1 Nphe dhi gun shikasuk gu man, emnikhinimu, dhi wul fun nder gu a wuban ma. 2 Gu man ndhi sheshe bhi mu shu jheel yaghal shin mu shin kakul nmun nPhilippi. Mu shin bhizung mu Ndah Naan fun deh mun mu bhilip zel khi Ndah naan gun yar mhi wula dhi. 3 Npeh dhi kaar fun dok a lagahar ma, shin a shiit rap ma, yagahl shin kot a nbut dung ma. 4 Phekop fe, lang a sih mbi mu kat Ndah naan dem dhe mu mwan khi liis mu sat deh mu saam a gurum ma, a phe dhe mu saam a Naan. A nhi phi naa nook mu. 5 Npeh ndhi mun ba mu sat liis ndhi a bang ndhi gu man, kot a taanaan npeh baam mhe bhi, nphe ndhi naan a ni a lanting fun. 6 Kot mu tang wuret nder gurum mu, kot a nder gu a, kot a nder meh nyen mu. Yeh dok mu tang mhe bhi wuret mu kasun nphe dhi mun a shaar shiit khi Kristi. 7 Nphe dhi asih bhi mu shin bhi mu lele khi naar gu khi pe nikhin phi gwam jep dhi mu si. 8 A khi yar wuni fe bhi mu kat jikus khi gun. Mun yaghal retyit mu nphe koo a liis Naan det ma shin khi nook mu duk. 9 Yhe gu diye, emnikhin ni mu, shiit fun khi pe' baan fun. Lhipar khi puus bhi mun phe shiit yak mba mu lhi muleet nmei gu ma. Nteer wuni fe, bhi mu kam bhilip Naan ngun. 10 Gun a lanting, yaghal Naan duk, dhi mu shin bii nbut bang, ret-ret, shin nnot naa bis mu den ka sun ngun dhi gu lap nhi dhi. 11 A yar wu khime fe duk dhi gu man dhi mun mu shin khi gun khime-khime fuk khi phe ndhi a ndah khi shin khi jep fin mu, 12 mun dok a phi dang phe gu khi kaar khi pihar ngun dhe ngun mwan khi yar ndhi retyit Naan, ndhi yong gun nbut phe-petong fin khi riin khi raam. 13 Nphe dhi asi bhi mu wet phi plang Naan nkha-kha. Nphe dhi kat gu lap lep khi Naan dhi gu khilling nsar mu, bhi gu lap ni a khi phe bhilip mu gurum ma. Dang bhi, gu lap a nphe dhi a zen-zen, a bhilip khi Naan. A bhilip sih duk ndhi nhi phe shiit khi naar gu ndhi gu shin zen. 14 Npeh dhi gun, emnikhin ni mu, gu tong a nyen kam ndhi lih khi Naan ndhi mu Judea mbut Khiristi Jesu. Nphe ndi gun duk gu shu jheel fe duk tsar nyen khi yil fuk mu, khi peh ndi mu shu nsar Yahudawa mu sih. 15 Gyet a mu yahudawa fe mu t'hi Long Jesu nyen naa khaa khi Naan mu. Gyet a Yahudawa fe mu shen mun shin pwat. Mu phi shin bhi ret-ret ma nyit Naan. Kat a si, mu phi shaar-fom khi gurum mu duk-duk. 16 Mu nyang ndhi mu lap bhilip khi nyen dhi mu man Naan ma (Gentiles) yak mu nkhi bar. Wu khaa fe bhi tong mu gam a wubis fut det. Wulaa khi taa nkaa mu nlat fe. 17 Dok mu koo naar mu khi gun, emnikhinmu mu, nphe la teer leh, nphe yit khi yit dang bhi a nbut bhizung ma. Mun dok khi leng fuk, khi langyit bwer npeh naa yit gu. 18 Nphe ndhi mun phi dem jhi nder gu, an Pol, shin yit khime wukwa, yakhal Shetan (dajit) nyang nmun. 19 Nphe dhi a mhe a baal fun phe tikhim eh, kot a retyit, kot a zung mhi shwal ntikim Long Jesu Khiristi fun ndhi ni wawul eh? 20 Nphe ndhi gun a raam khi retyit fun.