Jing 1

1 Shideel dok Ɓǝlǝp nyi nnǝgǝn. 2 Ɓǝlǝp nanyi dok nyi gǝpe gǝme gǝ Naan, Ɓǝlǝp nanyi a Naan. 3 Dok a nyi gǝpǝ gǝme gǝ Naan shideel. Mǝ chan jepe gǝyil nau a waa nnyi, mǝbi kwǝt gǝyil nyang nkwǝt a waa nnyi mou. 4 A nyi a tugus tooklang, a tooklang nanyi a wus wu saan gurum. 5 A wus nanyi a wu saanpe nɗǝgǝn kwoo, kwoo gǝ ribin nyi mou. 6 Naan dok lep gǝ me mǝ dagwo sǝm muup a Yahaya. 7 Dagwo nanyi a wu tuamshik nwus wu saanpe ɗewar gurum dip mǝ pǝn naduk yi nsa nyi. 8 Nyi a wu tuamshik dat, a nyi a wus wu saanpe nanyi mou. 9 Peewusaan naduk wu gǝ saan gurum dip kwǝt nwul gǝyil. 10 Dok nyi gǝyil gwe, mǝ chin gǝyil a waa nnyi, mǝn gǝyil nanyi man nyi mou. 11 "Dok wul dǝh gurum afe mǝn gurm afe mǝlap nyi ya mou. 12 Ɗeh muop wu mǝ pǝn naduk nnyi hǝh, ep war nmuop mǝ wak jǝp Naan yi. 13 Mǝ ɓee muop a nɗǝgǝn Naan a kǝbi nung mat gǝ mis hǝh mou. 14 Ɓǝlǝp nanyi waa gurum mǝn tong gǝnaarmu. Mǝ naa yoon afe, yoon nanyi a kabi nung Nda muup hǝh, a nyi a wupin chinɗong gǝ naduk. 15 Yahaya tuamshik ka muop, mǝn ep ɗǝgǝl ɓǝɓal mǝn yen " wudung hǝh a nyi a gurum wudok a yen "mǝgwu kwǝt nwul gǝdǝ nǝ, nyi a wu ma an nsa dok nyi ɗang n'an." 16 Mǝ lap chinɗong gǝka chinɗong a nɗǝgǝn nǝmuup wu gwet hǝh? 17 A Musa dok mwǝn bi-tǝt. Chinɗong gǝ naduk kat mǝn a wa nsa Yesu Kristi. 18 Mǝgwu jet na Naan shi yit muup mou; a Laa Naan wutǝs wu nyi n'eskoghop Nda muup hǝh, a nyi nyin Naan. 19 Wudung a tuamshik wu Yahaya pǝn hǝh. Gurum Yahudawa muop dok mǝ lep ndaawang gǝ Lawiyawa muop dǝ muup mǝ nang yi fu muup "Ɗeh gǝ a wuɗa?" 20 Yahaya la naduk, sok mǝbi mou,yen "An a Kristi nanyi mou" 21 Mǝn mǝ nang fu muup mǝ yen "Gǝ a wu ɗa dat yi?" Gǝ a Iliya a? yen " A an mou. Mǝ yen "Gǝ a wu naakaa? yen hayo 22 Mǝn mǝ yen "Gǝ a wuɗa dat yi. La gǝ mǝn ɗeh mǝ kat bii mu yok gǝ mǝ la muop wu mǝ lep mǝn yi. Bii gǝ yong kǝsak a shi me?" 23 Yahaya yen "An a ɗǝgǝl dagwu wu yampe ngǝgǝr gu muop war nda pǝt yi teer," kabi wu dok Ishaya laa hǝh. 24 Dok a Farisiyawa mǝ lep muop. mǝn mǝ chin nang fu muup, 25 Mǝ yǝn ɗelǝ a gǝɗǝ me gǝ kǝnpe mou, a me mǝ la lep Naan mou yi? 26 Lat mǝn Yahaya lap yen, "An pǝ kǝnpe a shi am. Mǝgwu ɗarɗok gǝnaargu npeen wu gu man nyi mou. 27 A nyi gǝwul ndangkong nǝ, a mak pǝ wutkugul koghop shii muup mou. 28 Dok mǝ chan jepe hǝ nau a nBetanya wu gap kong Urdun taakaa, pe wudok Yahaya nyi fu kǝnpe hǝ. 29 Ɗar pǝt mǝn Yahaya na Yesu nwaaji dǝ nyi mǝn yǝn "Gu na la Tǝm Naan wu mang wubis gǝyil baa gǝ nyi. 30 Dok la bǝlǝp a ka muup a yǝn mǝgwu kot nwu an kot nwul gǝɗǝ nǝ, nyi a wu ma n nsa nyi a deel n'an. 31 Dok a man nyi mou, ɗee dok a wul an fu kǝnpe shi wushii a npe ɗǝh mǝnying nyi "Israila". 