1 Siman Bitrus, Kwaram khi lalep Jesu Kristi, nder nyen dhi mu shinzeen khi peh mun si, shinzeen nbut daar nyarkam nkhi Naan khi Ngu bar mun Jesu Kristi. 2 Yit nwuret khi Naan khi tongshaghap bwul (dohol) nbut maan bhilip Naan khi Jesu Kristi Nda mu. 3 Bii khiding ndhi a mhi riin wuret khi Naan ndhi shin nmun, a nhi yong peh nmun nphe kaat yon khi fibip khi muk. 4 Nbut bhi si mu, bih shin bii wuret mu nmun nphe par kat ntighim, bhi mu ɗeh a nyen langting khi muk ntighim, bii mu del peh tikhok khi bhi wubis yaghal naa sha mhi dikinyil sih. 5 Nphe phishik pak bhi mu, bhi gu daar khi shinzeen khi en wuret khi mann. 6 Yit nmann kot khi yashik, yashik kot khi moghor, moghor khi mwan deer Naan. 7 Yit nmwan deer Naan kot khi ɗemshak, ɗemshak kot khi waal nshak. 8 Kat mun khi en ndhi si mu deltighim bhi mu kat ba khi ndangkong ma nbut bhilip khi Nda Jesu. 9 Kat mun khi en wuret si mu maa bhi naa peh fun kus khipe gurum dhi maa khi muk sing phe ma. Bii miin deer shine khi koon khi shikbis khimuk ndhi nshe. 10 Nphe dhi asi, emnikhin ni mu, gu daar nbut yongpeh fuk khi bhilip fuk nphe ndhi kat gu shin bhi ndhi si mu bih baa khi ndangkong npeh kot dhi ma. 11 Nbut yar ndhi si bhi mu kat pong npeh kat tsen dhi khi mwan tai-tai ndhi Nda mu khi Ngu baar mun Jesu Kristi npeh shin nmun bwer. 12 Nphe dhi asi, bhi an nphe wet nkhik der gwu khi bih fe mu khiding ndhi gu man gwe zak khi bal khi shinzeen fuk. 13 A naa khi ret deh nnan a khik der gu khi pak bih mu nphe ndhi a kudi nder gu. 14 A man ndhi yaksih a yit gun dhi nphe dhi Nda Jesu nin n'an si. 15 A daar deh ngun gu khik deer suk khi bhilip sih mu khi dangkong ndhi a yighir dangkong nhi. 16 Mu tat a dramtis (seeh neen) khi bhilip ndhi mu sat ngun khi del Nda mu Jesu Kristi ma. Mu sat a bhi ndhi mu naa khi yit mu ndhi nin yon khi muk. 17 Nda Jesu lap yon khi petong wuret nder Nda Naan shi ndhi me dighil tong khitingnaan sam bhi sat nnaa, "Ndhi si a Lah nih wu deep-leek nnan dhi pya bhizung nhi." 18 Mu khilling dighil ndhi tong khitingnaan sam bhi mun a wu khime khi nhi khi del pang wubang. 19 Mun khi bhilip nyen naa peh shi kaa mu (nyen jagham mu) ndhi khi ba a nda tihil ma. Khi met nde gu tep kom gu khilling dih. Nhi a khipe wus nghiyaam ndhi khi shen kwo deshe biitbang dhi khi peh zaar phi-biit dhi yaghal nbhizung gu sih. 20 Ret ndhi gu man, dhi bhilip nyen naa peh shi kaa mu (nyen jagham mu) a bhi ndhi deh me gwo mang dhi jin khi nbhimann fe ma. 21 Naa peh shikaa (sat jagham) nhi phi ji khi man khi gurum ma a nphe dhi a riin khi Naan nhi phe sat bhilip khi gurum mu.