¹ Pita (Bitrus) lah lep khi Jesu Kristi, nder nyen ndhi mwo rang yah shi yil mwo dik dik mndhi mwo a gurum ndhi Nda Naan bun khi yil Pontus, Galatia, Cappadocia, Asia yaghal Bithynia. ² Bih fhe a sih nphe ndhi Nda Naan khi man fhe nshe khi yil, ndhi riin wubang paal nbut lohot khi kon tikhim khi Nda Jesu Kristi. Yit dhi dhe wuret khimuk kot a muk, yaghal yit dhi dhe nzuhum khi bhizung khimuk dhel tikhim khi kot a muk. ³ Yit dhi nsim Nda Naan Nda mhi Nda mu Jesu Kristi dhe a wusaan! Nbut nha jeel khimuk bhi shin bih wupwo nmun nphe tong khi nha phe ntikhim nphe yaghal khi Jesu Kristi khi dangkong mut khi muk. ⁴ Nmhi sih a nphe kok kop ndhi khi tikhook mha, khi lah zanglip mha, shin khi bwar mha, mu sok nder Naan nphe gu. ⁵ Naan nhi phi tap khi gun shi bal ndhi a mhi muk nbut khi shin zeen nphe sehen ndhi tai tai ndhi awuden gwe nphe nin yit nlat khi yil. ⁶ Gun khi ret nyit dau khi ndhi detsih dhe a tiit ngun gu tong khi bhizung tikhook nphe pak jep bih mwo bwer. ⁷ Bhi sih a bih tat yit shinzeen fuk ndhi dhe a khiphe pang mhi nbem mwo ndhi nbhi khi ret dang khi tikhok, dau khi dhe mwo den nhi nbut wus nphe kam ret khimuk. Ndhisih dhe a sih nphe dhe mwo khat shinzeen fuk khi phe dar, khi samshik, khi phe bang yaghal shin yon npuus ndhi mun nphe nha Jesu Kristi. ⁸ Gu nha nhi mha dangbhi gu lap nhi gu yha. Gu nha nhi khidetsi mha bhi gu shinzehen nni khi ret nyit khi bizung piya ndhi mha phi sat ndhi gam khi phebang khi Naan. ⁹ Khi detsih gun phi lap a bhi ndhi shinzeen fuk shin ngun ndhi khi bar sehen. ¹⁰ Nphe bih ndhi bim bar khi sehen, niyen Jakham ndhi mwo kos wuret ndhi nphe ji ngun, mwo bhilip yahal mwo pal a wuret, ¹¹ Nphe man kot a we mha bhi kot a phe nang ndhi riin khi Jesu Kristi she nhin wulha khi wuret ndhi Kristi nhi nphe shu. ¹² Mwo nhin nmwo ndhi mwo phi shin a nphe kha sut mha, a phe gwu ndhi mwo sat bhilip sih mwo ndhi niyen kop bhilip Naan ngun khidetsih khi Riin wubang ndhi mwo lep nhi shin sam khi ting Naan - bhi ndhi Jep Lep khi Naan khi phe gyet mwo phi dem nnha fhe. ¹³ Nphe ndhi a sih gu tap khi en gwu a wuret. Gu twahat khi yit gu a wusaan. Gu den ret nyit fuk khidhel wuret khi Naan ndhi nnih nphe khat gun kat Jesu Kristi wul. ¹⁴ Khi phe jep ndhi mwo khi lohot, tap gu nshin bhi mwo a khi phe ndhi gyet gun phi shin ndhi man gu man meh bhi gwe mha sih ¹⁵ Khi phe gwo ndhi yong phe ngun sih bhi gu dhe a wubang nbut simshik fuk. ¹⁶ Nphe ndhi nhi a wuran, "gu dhe a wubang nphe ndhi an a wubang." ¹⁷ Nphe wunhi fhe, khat gu yong "Nda" ndhi nhi a gu tok dyel gurum nnohot ndemkha yahal nkyet khi simshik khi muk bhi gu dheel tikhim khi shi mwan fuk nbut khi luhut Naan. ¹⁸ Gu man ndhi sehet gun a khi pang wuret ndhi khi tikhok mha nbut shikbis khi simshik wuban ndhi gu kam nder bhikam fuk mwo mha. ¹⁹ Nkhop wuni, mwo sehet gun a khi tikhim wuret mhi Jesu Kristi ndhi dhe a khi phe tim ndhi nhi khi kahal nshohopshik mha. ²⁰ Mwo she yil sih a khi Nda Jesu, yaghal ji mwo nhin nhi ngun nlat khi yil sih. ²¹ Nbut sim ndhi a mhi muk, gu shinzeen Nda Naan dhi yahal khi nih khidangkong mut khimuk yahal shin phe bang wuyon nnhi dhe nshinzehen khi bhi ndhi gun phi tang ntikhim dhe a phi Naan. ²² Gu tap khi simshik shohopshik nbut khi lohot khi zeen. Wuni fhe a phe phitong emnihin ndhi mwo phi demshak, nphe wunhi fhe bhi gu demshak khi bizung gu khime. Pak ran wusihir mhi Greeks mwo sat nnah, Gu dak shohopsuk nphe lohot khi zehen ndhi but riin. ²³ Shin mwo lah ghi a nbut sherem ndhi a wu tihkook mha mwo lah ghi a nbut sherem wuret ndhi nhi nbut bhilip Naan ndhi nhi khi sehen. ²⁴ Nphe ndhi nan shohopshik a khi phe dem ndhi wuret khi muk a khi phe pel dem sih. Dem nhi nphe fhi yahal pel fhe mwo phi wun sam nyil, ²⁵ dangbhi bhilip khi Naan khi tong tai tai.