Jing 9

1 Bii-laɗen wupel dok nyi gǝ bi-tǝt dǝ wap gǝ pee wuwaar gǝyil. 2 Dok mǝ myap pee dek sǝ wuwaar. Ɗǝgǝn lǝ wupel, wudok pitila nnǝgǝn, gǝ tebur, gǝ nawe, gǝ mǝ yong nyi a shi pee wusǝsaar. 3 Ndangkong byaat fule nanyi ɓǝ a nde lǝ gǝ mǝ yong shi pee-wusaar-kakǝgǝt. 4 Nyi gǝ rǝk-tok wu mǝ chin shi zinariya npe tuut ɗyel. Nyi gǝ kambi bi-ilaɗen, wu mǝ vaar dip shi zinariya. Shaa wu mǝ chin shi zinariya nyi nɗǝgǝn muup, gǝ kam Haruna gǝ flap pang nung bii-laɗen. 5 Gǝkaa kambil bii-laɗen nanyi, dok mǝwong wunan mǝ ogot kaa karkaa bi-myap gǝkang. Gǝ mǝ laa ɓǝlǝp gǝkaa gǝɗǝt nhǝ mou. 6 Mǝ chin jepe muop nlat ɓǝ ndawang muop mǝ ruo nɗǝgǝn lǝ wu dukduk nung tugul-ɗek-sǝ wuwaar ɗǝ mǝ chin ɓǝlang gǝdu yi. 7 Ɗe a ndawang wukakǝgǝt dat gǝ rǝ nɗǝgǝn nde lǝ nanyi gǝme tak nɗǝgǝn yii gǝ tǝgǝm wu gǝ tok npe kaashik gǝ wubis wu gurum mǝ chin gǝ en muop mou. 8 Mǝrip Wuret ɗyin nkwǝt war pee wusǝsaar wuma gogot dok mǝ nyin mou nsa pee chinkǝn sǝ wuwaar wupel dok kutnyi ɗarɗok. 9 Dok a npe ɗǝ ɗyin bii wu fu ɗak gǝɗet nhǝ. Bii-tok wu gǝ mǝ chan gǝɗet nhǝ kutnyi gǝ pya bǝzung mǝwap zak mou. Mǝ weel a gǝ se gǝ sua dat gǝ gogot jepe zughum shik. 10 Dok muop dau a bi-tǝt nung shishik wu mǝ pǝn dǝng she wufuo wul yi. 11 Yesu wul a nyi a ndawang wukǝgǝt nung jepe gǝɗet nhǝ. Ɗel war npee chinkǝn sǝ wuwaar wu kǝkǝgǝt wudung a sar gurum chin mou hǝ. A nung gǝyil nhǝ mou. 12 Ɗel nlǝ nanyi a tǝgǝm ǝk muop gǝ nǝng mou, ɗel npe wuwaar nanyi a gǝ tǝgǝm muop npe ɗǝ kat angkaa yi nmǝn. 13 Nsa, ɗin bii mǝ wat tǝghǝm gǝ fat ǝk moup gǝ ɗǝghung moup kǝ gurum wu mǝ ruwan shik moup nɗǝghǝn bii wubis, ɓǝ miyap moup lǝ ɗǝ Naan, ɗeepin mǝ vang swǝpshik moup yi, ɓǝ ɗee a tǝghǝn Kiristi nddung nɗǝghǝn mǝriip gǝ gwo pǝn kaashik muup wuret ntagham Naan hǝ, 14 yong gǝ nyang ɓǝ vang ɓǝlang wubi's nyaghal gǝni shi bǝzung mu ɗeepin mǝ wap Naan wuni gǝ kagham ya? 15 A wa nsa nani Kiristi anii a wulangwar bii laaɗen wufwǝ. Nani tong kum hǝ a wa nsa muut dok taa ndung pǝt gǝ moup ndung moup nɗǝghǝn bii-laaɗən wu sǝgǝr hǝ nfu kop gǝshi bii wubis a moup, ɗeepin moup ndung Naan yong moup he, mǝ lap bii-laaɗen bii-kop nung gǝgwo yi. 16 Nsa dib pee ndung mǝgwǝ yil bii wu paa gǝ mǝ chin nkop muup ɗen hǝ, yong gǝ kwǝt gǝ kyen nyang gwǝ nani n'muut a muut 17 Bii wu mǝ yil ɗen kǝ bii kop hǝ, gǝ chin bǝlang a ndankong muut, nsa din gurum wu yil ni nkutni nkagham ɓǝ yong gǝ chin bǝlang mou. 18 Ɗin dǝghǝn nyang tǝghǝm mou ɓǝ bii laaɗen shideel tong mou. 19 Nsa ndangkong ndung moup nɗǝghǝn shiyeep hǝ n'gurum mou dib, mǝn mang tǝghǝm jep nǝng moup gǝ ǝk moup, gǝ am, gǝ chis byaad ɓang, gǝ sar shep ndung ni gǝ soso hǝ, mǝn wat shi gurum moup nani gǝ bii-ran ndung mǝ ran bii-tǝtmoup nnǝghǝnhǝ. 20 Lat mǝn yen ''A ndung hǝ ani a tǝghǝm bii-laaɗen gǝ bii-tǝt moup nɗung Naan ɗak pǝn dǝ ngun hǝ.'' 21 Wat tǝghǝm nani zak nɗǝghǝn lǝwap gǝ lee ndung bii mǝ chin ɓǝlang ndaawang moup gǝ ni hǝ. 22 Nɗǝghǝn shyeep, jepee wuyoon dib mǝ vang moup a shi tǝghǝm. Nyang tǝghɗm nkon mou ɓǝ bii wuɓis zak yong gǝ lat mou. 23 A wa nsa kam nhǝ, lee moup ndung moup fu ɗying a jepee kǝbǝtǝng dat hǝ, yong gǝ mǝ vang moup a shi tǝghǝm bii kang moup a langwaar. Naw kam hǝ jepee kǝbǝtǝng gǝ mǝ vang moup a shi tǝghǝm wuret dib-dib 24 Pee wuret dib-dib wudok kiristi rǝ hǝ, dok mǝ ɗik ni a shi sar mou, wu nani a naa dying bii naduk-dukdat. Nǝmuup rǝ wagab a kǝbǝtǝng gǝ kaashik, mǝn mwaan ntangham Naan nsa mǝn. 25 Mwaan a ɗeepin npǝn kaashik muup nɓǝl kabi ndaawang lǝwap ndung bii rǝ npee wuret dib-dib gǝ tǝghǝm mee mǝ lua shi yii shi yii hǝ mou. 26 Ɗin nkwǝt a kamhǝ, ɓǝ ɗin bii nswaa muutiaa shika-shika Gǝdes nhǝ, mǝ nyin ni a kaa gǝmee dat ngǝyil moup wu fut lat nhǝ, ɗeepin ni npǝn kaashik muup mǝn nmang bii-wubis nban gǝni yi. 27 Kabi ndung ɗenɗok gwe hǝ, gurum gǝ muut a kaa gǝmee, ndangkong nani ɓǝ a shyeep didat. 28 A kam hǝ zak kiristi ndung mǝ pǝn ni kaa gǝmee dat ɗeepin nmang bii-wubis gurum moup nɓǝl hǝ, yong nwul wuvǝl ɓǝ a dǝ mang bii-wubis mou, ɓǝ a ɗǝ angkaa moup ndung moup fu moghor kang wul afe yi hǝ.