32 Yahaya tuamshik yǝn "A naa Mǝrip sam kabi ɓǝl kur fugǝtǝng sam lang kaa Yesu. 33 Dok a ɗar-shi muup mou, a gwu wu dok lep an a kǝnpe shi am a nyi laa gǝ an yǝn. Mǝ gwu wu gǝ naa mǝrip sam lang kaa muup ɓǝh a nyi a wu kǝnpe shi mǝrit wuret. 34 A naa nyi mǝn a tuamshik gǝtǝp nyi a laNaan.." 35 Bit ɗaar bng shizak Yahaya mǝ ɗyam ɗok gǝ jep nsar muup vǝl 36 Mǝn naa Yesu nɗel mǝn yen "Gu naa la Tǝm Naan. 37 Jep nsar muup vǝl nanyi mǝ kǝlǝng kam mǝn mǝ yigil lǝng gǝdǝ Yesu. 38 Yesu bat yit naa mǝ lǝngdok gǝɗǝ muup mǝn la gǝ muop yen "gu ɗem a kop me?" Mǝ lap yen Rabai (a bǝlǝp ɓǝh a wuhe pe) bii gǝ. Tongdok ane? 39 Yesu lap yen "wakjaa gu naa". Muan mǝ naa pe wu nyi tongɗok mǝn mǝ tuaghat nnǝgǝn parɗe nsa dok pe mang kansǝgǝn gwe. 40 Andrew emnǝgǝn Bitrus nyi gǝnaar muup wu ɗok Yesu mǝn mǝ yigil lǝng gǝɗǝ muup hǝh. 41 Kat emnǝgǝn muup Simon mǝn laa gǝ nyi yen "mǝ kat 'Almasihu (a bǝlǝp ɓǝh a,kristo). 42 Andrew mang Simon mwaaan gǝ nyi dǝ Yesu, Yesu naa mǝn yǝn "Simon la Yahaya. Gǝɗet hǝh gǝ mǝ yong gǝ a shi Kefas " (a bǝlǝp bǝ a Bitrus). 43 Ɗaar pǝt mǝn Yesu gǝwar mwaan nGalili mǝ kat filib mǝ yen "lang gǝdǝ nǝ". 44 Filip dok nyi a gurum Betsaida, gǝyil Andrew muop gǝ Bitrus. 45 Filip kat Natanyel mǝ laa gǝnyi yen "Mǝ kat dagwu wu dok Musa yil nɗǝgǝn bi-tǝt gǝ ɓǝlǝp mǝ naa kaa, nyi a Yesu la Yusufu, gurum Nazaret. 46 Natanyel lap yen "kan mǝ bi wuret gǝ tong npǝt nNazaret mǝ?" Filip laa gǝnyi yen "ji gǝ naa" 47 Yesu naa Natanyel ɗatnwul ɗǝ muup mǝn la lǝpǝ kaa muup yen "Gu naa gurum Israila naduk ma bi gǝ lanpǝ mai" 48 Natanyel yen "gǝ man an ashime?" Yesu lap yǝn " Dyin Filip yong gǝ mǝ a naa gǝ tǝng ɗǝng she filip yong gǝ. 49 Natanyel gwe gǝ ɗarɗok nbǝlǝ teng yen, miskagam, gǝ a LaNaan.Gǝ a long Israila. 50 Yesu lap yen Gǝ mwat naduk nsa a yen ɗyin a naa gǝ nbǝɗǝ tǝng a? yi gǝnaa jepe wu ma ndung. 51 Lat mǝn Yesu la gǝ nyi yǝn "A laa naduk paa gǝǝ naa fugǝtǝng n'ep mǝn Mǝkwarkum Naan muop fu kaa muop fu sam gǝ ka la gurum.