1 Paska ɗee bit pee mǝ mǝn Yesu wul nBetani gǝpee wudok ep Lazarus fu muut hǝ. 2 Mǝ chet sǝ kansǝgǝn nni, Marta ani s wugap sǝ ɗee Lazarus ni gǝmee gǝ muop ndung muop gǝpee sǝ gǝ Yesu hǝ. 3 Mǝn mang mang pǝmpǝm mwǝr taghas wushang wu mǝ myap shi mwǝr nara hǝ mǝn mǝm kwak Yesu gǝ ni mǝn fas shi ɗip kaa muup. Ɗǝgǝlǝ yagal gǝ gǝgam dee dat gǝ taghas wushang. 4 Judas Iskarioti, gǝmeenɗǝgǝn jep mǝlǝp a muup ni ndung paa gǝ ni hǝ laa yen, 5 Deeba a me don niang mǝ seet gǝ mwǝr wu gǝ taghat wusshang nhǝ mǝn mǝ pǝn shagal nani nwupya muop eh? 6 Laa kam hǝ bǝ a gǝfu wuni a wudem wupya muop mau, a nsaa ni a wat. A ni a wu yaa daam shagal a muop bii bǝn gǝ ruan sar nnǝgǝn. 7 Yesu laa yen, "Gu nit napaa yaa bii wu ni gǝ ni hǝ dǝ bit wu gǝ mǝwum an hǝ". 8 Tong gu kat wupya muop kwang, ɗee an hǝ tong gu kat kwang mou. 9 Nagǝt gurum Yahudawa muop mǝ kǝlǝng kan Yesu ni nnǝgǝn mǝn mǝ jaa. Pak muop mǝ jaa a waa nni mou, mǝ jaa a dǝ wu naa Lazarus ndung Yesu ep ka karam muut hǝ. 10 Mǝ daam Yahudawa muop mǝ koos dǝ wu bǝn tǝ Lazarus. 11 Nsa gǝt Yahudawa muop nJerusalem mǝ pǝn naduk nYesu a waa nni. 12 Nbitɓang, nagǝt gurum mǝ jaa sǝbii nani, gǝ shi wu mǝ kǝlǝng kan Yesu ni nwul hǝ mǝn mǝ kwap chaar mwǝrbang. 13 Mǝ fat kang ni gǝ nii gǝ ɓǝlǝp ɗǝgǝl ɓal gǝ mǝ nang, "Hossana! wuret waa gǝdǝ gurum wu wul nɗǝgǝn sǝm Nda Naan ndung a ni a long Isar'ila hǝ. 14 Yesu kat mee mǝ nagam mǝ kaa tong a kaa gǝbii wudok mǝ ran hǝ, 15 Naa yong yi yagal lughut reep Zion, bǝ yi naa long a yi ni nwul, lang ɗok ka nagam. 16 Shidel, jep mǝ lep a mǝ man gǝkang mau. A bit wu mǝ mang sar kagam nYesu hǝ shee mǝ diye de kan mǝ ran jepee muop nhǝ a kaa muup wa dun zak du chan jep bii muop nhǝ gǝni. 17 Gǝt gurum muop mǝ laa dǝdat ka wudok dun gǝmee paa bit wu niyong Lazarus ntughun mǝ ep ni gǝfu muut hǝ. 18 A gǝshi ni mǝn gǝt gurum mǝ fat kang ni, nsa mǝ kǝlǝng kan chin mǝ mǝbii rǝng pee kam hǝ. 19 Farisiyawa mǝ laa bǝlǝp nɗǝgǝn shik muop mǝ yen, " Gu naa ah, gu boot bǝ chin mǝbii zak mou, gurum mǝ muan lat gǝdǝ muup". 20 Pak wunjong muop dok gǝnaar muop muop nmwan dǝ wap Naan gǝpee biisǝ nani. 21 Muop nani mǝ muan dǝ Philip, gurum Betsaida nGalilee, mǝn mǝ nang mǝ yen, "Miskagham, mǝtang nkop ɗin mǝ naa Yesu." 22 Philip muan gǝ laa dǝ Andrew, mǝn mu muan gǝdǝ gǝshak muan mǝ laa dǝ Yesu 23 Yesu lap fu muop laa yen, "Fuus kang dǝ wumǝ mang sar kagham yi la gurum. 24 A laa naduk yi gǝ gun ba zeet niang mǝ kop wu ǝk sǝ nyil ba nmuut mǝu bǝ ɗee lat a dǝ shik muup dat, baazak nmuut bǝ gǝ laa kaa gwet. 25 gurum wu dem tooklang ani hǝ gǝ kat mǝu; gurum wu chi tooklang a ni gǝyil nhǝ bǝ ɗen a ɗen ni dǝ kǝbǝtǝng. 