Ep fe 5

1 Gwo ndhi shinzeen nah Jesu a Lah Naan dang gwo feh dem gwo ndhi la la feh bhi nhi phi dem la feh zak. 2 A yarkam wuni feh deh mu man dem khi jep Naan mu dhi mpe ndhi mun phi dem Naan shin mun phi tap waar khimuk zak. 3 A mpe ndhi dem khi Naan nhi a tap waar khimuk dangbhi waar khi muk lah puo mah. 4 Gwo ndhi mu lah nih bhut Naan ni a kohorong kha yil feh. Shinzeen fun a nhi a kohorong kha yil feh. 5 Aweh a kohorong, kat gwo feh shinzen Lah khi Naan ma yeh? 6 Nih a gwo ndhi nin shinnih n'am khi tikhim Ndah Jesu nin kha nih n'am khi tikhim zak. 7 Riin khi Naan nih a langthing fun pe ndhi riin khi Naan nih a zeen. 8 Kha-an langthing mu dhi kun, riin, am khi thikhim mu kun sih mu khi phishi khime. 9 Khi peh ndhi mun phi dem langting khi gurum mu sih bhi langting khi Naan bal met wuni feh. Aa ndhi sih anih a langting khi Naan khah La nih. 10 Gwo ndhi shinzeen Lah khi Naan, bhi langting khi muk der muk. Gwo ndhi shinzeen mah bhi nih a gu dung peh ndhi gwo wuni feh shinzeen langting ndhi Naan shin La fhinih mah. 11 A ndhi sih a langting ndhi nah Naan shin se-en finih mun wu tai tai. 12 Gwo ndhi nih khi La feh bhi nin nah, gwo feh khi se-en. Gwo ndhi kye deh mu yong nhi a Lah Naan mah bhi nih khi se-en mah. 13 A ran nbhisih mu gun deh gu shinzeen Lah khi Naan ndhi deh gu man nhi gun khi se-en wu tai - tai di zak. 14 Ndhi sih ni a dem fun thikhim Naan, deh mu dang bii mu nder muk, bhi khi kiling mun dih. 15 Kat mu man nah bhi bih ndhi mu dang nder muk bhi khi khiling mun, bhi mu shinzeen nah a bhi ndhi mu dang bhi shin a nih nmun. 16 Me gwo ndhi nah emnhikhin ni phi shin shikbis ndhi khi mak villing bhi dang Naan mpeh muk npeh dih Naan khi lhi deh kat se-en dih, npeh ndhi pak shikbis mu a ndhi gurum khi dang Naan npe muk mah. 17 Shi'in khi shin bih wurret a shikbis. 18 Mu man nah gwo ndhi nih a Lah Naan bhi khi shin shikbis mah npeh ndhi Naan nih phi tap phimuk shaar fom khi kat nih mah! 19 Mu man nah mun a mu Naan, dang bhi yil sih a khi sar shaar fom. 20 Mu man zak nah Lah Naan jih deh mun mu man nah ni a gwu zeen dhi; mun zak mun bhut muk Jesu ndhi nih a zeen npe ndhi nhi a Naan ndhi khi mu'ut mah. 21 Gun jep nhi mu, gu nah shin ze-en bih ndhi gu dak khi sar gu sih.