1 Jemis kwǝrǝm Naan gǝ miskagam Yesu kristi dǝ jepyil muop wu sar shi kaa vǝl wu mǝ pap njong hǝ, an fu nang gun!. 2 Gu lap gǝ tookpya dip, mǝ jepnaa muop, gǝ chak weel muop wu gun fu kat hǝ. 3 Gu man kam naduk nung yong agu gǝwul gǝ bi mogor. 4 Nyit daghat bi mogoor chin bǝlang afe dip, deepin gu kagat yi, mǝbii gǝ wǝ mǝu. 5 Mǝgwo ndem soon bǝni nang fu Naan ndung ni a wudǝɗam hǝ, gǝ pǝn jepee nǝ ntuang nmuop wu mǝ nang fu muup hǝ, bǝ pǝn ngwǝ nani. 6 Ni gǝ nang gǝ bǝzung gǝmee naa yong ntankaa mǝu. Nsa gurum wu tankaa hǝ bǝ ni a wuyit am-waa, ndung kogom viling ni hǝ. 7 Naayong wupin ni ndye kop gǝshii fu miskagam, 8 ni a gurum gǝ bǝzung vǝl, ni gǝ pǝdor nmǝpee mou. 9 Nit daghat wupya nas-bǝzung muup kǝ bǝtǝng afe wuyoon. 10 De dagwo wushagal ndǝgǝn kat afe nsaa gǝdel gǝbi pabi nwung hǝ 11 Fuus lat bǝ kaa gǝ ǝgǝn wubǝan bǝ wung mǝ fiya, pel- wung mǝ waddǝk, bǝ dong afe lat ba'an. A kam hǝ zak wu shagal yong gǝ del fiiw nɗǝgǝn muaan afe. 12 Wuret gǝ lang kǝ gurum wu mogoor nɗǝgǝn kampe nani Ndangkong wu sǝ kampe nani mǝn nmuut bǝ wa gǝ kat nagyem ooklang ndung mǝ myap den dǝ gurum wu mǝ dem Naan hǝ. 13 Nayong kam nkat mǝgwo mǝn yen "A Naan kam an" nsa biwubis gǝ kam Naan mou, ni zak gǝ kam mǝgwo mǝu. 14 Kat wubis bi bǝ tongpǝt ashi bii wugurum dem hǝ, ndung mang gǝ muaan gǝni gǝpee wu gǝ tangkop hǝ. 15 Bi wu gǝ dye a wubis bǝ a muut. 16 Gunaa yong mǝ fuan gun mǝ jepna muop. 17 Bi wuret gǝ wuret afe tong a kǝbǝtǝng. Bii bǝ tong sam adǝ Nda gǝpee wusa'an. Dǝ muup ndung bat kwǝt mou hǝ, wa riin mou nsaa gǝ viling-viling mǝu. 18 Naan kat dong dǝ wu myap mǝn nɗǝgǝn ɓelǝp naduk afe dewar mǝ tughat a bii wu yawar ngǝshang bii ndung myap hǝ. 19 Gu man gwe mǝ jepna muop ndung a dem hǝ, gu yigil bar dǝ kǝlǝng bǝlǝp, mwaan lee dǝ lap bǝlǝp nau gǝ dǝfil. 20 Dǝfil gǝ muan gǝ gurum gǝwar Naan mou. 21 Gu vak gǝ bii wubaan nau gǝ bii ndung a wubis hǝ. Gu sam gǝ kaagu gu lap ɓǝlǝp Naan ndung gu man, ani yong gǝboot bǝ pǝn tooklang agu hǝ. 22 Gu tughat a wuchan ɓǝlǝp, a wu kǝlǝng dt mou yong gu fǝn kaa-suk. 23 Din mǝgwo nkwǝt a wu kǝlǝng ɓǝlǝp dat nǝn chin bǝ ni a wuyit gurum wu gǝ naayi mup nnaaɗang hǝ. 24 Bi nnaa shik mǝn yagal dat bǝr dat bǝ mǝndǝgǝshik dekaa bii wudin naa hǝ. 25 Mǝgwo ndung chin bii tǝt wagap gǝ ni bǝ ni a wu kǝlǝng ndung engǝ, muut mou hǝ guwa nani yong gǝ kat wuret njepee wu gǝchan hǝ 26 Din mǝgwo nnaakat ji man Naan mǝn boot bǝ yaa fu muup mou bǝ fǝn shik, bǝn bǝlǝp Naan afe a bi wubaan. 27 Bǝlǝp Naan ndung ni gǝ rap mou ntagam Naan gǝ Ndamu hǝ bǝ gu naa lǝkaa muop gǝ surǝp ƙaa muop nɗǝgǝn tǝgǝr chiin a muop bǝn yaa shik nɗǝgǝn balang rap gǝyil.