1 Ɗe gǝ zak, Titus, gǝ la bii wudung kat a ni a yak shii bǝlǝp wuret hǝ. 2 Gǝ shee das kagham muop gǝ bii ya naa, gǝ endiye yoon a gurum wujar, gǝ pǝn naduk, gǝ ɗempe ndǝgǝn bii mogor. 3 A kam zak, gǝ shee swǝrǝp wunan muop mǝ yak kaashik muop dong dong naa yong mǝkwǝt a wulaa pee muop, naa yong mǝ ɗee a kwǝrǝm mwos mou. Nit daghat muop mǝ shee gogot swǝrǝp gǝ bii wuret. 4 Mwǝp mǝ shee swǝrǝp wudien muop zak mǝ ɗem mǝdaas muop gǝrǝt nau gǝ jep muop. 5 Muop tuagat a wupin bǝlǝp diye wuret, gǝ miap lǝ, gǝ mǝ kǝlǝng dǝgǝl modaas muǝp yong gǝ gurum mǝ ɓak ɓǝlǝp Naan. 6 A kam zak ɓǝ gu shee jepsual muop mǝ chan bii wuret. 7 Nyit daghat gu kam war bii wuret ngurum muop ndǝgǝn tuagat wuret. Ndǝgǝn sheepee a gu, gu nyin diam shi bii, gǝ yoon. 8 Gǝ lǝp wu kǝr ndung maa kǝ agas hǝ, ɗeewar ngurum a gu. Mǝ kat pe agas gun mou bǝ waat nkaa muop. 9 Gǝ kam nkǝrǝm muop zak muop mǝ kǝlǝng mǝn nda nkaa muop ndǝgǝn jep bi nau. 10 Na yong mǝdam took mǝ nda nhaa muop, mǝ nook wat ndǝgǝn bǝlǝp naduk ɗewar mǝ saam sǝm Naan wupin chindong a mu yi. 11 A waa nchindong Naan ndung sam kat mǝn gurum hǝ. 12 A ni shee mǝn mǝ niang bii wubis nung gǝ yil yi dewar mǝ tuaghat twaghat yaashik, gǝ ɗar ɓal gǝ lughut Naan yi gǝyil nhǝ. 13 Bǝ mǝ tuaghat mǝ kang ɗeewar mǝ lap. 14 Yesu pǝn kaa shik muup deewar nni taghat mǝn ndǝgǝn bii wubis yi, bǝn saar mǝn dǝ kaashik muup ɗǝwar nmen me tuaghat a gurum wu ɗiye enɗiye wu chin bǝlang wuret yi. 15 Laa bǝlǝp kaa jepee muop nani, kagham tugur gurum muop mǝ chan jep bǝlǝp nani, bǝn gǝ miap muop gǝ ɗǝgǝl wubǝl. Naa yong mǝgwǝ nɓak gǝ.