¹ Yesu la dǝ jep gǝdǝr muup, "Akam hǝ pang kok kwak yong gǝ koot, a wurum gwo wulep moup! ² Dong din mǝ buagat pang took muup mǝn mǝ tak ni ship gǝ wudin gǝ sa jep mǝdien mǝ kok kwak muop. ³ Kang gǝ shik gu. Nǝ ma wu yem nǝgǝn shin wubis, gǝ she gǝdǝ muup, din bat chin wuret, gǝ lap ni. ⁴ Shin wubis gǝ ka pogopuǝl bit gǝme, mǝnla dǝgǝ ka pokovǝl yǝnji bat wuret bǝ gǝ lap ni. ⁵ Jep lep dǝ Naan, "Gǝ pǝn bǝzung naduk mǝn". ⁶ Wuyoon la yen din bǝzung wuret a gu ka wa kabi ǝ mustard, hǝ, din gu la bǝlǝp nhǝ, tǝng duvimi, mǝ shang gǝ tseen, mǝ ka dǝgǝn ship. ⁷ De a megu wu menang, wu ni gǝ kwǝrǝm wu gǝ na tap tǝm yǝn wawul bǝ la yǝ wagǝji tong gǝ sǝsǝ eh? ⁸ Lat bǝ la yǝn, chet me mǝ bi an a sǝ mou eh? lat bǝgǝ bwagat zaal bwǝn dǝgǝn biat a gǝ, gǝ tong muan a lat sǝ gǝ sua am a nǝ? ⁹ Gǝ dǝk yil nkwǝrǝm wa wu jepe ni mou. Dok bi shin ee? ¹⁰ Dip gǝ kam, din gǝ shin me bi wu miskagam a la, mǝn yǝn mǝ shin. ¹¹ Bǝn bit wawul mǝn muan Jerusalem, ya a war gǝnaar Samaria gǝ Galilee. ¹² mǝn gǝ rǝ me pee wulee mǝn wu tǝlogom muop sar, mǝ kat i. mǝ diam njong gǝ ni, ¹³ mǝn mǝ ap dǝgǝl muop bǝbal, mǝ yen, "Yesu, miskagam gǝ na chigir kamu.ǝǝ ¹⁴ Mǝn naa muop la gǝ muop yen, "Gu muan gu nin kasuk Ndawang" mǝn gǝ mǝ yigol dat mǝn mǝkat gok logom lat. ¹⁵ Nde kat gok lat, shin bat gǝnook, gǝ dǝgǝl wu yoon mǝn pǝn yoon Naan. ¹⁶ Pal gǝ yit muup shi Yesu gǝ dǝkyil ni. ¹⁷ Yesu yen, " Din mǝ dak a gurum sar mou mǝ? ¹⁸ De gogot wu pokofaar ane?De gogot mǝ wakwul dǝ wap Naan mo? De wujong nha? ¹⁹ Yagal gǝ wa, buzung wuret a gǝ kyen gǝ. ²⁰ Gurum Pharisees mǝ dang dǝgǝl muup gǝ bit wu yil-long Naan gǝ wul dǝgǝn nape dagat. Yong mǝ la kwǝt gǝ na ni hǝ mou. ²¹ Guna yil-long Naan nigǝ naar gu. ²² Mǝn la dǝr jepgǝdǝr yen, "Bit muop wawul wu gu tang gu na bit gǝmǝ nung bit la gurum, yong gu na bit nani mou. ²³ Bǝ mǝ la dǝr gu gu na! Guna! Gu fuat gǝbang gǝdǝr muop, gu sun gǝdǝr moup mou, ²⁴ Sar na mǝlǝp bi saan pee kot yagal gan gǝ bǝtǝng bǝ bat eskogop gǝ bǝtǝng. La gurum gǝ kwot a kam hǝ par bit nani.ǝǝǝ ²⁵ Wu me, par gǝ sua tǝrgǝr chin jepe bǝl gǝ niangyitfuǝ gurum gǝ des hǝ. ²⁶ Kabi wu dokta bit nung Nuhu, a kam hǝ yong gǝ ta bit nung la gurum. mǝ sǝ, mǝ sua, ²⁷ mǝ lap suorap moup zak mǝ dǝlǝng diak zak mǝn bit warǝ Nuhu dǝgǝn chii wuyoon mǝn am wawul twou muop dip. ²⁸ A kam hǝ dip biwu dok taa bit nung Lot dok muop fu sǝ, muopfu sua am, muopfu seet gǝ lee, muopfu sarap lee, muopfu ka jepe, muop fu diak lǝ. ²⁹ Mǝn bit wu Lot nyit gǝyil Sodom, mǝn fan wus naan pee gǝ tǝdǝbǝl gǝtǝng mǝn mǝ duam muop dip. ³⁰ A kam hǝ par gǝ kwǝt bit wu dung la gurum wul hǝ. Bit nani bǝ gurum ³¹ wuleng, dok gǝlǝ sam kok lee a fee pǝt gǝ ni gǝbang mou, a kam gurum wu wakoot ye nungmar wawul mou. ³² Gu diye mat Lot. ³³ Gwo wu dem kopteng long afe yong gǝ kot. ³⁴ Lǝpar nani bǝ gurum muop vǝl gǝ pe teer, yong mǝ mang gǝmǝ mǝ nyit gǝme. ³⁵ Surǝp yong mǝ kwǝt vǝl fǝ ess fin gǝshak, mǝ mang gǝme, mǝ nyit gǝme." . ³⁶ Mǝ nang fu muup, "Annee miskagam? ³⁷ Mǝn laa gǝ muop yen "pee ndung kum lua nnǝgǝn bǝ nkya muop gǝ mǝ kot a nnǝgǝn."