba a tang kaar nder megurum ma. 17 Ba a mwan a yaa nJerusalem dee nan a naa nyen ndhi gyet a nyen shiit naan dang dee she an di ma. Nwak fee bih a mwan a yaa Arabia yaghal a wayaa Damascus. 18 Khidangkong yii kwun ndhi a yaa nJerusalem npee lap pak jep bhilip mu nsar Peter bih a tong nder muk npee satii vil. 19 Ba a naa megwo ngu shiit nan ma sai a James ndhi ni a emnhikhin Ndah Jesu. 20 Bii ndhi a ran sih bih a zeen fee. Ndah Naan man ndhi an phi gap a dung ma. 21 Khidangkong bih a mwan a yaa npee mu khipe Syria khi Cilicia sih. 22 Nteer wuni mu bih nyen mwan nder Naan mu ndhi mu dih nJudiya ba mu man an a wuret ma. 23 Mu man a bii ndhi pak gurum mu phi sat det sih naa: "Gwo ndhi gyeet ni phi shin jel nyen mwan nder naan mu ni phi kaam/sat bhilip naan/wuret khi Naan ndhi ji daar npee tih fee shin baa. 24 Yaghal bih mu shin plang Naan npee ni.