1 Nphe ndhi asi ghi, la nih, ghi kat tughurkagham nbut wuretkhinaan ndhi nbut Kristi Jesu. 2 Bih ndhi gu khilling nder nih khinaar langting mu bwer, bhi ghi yit nsar nyen shinzeen ndhi mu khi kam ngokshi gurum mu duk. 3 Ghi shu wula nder nih, khipe khinshong wuret nmhi Kristi Jesu si. 4 Meh khinshong tong khi shin shiit ma kat den kaashin nbut bih dighinyil si, nphe shin ret ngwo wuyon finin. 5 Asi duk, gwo ndhi tong khi shin shap nasi-si khi kat yon ma kat lap waar shap fe yaa ma. 6 Ret ndhi ngu mar bal-bal sheh kat sih finin. 7 Ghi diye bih ndhi an phi sat fe, nphe ndhi Nda Naan nphe shin man mu bih mu khiding nghi. 8 Ghi diye Jesu Kristi, ndhi a sherem khi David, ndhi mu yaghal khini nnaar nyen wu dwam mu. Ndhisi a khipe yet ndhi bhilip wuret fin sat dih, 9 ndhi an phi shu jel ndhi ba wal bwagat an khi ngwaghar khipe wat si. Dang bih ma nphe bwaghat bhilip Naan khi ngwaghar. 10 Nphe ndhi asi a moghor khi bih mu khiding nphe nyen ndhi mu taghat mu, nphe deh nmu kat bar ndhi nbut Kristi Jesu, khi ram nmhi tai-tai. 11 Sim bhilip si ret yaa nnook: "Kat mu dwam khi nih, bhi mu kat sen tong khi nih. 12 Kat mu moghor, bhi mu kat tong khi nih. Kat mu shii nih, bhi nih khi shii mun duk. 13 Kat mun khi shinzeen ma, nih khi shinzeen, nphe nih khi shii ka-shin ma." 14 Tong ghi khikder mu khi bih si mu. Ghi shin kar mu nsim khi Naan yak mu Jaguar nka bhilip ma. Nphe ndhi asi bhi meh bih khi baam ma. Nphe ndhi asi gurum mu dughun ndhi mu khilling. 15 Ghi daar ghi shin kasak a gurum lap yaa ntighim Naan, ngu shiit ndhi kaa muk khi kul ma, ndhi khi kam-kam bhilip nnot lhik nmhi zeen. 16 Nok lap bhilip wu baan, ndhi khi kon ghi nbut nyang wap Naan. 17 Bhilip khi mu khi mwan a khipe gokla si. Nnaar mu a Himinayas khi Filitas. 18 Mu a nyen ndhi mu man zeen ma. Mu na wul wu vhil taa gwe. Mu phi viling shinzeen nmu pak mu. 19 Dang bhi, kuk Naan ndhi a wu bal a wu dar khiting. Nih khi ran si: "Nda man nyen ndhi a nmin mu" yaghal "A tiit dhe ngurum mu khime-khime ndhi mu yong sim Nda mu nok shiit rap dhi." 20 Lih ngu bhilong a khi daa pang muwon ndhi mu ret-ret khi wu baan fe det ma. Daa shep khi nmu wan kot dhi. Pak mu a nphe shiit wuret, pak a nphe shiit wubis. 21 Kat meh gwo vwang shik nih shin ba nbut shiit wubis, bhi nih a daa wuret. Mu khi lap nih den dik, nphe shiit nGulih, yaghal deh a wu ret nphe shiit wuret duk-duk. 22 Ghi yit shiit tihleet nmhi dengmar mu. Ghi tang shiit wu bang, shinzeen, demshak, yaghal tongshaghap khi nyen ndhi mu phi yong sim Nda khi bhizung wu bang. 23 Ghi nyang tal yoghor khi ndhi nnot nphishi. Ghi man ndhi a nih phi ji khi jaghar. 24 Ngu shiit Nda khi jaghar ma. Khi deh a ngu dyeer ngurum mu duk-duk, ngu man kam, yaghal a ngu moghor. 25 Khi deh a ngu sam khi kashin nphe kam-kam nyen ndhi dighil mu tong khi nyangshak khi nih. Pak bhi Naan khi kon khi nih nmu nphe zeen ndhi mu man. 26 Pak bhi en mu khi waji khi peh khime yaghal mu yit gwak sharfom dih, khi dangkong ndhi yak mu nphe shiit fini.