Ep fe 1

1 Nih ndhi gyet nshe khi yil bhi mu sat, mu khiling, mu nah khi yit mu, shin mu bwan/bhim khi sar mu, khika bhilip SE-EN. 2 Se-en sih mu nin mun, mu nah, shin mu shin lang-thing fe, deh asi mun phi sat na se-en ndhi wu tai-tai sih pe gyet bhi nih wu khime khi Ndah Naan, deh ni nin mun dih. 3 Peh ndhi asi, bhi abi dhi mu khiling, shin mu nah sih ani lih de mun phi sat ngun deh mun mu mwan khishak dih. Mwan khishak khi Ndah Naan sih, awukhime khi lamuk Jesu Kristi bhi mu kat se-en tai-tai. 4 Mun phi ran ndhi sih ngun a peh deh shang shishik fun gam dih. 5 Dhi sih abi ndhi mu khiling nder muk, deh mun phi sat gun dih zak, nah Na-an ni a riin wu piya/bang dhi kwo khi ji kus khi nih mah! 6 Khat mu sat mu lhi mun phi mwan a wukhime khi Na-an dang bhi mun phi twakhat a kwo bhi mun a nin dung; mun khi ze-en ma. 7 Khot mun phi twakhat but Rhin wu piya/bang khishak khipe dhi Na'an nih a Rhin wu piya sih bhi, tikhim la Na'an Jesu Khristi khi vwang shikbis fun khidhing. 8 Khat mu sat mu lhi mun khi shikbis mah, bhi mun a nyen dung, ze-en nih nbut mu mah. 9 Khat mu nin shikbis fun Na'an bhi nih agu nah je-el, shin khi kon khi shikbis funkhidhing. 10 Khat mu lhi mu shin shikbis ma, bhi mu den ndhi Na'an a da-dung shin bhi bhilip Na'an nih phizung mu mah.