¹ Yesu shin la dǝ jep gǝ dǝ muup, "Me gwǝ wulong ni gǝ wu na gǝ bilong, mǝn mǝ la dǝ muup wu na gǝ bilong nhǝ, kwot nifu dǝgǝl gǝ jepe moup, ² mǝn wu long yong ni la dǝ muup yen "ame dung an fu kǝlǝng kagǝ he? Gǝ ranci balang a gǝ yong be gǝ kwot a na gǝ bilong shizak mou. ³ Wu na gǝ bilong la dǝ kashik; "Achin a na hee, miskagam a nǝ dǝ lap balang a nǝ? An gǝ bal mar mou, waat ka ya an gǝ dang. ⁴ A man bi cin, mǝn ba shang gǝ pe balang anǝ, bǝ gurum lap an lǝ moup; ⁵ Mǝn wu kang gǝ bilong yong wu kaat miskagam gǝme, mǝn nangfu wu me 'Gǝ gǝ kaat miskagam anǝ a dang he? ⁶ Yong, 'Tuu muǝr paát ya gurum paat; Ni la dǝ muup, "lap bi ranfu gǝ, tong bǝr mǝn gǝyil ya gurum vǝl gǝ fu sar. ⁷ Mǝn wu kang gǝ bilong cin la dǝr nde, kaat agǝ a dang he? Mǝn la yen beng alkama yagurum paat. Mǝn la dǝ fee, 'Gǝ lap biran fu gǝ, yil yagurum feer. ⁸ Miskagam cin saam wu lǝleng, wu na gǝ bilong nsa cin bi gǝ en. Wa nsa jeb gǝyil wugǝdes hǝ bi mǝ en ndǝgǝn shan jepe gǝ gurum fu moup ma jep wu lugut Naan. ⁹ A la gǝgun, gu yak shaar gǝ suk gǝwar kat bilong wu lǝleng de pe par ndel; bǝ mǝ lap gun gǝ pe tugat gǝtǝng. ¹⁰ Ni wu gǝ naduk dǝgǝn jepe mǝ dien bǝ ni gǝ naduk dǝgǝn jepe mǝnan, ni wu nyin en dǝgǝn jepe mǝdiyen, bǝ cin en dǝgǝn jepe mǝnan. ¹¹ Din gǝ boot wu ya bilong wu gǝ kat gǝ war en mou, bǝ de wudang gǝ pǝn bilong nung naduk gǝ eh? ¹² Din gǝ boot wu ya bilong gurum moup mou, wu dang gǝ muat shgal gǝ he? ¹³ Kǝrǝm gǝme gǝ shin balang lǝ miskagam vǝl mou; nsa bǝ niangyit gǝme de dem yit nd, din akam mou bǝ bi shin balang nde de shi yit nde. Gǝ boot wu wap Naan gǝ bilong mou". ¹⁴ Mǝn Pharisees, wu dok wu dem shagal, mǝ kǝlǝngɓǝlǝp nhǝ dip, mǝ jal ni. ¹⁵ Shin la gǝ muop, "Bi gu shan bi wuret yit gurum, mǝn Naan man bǝzung gu. Bi wu kǝr yit gurum a bi wu Naan deng yit. ¹⁶ Wu kam gǝyil muop gǝ jeplep Naan muop dok nǝgǝn she wul Yahaya. Sǝm wu dok yi nani bǝ muop la gwai petong Naan, mǝn kowudang futugun shik dǝ rǝ ndǝgǝn. ¹⁷ Yong gǝ bǝs dǝ gǝtǝng gǝ gǝyil mǝ lat de shi bǝlǝp gǝme yong gǝ del mou. ¹⁸ Dip gurum wu gap shep gǝ mat muup mǝn lap mat nde shin buar, gǝ gurum wu lap namat wu gap shep gǝ mis dip shin buar. ¹⁹ k me wu long bi niap shik gǝ biat wu mǝlǝm wu leen, bi sǝ bilong afe. ²⁰ Me wudang sǝm muup a Lazarus mǝ denni fulǝ afe, sel gam shik muup, ²¹ gǝtǝng din sǝ bi nudatak. Wa ass mǝ ja bǝlǝm shik muup. ²² Bit warǝ wudang muut mǝn mǝwong mǝmang wa den shibǝt Ibrahim. Wu long zak muut mǝn mǝ wum ni, ²³ rǝ lǝ wus mǝn wus la ni, ep yit muup mǝn na Ibrahim njong gǝ Lazarus shibǝt muup. ²⁴ Mǝn ep dǝgǝl yong. Nda Ibrahim, gǝ na chigir nka nǝ mǝn gǝ lep Lazarus, ni waji biang long sar muup am mǝn tak gǝ liis nǝ, nsa an dǝgǝn muutla dǝgǝn wus hǝ. ²⁵ Mǝn Ibrahim yen, la nǝ, gǝ diye dok gǝ gǝyil dok gǝ kat bi wuret nǝ mak, wa Lazarus a ka bi wubis. Mǝn gǝdes hǝ ni fu nook shik de gǝ dǝgǝn muutla. ²⁶ Shin bǝn me gap bagga kong gǝnaar muop, dǝn gap del gǝ kang gu, gǝ kang mu. ²⁷ Wu long la yen, 'A dang gǝ, ndaa Ibrahim, de pin gǝ lep ni lǝ ndaa nǝ. ²⁸ Sar an gǝ mǝjep emnǝgǝn paat mǝ daa, de ni gap waap pǝn mup, yong ba mǝ wak mǝ tǝk gǝ pe muutla. ²⁹ Mǝn Ibrahim yen, 'moup gǝ Musa gǝ jeplep; muop mǝkǝlǝng dǝgǝl muop. ³⁰ Wulong lap yen 'A kam mou, ndaa Ibrahim, Din me mǝ gwo wa wa gǝ yil wu mǝ muut, bǝ mǝ bat. ³¹ Mǝn Ibrahim la gǝ ni kwot mǝ kǝlǝng Musa moup gǝ jep lep mou, bǝ mǝ kǝlǝng mǝ gwo mou kat mǝgwo wa gǝyil wu mǝ muut.