Ep fe 2

1 Je-ep nhi mu ndhi an phi dem gun phizung nhi, an phi ran dhi sih gun sar yak gu shin shikbis, npeh dhi mun khi Ngu ba'am der Ndah Na-an, dhi nih a Jesu gu-ba-am. 2 Nih gu ba-am sih ani dhi shin khah shini npe deh ni mang/vwang shikbis fun khi mhi dhighin yil sih khidhing dih. 3 Khat mun phi yah wa-ar khi gu ba-am sih bhi mun peh man gwo ndhi a gu ba-am fun sih. 4 Gwo ndhi nah ji man nih, dang nih phi ya wa-ar khimuk mah, bhi nih a da dung; nih khi ze-en mah. 5 Gwo dhi yah bhilip Naan, deh nih phi shi-it khini bhi ni agu dem Naan, khi phizung khime. 6 Gwo dhi nih a lah Naan bhi ni ret deh ni tong phitong ndhi mu ba-am fun la-Naan sam shin khi yil sih dih. 7 Sha-ar dem fhin mu, a wul a khi me wa-ar wupuo mah; A wa-ar wu sikhir dhi pe gyet gun phi shi-it khi ni. 8 Shini bhi an phi ran a wa-ar wupuo dhi nih a-wuman der gu khi gu ba-am fun, na kwo ni phi shin peh Ri-in wubang deh ni phi piya peh dih. 9 Gwo dhi nah jin phi mwan a khipe wu sahan dang bhi nih phi dem emnhighin nih mu ma, bhi ni kudi a kwo. 10 Gwo dhi ni phi dem emnhighin nih mu, bhi nih phi tong a khipe wubang dhi nih khi pang gap kwak mah. 11 Gwo dhi nyang emnhighin nih bhi, nih phi mwan a kwo wu yang-yaang dhi man peh dhi jin peh den kwak nih dih mah; kwo vughum yit muk. 12 Jep nhi mu an phi ran dhisih shin ji gun a peh dhi mu kon khi shikbis fuk peh sim khi gu-bam fun. 13 Nin - nan fun mu, an phi ran dhisi shinji gun a peh dhi gun gu man nih gwe, a yakhal kat. Gun dengmar mu an phi ran ndhisih shinji gun a peh ndhi gu sih khorrong khi kha-h gu shikbis. Jep mu an phi ran dhisi shinji gun a peh dhi gu man Ndah mu wuyon. 14 Nin nan mu a ran gun peh dhi gu man nih a she yil. Kalbong mu a ran gun peh dhi bhilip Naan nih phizung gu, yakhal shin gu sih khohorrong nkah gu shikbis sih. 15 Tap bhi gu dem yil sih khi jep bi dhi mu dhikhin yil sih bwer mah; npe dhi gwo dhi dem yil sih bwer, bhi nih a ngu dem Ndah Naan mah! 16 Bi dhi a mhi yil sih, khipe sha-pe wuban mu sih bhi a no-ok mhi gurum khi yil sih, a mhi Ndah Naan mah! 17 Yil sih ni npe lat khi tang-yon wu ban, dak ko bhi gwo dhi ni phi tong but no-ok mhi Naan bhi ni peh tong tai-tai! 18 Jep mu, dhisi a yakhal khi yil ko. Khipe ndhi gu khiling sih, sha-ar fwom nih khi yar wul. Khidet sih feh bhi pak mu wul gwe bwer, asih de mun mu man dhi a yakhal khi yil wul dih. 19 Mu pwat a but mu dak ko bhi gyet mu a mun, mah, npeh dhi kat ye mu a mun bhi ye khi kot mu a wukhime khimun. Mu pwat a peh deh mu nin dhi meh mun dih mah! 20 Gun muk, Ndah wu ma-ma sih ten pwas shikbis fuk gwe peh dhi gu man ze-en. 21 An phi ran gun a peh dhi na gu man ze-en fe ma-ma, apeh de gun gu man dhi ze-en tong khi la dung mah! 22 Awe a gu dung sih yeh, kat a gwo dhi bakhal na Jesu nih a gu ba-am ma yeh? A mu wunih fe a sha-ar fwom dhi mu phi niyang Ndah Naan khi lah muk Jesu. 23 Gwo dhi niyang lah fe bhi khi khat Nda-ah fe mah! Peh dhi a gwo ndhi nin dem Lah fe bhi khi khat na-ah Ndah feh! 24 Gun dhi gu khiling bhilip sih nsheh bhi, gu yit nih tong phizung gu, peh dhi kat gu shin asih bhi gun peh tong a wukhime khi Ndah Naan khi Lah nih. 25 Dhi sih anih a bhilip dhi nih yit nmun khi nih deh mun mu khat se-en wu tai-tai dih. 26 An phi ran dhi sih gun a sar nin dhi mu phi dem deh yeh mu khi thikok khi gun dih. 27 Gun muk, rhi-in wurret dhi mu ten pwar gun khi ni sih bhi khat peh phitong phizung gu gwe shin nih phi kam bih mu gun khidhing dhi aa mhi zeen, khi dung but mah. Npeh dhi asih bhi mu tong but ze-en feh! 28 Khidet sih, gun jep nhi wu dyen, gu da-ar deh gu twakhat but bhilip Naan sih dih, deh kat par bit dhi La-ah Naan wa wul bhi, yak kha-ah gu kul ntikhim muk par bit yakhal khimuk waka khithing. 29 Khipe dhi gu man dhi nih a wu shin shik wurret sih, bhi nih nin dhi gwo dhi ni phi shin shik wurret bhi nih a lah wulah but muk.