1 Khidetsi, an phe ran lep wu vəl si nghi, emnikhini, dhe nnan khik der ghi nghi ghi ɗen ɓhizung ghi wuzen, 2 ɗeh nghi ghi leng khi bhilip wu gyet jep lep khi Naan mu sat yaghal khi bhilip wu bal-bal ndhi Nda mu ngu bar mun lep nyen shiit fini muh khi ni. 3 Gu man a wu shi-she ndhi nyen tet mu mphe wul nlat khi yil. Mu nphe tet yaghal mu ɗeltighim khi bhi ndhi mu phe ɗem fe. 4 Mu khi sat sina "Wawul khi muk ndhi gu sat fe ni a ne? Khi peh ndhi nda mu mu dyerem bhi bih mu tong dhi asi, yaghal khi peh ndhi Naan ɗen yil." 5 A khi ɗem khi mu dhe en mu mhin khi dhi phe wuret khi Naan khi yil ndhi a wu-dhi-ɗen ndhi mu pwat a nbut am pegyet dhi, khi phe ndhi Naan sat a si, wu get-get ɗhi, 6 a nphe bhi mhi si mu ɗe yil wugyet fe gyet pyan di nphe am ndhi Nda Naan lep khi ni gam peh. 7 Khidetsi zak bhi peh wuret khi Naan khi yil a wu ɗi-den tap phi wuus khi phe ndhi Naan sat bini. Mu a wu-dhi-ɗen tap phi dyel khi nyen dhi mu shi khilling nNaan. 8 Yak ndel nnot nman fuk, emnikhinimu, ndhi bhit khime ntighim Naan bhi deh a khi peh yii yakgurm paat yit sar, a si yii yakgurum paat yit sar nder naan ɓhi ɗeh a khi phe yii khime si. 9 Nda Naan ni phi shin bih zuhum-zuhum khi bih ndhi ni den ma a khi pe ndhi pak gurum mu mang shiit zuhum-zuhum dhi ma. Nphe dhe a si fe Nda Naan nhi phi mang moghor khi mun. Nhi phi ɗem me gwo mu'ut ma, a nphe dhe ngun gu tangkon khi ni ngun dhi. 10 A nphe dhi asi fe, nbhit khi Naan ni nwul a khi peh ndhi wat khi wul nnot man fun si: Pewuret khi Naan nhi npe ɗel a khi bagaa ɗhikil. Bih ndhi mu nbut muk mu nphe shan nbut khi wuus yaghal yil khi duk-duk bih dhi mu shin dhi. 11 Nphe dhi bi si mu duk-duk nphe shan khi yaar ndhi si, bhi gun nphe kot a nkaan gurum ndhi ne mu eh? Gu tong petong wuret yaghal gu kus khi Naan. 12 Gu ɗen a wu man yaghal gu shin npe bes khi wul khi bit Naan. Par bhit fe, pewuret khi Naan nhi nphe shan khi wus yaghal bih ndhi mu nbut fe mu npe buwaar khi baan wu ma-ma. 13 Dang bhi nphe dhi Naan sat si bini, mun nphe pi-peh wuret khi Naan wu-po khi yil wu-po ndhi nphe tong kot khi zen dhi. 14 Nphe dhi asi, emnikhinimu, gun khi man khi bih si mu, bhi gu daar ɗeh gu tong nnot wubis khi petong wuret ntighim Naan, khi tongshaghap. 15 Shin asi, gu leng khi moghor khi Nda Naan fun ndhi a nmu baam tsen mu, a khi peh ndhi emnikhinmu Pol ran lep khi nhi ngun, a khipe senn ndhi mu shin ni si. 16 Pol sat bih si mu nbut ran lep ndhi ni ran, ndhi nbut fe bhi wu lapo nphe man mudi. Nyen nnot man khi nyen ndhi bhizung mu khipe khime ma mu vling bi fe mu, khi peh ndhi mu shin nbut gokshi bhilip Naan, dhi nyan ba dukhun mu. 17 Nphe dhi asi, emnikhinimu, nphe dhi gun khi nman khi bi si mu, bhi gu tap kaa gu yak gu t'hik khi yarkaam wubis ndhi nyen dung khi shin bih wubis mu nphe nin ngun yakal gu kon khi loghot fuk. 18 Nphe wuni bhe gu yitdi dhe ngun gu nan nbut wuret khi mann khi Nda mu khi Ngu bar mun Jesu Kristi. Mang ye raam khi muk ɗeh a mu-muk det shin mwan tai-tai. Asiwai.