1 Nlat fe, emnikin nhi mu, mun phi shin tukurdwan ngun ndikin seom khi Nda Jesu. Khibi kar ndhi gu lap nder mu npeh piya bhizung khi mwan nder Nda Naan dhi mang ye gu shin met asih. 2 mphe dhi gu man kar ndi mu shin ngun nhikin sim khi Nda Jesu. 3 A ndisih a dem khi Nda Naan, ngu vang shikbis fun mu, sat nin mu nok thileet/nga si. 4 duk-duk nnaar ngu bhi gu man tong khhi mat khi mis nbut pe bang khi yon. 5 Tap yak bisha khi mmang enmu (khibi nyen ndhi mu man Naan ma sih). 6 Tap yak mei gurum shin bis n'emnikhin ni ma, mphe dhi Nda Naan khi ya fom simshik wuni khibi ndgi gey mu biyal gun dhi sih. 7 Nphe dhi Naan yong mun a phede mu tong a nbut rap ma, a mpe pebang. 8 Nphe di asi, kat mei gurum niyang bhi niyang a gurum mah, niyang a Nda Naan ndhi shin riin fin wubang mhun. 9 Nkah demshak, a me gurum khi ran ngun zak ma, Nda Naan kam ngun na mu demshak. 10 Asih, gu kam wuni fe n'emnikhin mu muh ndhi yil Macedonia khiding/duk-duk. Mun phi dang ndergu emnikhin mu muh, gu shin met asih. 11 Mu dang shi phegu mpe dhe ngun gutong shakat gu leng bih shi-shin fuk mu, gu shin shiit khi sargu khibi dhi mu sat ngun si. 12 ndhe ngun gu mwan khi yarkam yakba mu deh a bi shwar khibang ma. 13 Mun phi dem dhe ngun tong nnot mman ma emnikhin mu muh,, khi nyen dhi mu saam mu leng tikhim/dhidar ma sih. 14 Katdang mu shinzen ndhi Nda Jesu muut bhin yaghal, bhi asih fe Nda Naan khi lap mu ndhi mu wwam dhe mu kat tseen tai-tai nder Jesu dhi. 15 Mpe wuni feh bhe mu sat ngun, nbut bhilip khi Nda Naan, a ndhi mun ndhi khi tsen mu del phi nyen ndhi mu dwam ma. 16 Par wawul khi Nda Naan bhe mu khilling ruru khi dhik yil nmu lalep khi muk wuyon, mu phe feer, asih bhi mu ndhi muh dwam khi yar Naan mu khi yikhil nshe. 17 Mu yikhil, mu kaat ntikhim Nda Naan khiding, mu tong awu khime khini khiting tai-tai. 18 Mpe wuni, bhi gu jwanshak khi bhillip khi Naan.