26 Gǝsǝm gurum wu mwaan lep a nǝ bǝ ni lang gǝdǝ nǝ. Pee wu an nnǝgǝn hǝ bǝ Ndaa yong gǝ ep ni nteget. 27 Bǝzung nǝ mang weel. Dee ga gun yen ame zak eh? Ndaa shang an gǝfu weel nhǝ peekam hǝ ah? Bii wu saa a warǝ peekam a dǝ wu nani. 28 Ndaa, ep sǝm gǝgǝ tegǝt "Nnǝgǝn mǝn ɗǝgǝl tong kǝbǝtǝng sam yi mǝn laa yen" A ep gwee a teget a bǝn a ep a teget shizak. 29 Mǝ nbǝl muop wu mǝɗian ɗok mǝn mǝ kǝlǝng nhǝ mǝ yen Maleka laa bǝlǝp gǝ ni. 30 Yesu lap yen ɗǝgǝl nhǝ sam a dǝ nǝ mau, a dǝgu. 31 Gǝdes nhǝ sheep wu sheep gǝyil wu lashik. A gǝɗes hǝ yong gǝ mǝ shang long gǝyil nhǝ ntak. 32 An zak, ɗin mǝ ep an nteget ka shep bǝ a dǝl gurum muop dip dǝ san. 33 Laa kam hǝ a dǝ wu shik muut wu ni gǝ muut yi hǝ. 34 Mǝ nɓǝl muop mǝ lap fu muup mǝ yen, Dok mǝ kǝlǝng bǝlǝp (law) yen (the christ) yong gǝ tong gǝgwǝ: Bazak gǝ yen, "yong gǝ mǝ ep lagurum nteget ka shep ah? A wudang a la gurum naniye?" 35 Yesu bǝn lap fu muop laa yen, "Pee wusaan yong gǝ kwǝt gǝmee gǝ gun dǝ la zaar pee. Gu muan mwan nɗǝgǝn pee wusaan wu ni gǝmee gǝ gun hǝ yong baa gǝ kwǝ nmaa gǝ kagam gu. gurum wu gǝ mwaan nɗǝgǝn kwǝ hǝ, man pee wu ni nmwaan mǝu. 36 Gu pǝn naduk npee wusaan wu ni gǝmee gǝ gun hǝ, ɗeewar gu wak a jep pee wusaan yi. 37 Dip gǝ jepee wu maa gǝ kagam lap gǝkang dǝ yit muop hǝ, mǝ pǝn naduk nni mau. 38 Bǝlǝp Isaiah wupin laa bǝlǝp Naan wu yen, "Ndaa long, a wuɗang pǝn naduk nɓǝlǝp a mu eh, ɗee ba mǝ niin sar Naan a wudang eh? 39 Wa nsaa kam hǝ, mǝ pǝn naduk mǝu, nsaa Isaiah bǝn laa yen. 40 "Vagam yit muop bǝn chin duarghar bǝzung muop. 41 Isaiah la kamhǝ wa nsaa naa maa nnung Yesu mǝn laa bǝlǝp kaa muup. 42 Dip dat kamhǝ, mǝnlong muop gwǝt dat mǝ pǝn naduk nYesu, ɗee gǝfu Farisiyawa muop, mǝn mǝ apfu muop a kaa mau yong ba mǝ dǝn ruvǝ nlǝ Naan shi muop. 43 Mǝ tang nkop piap wu gurum gǝ mǝ piap muop hǝ maa nung Naan. 44 Yesu pian wal mǝn yen, "Gurum wu mwǝn naduk n'an bǝ mwǝn a n'an dat mǝu, dip gǝ gwǝ ndung lep an hǝ. 45 Gurum wu naa an hǝ naa gurum wu lep an hǝ. 46 A wul a kat pee wusaan gǝyil nhǝ, ɗeewar ngurum wu pǝn naduk n'an bǝ yong gǝ tong nkwǝ mau. 47 Gurum wu kǝlǝng ɗǝgǝl nǝ mǝn tak ashik hǝ bǝ ga sheep ni mau, nsaa a wul a dǝ sheep gǝyil mǝu. 48 Gurum wu niang an bǝn niang kǝlǝng dǝgǝl nǝ hǝ ni gǝ gurum wu sheep ni nbit wutǝs. 49 Wa nsaa a laa a bǝlǝp shi kaa san dat mǝu, a Ndaa ndung lep an hǝ a ni biang bǝlǝp wu ga laa hǝ pǝn n'an. 50 A man kan bǝlǝp biang nhǝ a kagam wu gǝgwǝ. Wagap kat gǝbii wu nda laa hǝ, an ga laa ani.