1 Paul kwǝrǝ Naan goe laalep nung Yesu kristi wa nsaa poen naduk goe bǝlǝp naduk nung gurum Naan muop ndung. 2 Kat mǝ kagam ndung Naan gǝ pǝn muop nsa ni gǝ laa wurum mou wu, dok la gwe mok hǝ. 3 Wul gǝ pee nǝ muop nani ndung mǝn fulaa lep amuup gǝ gun gǝ pee biang Naan wupin chindong a mu hǝ. 4 Dǝ gǝ Titus laa nǝ nung naduk ndǝgǝn war Naan. Nit ɗagat chindong Naan gǝ na chigir afe, gǝ tuagat chagab tong gǝgǝ. 5 Anyit gǝ nkrit deewr gǝ miap gogot bii ndung mǝ de yi hǝ zak bǝ gǝ dak muop ndung mǝ na ka gurum Naan yi ka wudok a la dǝ gǝ hǝ. 6 Wu yoon bǝlang Naan ni tong warap mou, mat muup gǝmee, jep muup muop mǝ tuagat a wu kǝlǝng pee gǝ pǝn bǝlǝp naduk nNaan, ndungkat bii mǝ agas muop mou hǝ. 7 Gurum ndung ni a wu na tap wumwan gǝdǝ Naan muop hǝ ntong gǝ rap mou, ni tong a wupǝn bǝlǝp mogor gǝ bii mogor. Ni zak gǝ kwǝt a wu sam gǝ kaamuup, ɓes mang dǝfil gǝ kwǝt akwǝrǝm mwǝs mou, a wu tang diel mau, a wu baam bii mau. 8 Nit daghat ni tong a wu lap awumoos gǝ wushaar wuret muop. Tong a leng waar ni kang kaa shik muup, gurum wu cin wuret, ni a gurum wusǝsaar,bǝ a wu yaashik muup. 9 Gǝ kwǝt a wu yaa langship wu mǝshee ni gǝ ni hǝ, ɗeewar nni zak, ni kagamtugur gǝvǝr gurum muop, ni zak gǝ kwǝt a shee bii shee ɗǝngɗǝng, bǝn kar gurum muop lǝ gǝ war gǝ fu gurum wu mǝ. 10 Gurum wubias muop nbǝl dat mǝ fat ndǝgǝn muop gǝ pak mǝn Yahuda ndung mǝ yen dun a gurum Naan hǝ muop a wu bǝlǝp wubaan gǝ fǝn pee. Gu dem bǝlǝp a muop mou nsa bii shee amuop a wubis. 11 Moe swam gurum muop kǝlǝ-kǝlǝ gǝ bii shee . Wubis nung tang pǝt kaashik muop dat. 12 Moe mǝgwe ndǝgǝn mǝn kiril ndung mang jin a wusoon la yen a muop a wuwaran lawuyil wubis muop ndung logom dǝn tang sǝ shi muop hǝ. " 13 A bǝlǝp naduk, kar muop kam war wuret nmuop yaa bǝlǝp naduk yi niak-niak. 14 Na yong gǝ ɗee gǝdǝ jhee mǝn Yahuda muop gǝ pak waar muop ndung naduk won dǝgǝn hǝ. 15 Ɗǝ muop ndung a wuɓang hǝ, jep bii muop a wuɓang. Muop zak ndung gǝ pee wurap, pǝn naduk mou hǝ, moup nau gǝ bǝ zung muop gǝ endiyea muop a wurap. 16 Mǝ yen du man Naan mǝn jep bii chin a muop dik gǝ bǝlǝp a muop. Mǝ wak a bi ɗengpee, gǝ bak pee. Gu pǝn naduk muop dǝ mǝ bii wuret mou.