¹ Khi detsih nphe bih shak mhi nyen mwan nder Naan ndhih mu a wubang. Khi phe bih ndhi a kam nyen mwan nder Naan ndhi mu nGalatiyawa mbih gun gu shin a sih zak. ² Nbut puus ndhi nshe nbut teer pohovil,bhi gu dem mhe bhi khi phe sok nphe khat deltikhim. Gu shin a yak gu ntap a phi wul fhin dhe she gu shin dih ma'a. ³ Khat ji a rhi, kot gu mang a weh bhi a shin kaal bih a wuran nmwo yahal a lep mwo khi bih zuhum fuk shin kam nUrishalima. ⁴ Khat gu lap yah ndhi a mwan duk, bhi mu mwan nder shak. ⁵ Bhi ji a lem khat an ndhel yah nMakedoniya. Nphe ndhi a pet yar a nMakidoniya. ⁶ Pak nnohot a tong nder gu nphe lah pak jep teer mu lhe mah bhi khi wul luhan dhe ngun gu bam an nmwan fhin nduk phe ndhi an nphe nwan yah dhi. ⁷ Nphe ndhi an phe dem nah gun a nyar dhel fhin det ma'a. An phe dem yeh a tong lhe khi gun dang sih, khat Naan dem. ⁸ Dangbhi a tong nAfisawa dang dheshe puus ret nyit mhi yih khi yih dih, ⁹ nphe ndhi phi lhe a wuep nphe nhi, yahal shahar fwom mu bwer. ¹⁰ Khat Timotawus ji, tap nluhut tih nih khat nih nder gu mah, nphe ndhi nih lep shin nbut bilip Naan,khi phe ndhe an phi shin. ¹¹ Tap nmhe gurum bak nih mah. Gu baam nih nzuhum dhe nnih ji nder nhe dih.Nphe ndhi an phi dem yeh khi ji a wukhimhe khi gohotshi nyen mwan nder Naan mu. ¹² Nphe emnihin mu Afolos,an phi dem yeh ji khi nah gan khi gotoshi nyen mwan nder Naan mu. Dangbhi dok a dem khi muk ndhi khi hi khi detsih mah. Dang yahal khi ji khat nih khi pong. ¹³ Gu nah phe a wuret,gu dar nbut shinzen, yahal gu shin bih khi bihzung daas khi bhal. ¹⁴ Yit dhi dhe nbih ndhi gun phi shin bhi kot khi demshak. ¹⁵ Gu man nyen ndhi lhi istifanus ndhi a mwo nshe nAchaia ndhi mu shin kha sat nphe bilip Naan ndhi mu khi phe bang.An phi ehit gun khidetsih emnihin nhi mwo, ¹⁶ dhe ngun gu shin khasuk ngurum ndhi mu phi shin baam khi phe shiit nder mu. ¹⁷ A shin ret nyit nphe wul khi Istifanus khi Lunatus yahal Achaicus. Mwo siih kop gu. ¹⁸ Nphe ndhi mu shin bhal nriin khi muk. Nphe ndhi a sih gu lap mwo ngu yah. ¹⁹ Nyen bilip Naan ndhi Asia mu phi plang gun.Akila khi Bilkisu mu phi tahal gun nbut sim khi Naan a wu khimhe khi nyeh mwan nder Naan ndhi khiplang. ²⁰ Gohotshi nyen mwan nder Naan mu phi tahal gun.Gu tahal shak a wukhimhe khi yak shak nbut riin wubang. ²¹ A an Bulus a ran bilip sih khi sar nhi. ²² Khat mhe gurum lohot ntikhim Naan mah, bhi yit dhe nmu mang sar nyit muk dih. ²³ Naan fhun ji! Yit dhe wuret khi Naan kot a wu khimhe khi gun. ²⁴ Demshak ndhi nbut Naan fhin kot a wukhimhe khi gun.