¹ Khidetsi nkaa bhilip wawul khi Nda fun Jesu Kristi ret dhe nmun mu ji kishak nphe deh nmun kot khi ni dhi: mu phi sat gu emnikhinmu mu, ² yak ba khi bes tukur ngun yagal gu kat bhizung tikhok ma dhi kot a me riin a, me lep, ma bhi me ran ndhi nphe tong nder mu put, nphe sina bhit khi wawul khi Nda waji gwe. ³ Gu nok yit me gurum gwam gun si. Nphe dhi bhi si mu mpe taa ma kat ba a gwo ndhi bahman Naan ma yaghal mu pwat khi ngu shin biss, khi tikhok khi phe. ⁴ Nhi a gwo dhi nyang Nda Naan yaghal shin yon nkashin met Nnaan khi me bhi dhi mu phe dikiyil nni. Phe dhe asi, mang kah shin den khi phe wuyon khi Nda Naan yagha mang kah shin khi pe Nda Naan si. ⁵ Gu diye khi bhi ndhe an nder gu bhi a sat ngun ma a? ⁶ Khidetsi mu man bhi dhi dang nhi nphe dhe ni nin ka shin kat pus fe wul. ⁷ Nphe dhi bhi fii po nhi nook wubis nhi phi shiit gwe, nphe dang ni nphe nin yon fini dhe she mu mang ni shin ɓa ki yar di. ⁸ Asi bhi mu khi woo ngu shikbis dhi Nda Jesu nhi khi yar dhi shen shin ba khi no-ok phi nin. Nda Naan nphe lhi dhe nhi deh nnot phishi kat nin bhit wawul fi nin. ⁹ Ngu shikbis ndhi ni mphe wul bhit kot a nphe shiit wubis khi sharfom ndhi khi bal, khi shiit dung, ¹⁰ yaghal khi dung mu shiit wuret ma. Bhi si mu duk-duk a phe nyen dhi mu peh shu jel, nphe dhi mu nyang lap zen mu demshak dhe nmu bar dhi. ¹¹ Nphe dhi asi bhi Nda Naan nhi phe lep mu dhe mu shin zen khi dung dhi. ¹² Nlat fe mu phe tok dyel, nyen dhe mu shinzeen ma yaghal mu deltighim khi shin bi wubis. ¹³ Ret ndhi tong mu wet phe shinplang Nda Naan nphe gu, emnikhinmu mu dhi Nda dem. Nphe dhi Nda Naan taghat gun a khi peh la ting wu she nphe bar tsen nmbut wuret khi riin wuret khi shinzen. ¹⁴ Nphe wuret dhi yong gun khi bhilipnaan ndhi shin nphe dhe ngun gu khat plang khi Nda Jesu Krisiti dhi. ¹⁵ Nphe dhi asi, emnikhin ni mu, gu dar bal bal. Gu ya wuret ndhi mu kam ngun, kot a bhilip ah kot a ran oh. ¹⁶ Khidetsi mang ye Nda Jesu Christi shi ka shin, khi Nda Naan ndhi dem mun yaghal shin petong wu tai-tai khi tukurdwan wuret nphe wuret ndhi tighim, ¹⁷ shin retyit khi bhizung piya a npeh shiit wuret khi bhilip wuret.