Ep fe 1

1 An Pol, khi Silvanus yahal Timothy mun phi tal lihnaan ndih Thessalonia nsim khi Ndah Naan khi long Jesu Khiristi. Yidi deh wuretkhinaan khi tong shahap mwan nder gu. 2 Mun phi wet shin plang Ndah Naan npeh gu duk-duk npeh ndhi mun phi yongsim gu mbut dangnaan fun. 3 Mun phi leng gun nnok ntikhim Ndah nan npeh shiit shin bhizung, shiit dem, moghor, shin bal ndi ntikim npeh Ndah Jesu Khiristi. 4 Emnikhin mu muh, Ndah Naan dem gun, khi taghat gun gwe, 5 npeh dhi bhilip Naan fun ji ngun mbut sim det ma, ji ngun a khi bal, riin wuret khin shin zen. A sih zak, gun gu man nyen khi peh mun dhi dok nder gu nphe naa gun. 6 A gun gu she kam bhi dhi sat khi bih mhi Ndah naan npeh ndi gu lap bhillip fe khi wula yagkhal retyit nder riin wuret. 7 Nphe dhi asi, bah a gun gu dey a bih naa wuret nyen Macedonia khi Achaia mu shin zen duk-duk khi mu. 8 A npeh gu dhe bhillip khi Naan mwan rhi nMacedonia khi Achaia det ma. Kat a sih bhi rhi shipe-shipe npeh bhizung fuk mbut shiit Ndah Naan. Npeh dhi sih bhi mu sat meh bhi nkwa ma. 9 Mu khi kha sut khi mu sat bhi ndhi khi mu shin nder du gwe. Mu sat muna du shin zen Ndah Naan dhe du yit kum ndun du mwan nder Ndah Naan di kakaam. 10 Mu sat muna dun peh tap phi la Naan khi ting, dhi yakhal khi ni khi dangkong ndhi muut. Ni a Jesu ndhi pwat khi mun mbut jheel ndhi khi ji.