1 Nit dagat ɗempee nung emnǝgǝn muaan ntagam. 2 Nayong engu n muut ɗee kǝ wumoos nsa a gǝdǝ chin kamhǝ mǝn pak gurum muop mǝ lap mǝwǝng muop ni mǝman. 3 Gu diye dǝ muop nlǝ ɓal kabi ndung gǝyee mǝ ɓal ngun gǝmee gǝ muop. Gu diye gǝ muop ndung muop fu kat nee, gǝyee gun fu kat nee nani. 4 Mǝ yaa ɓǝlǝp dik gǝ fumaa dip gǝsǝmmu nit dagat nkaram tǝrǝp ɗik a gu nɗee muguwo gǝ she nrǝh mǝu nsa Naan yong gǝ sheep mǝpin ɓǝlǝp ɓuar muop gǝ tang surǝp gǝ da'as muop. 5 Gu fat gǝ suk nɓǝlǝp dem shagal, nɗǝgǝn muan agu. Nit dagat bii ndung gǝ gǝni hǝ yoon gǝ, nsa Naan gǝ kaashik laa nkwǝt "an yong vǝp bǝ a nit gun ɗee a tak gunyi mǝu". 6 Nit daghat bii wu mǝn gǝni hǝ yoon ɗewar mǝ kat kagam dǝ la "Naan ani a tǝp an, yong gǝ a yagal lugut mǝu". Gurum gǝ chin ame gǝ an he? 7 Nayong gu lǝɓak shi mlǝng war muop, muop wu bii mǝ laa ɓǝlǝp Naan gǝ gun hǝ, gu na shi bǝlat muan a muop. Ɗing naduk amuop. 8 Yesu kristi dǝdǝgǝn, chini, gǝ gǝgwǝ. 9 Nayong bishee wu fuwo a muop wu meet nhǝ mang engu ba gǝni. Nsa dondin bǝzung bal chindong agu nkwǝt a kǝ sǝ ndung yong gǝ tǝp muop ndung mǝ lǝ dong a shi ni mǝu. 10 Mǝn gǝ wap Naan ndung muop wu chan ɓalang nsegel nani muop gǝ war sǝ mǝu. 11 Nsaa tǝgǝm lua wu bii mǝ twǝ hǝ ɗee bii-wubis bi bǝ a Ndawang wu yoon npee saar, ɗee mǝ nung shishik muop gǝbang nung pee tvl kaa. 12 A ni mǝn Yesu mang nee gǝbang fulǝ gǝfuur, ɗewar sar gurum yi shi tǝgǝm afe. 13 Nit dagat mǝ fat dǝ muop gǝbang gǝpee tǝl kaa, mǝ lap ka waat yi. 14 Nsa mǝn gǝmee mǝ gǝfuur ndung a nǝ muun yagap mǝu, nɗee a kam bǝ mǝn fu tang a ndung yong gǝ wul. 15 A gǝ dǝ muop yong gǝ mǝ muat ka muu a lenwaar shi se'e kaat Naan, Se'e ndung pǝt a shi gǝfu mu dǝ wu man gǝ sǝm muop. 16 Nayang engu nmuut ɗee kaa chin wuret gǝ tǝpshak nsa a gǝdǝ muat kaa mǝn took Naan piya gǝret. 17 Gu kǝlǝng muop ndung ntagam gu mǝn gu maut kaa gu, nsa muop fu kang kǝ chelem gu kabi muop wu yong mǝ muat fu hǝ. Gu kǝlǝng muop ɗewar muop ntagam gu mǝ chin gǝ tookpiya, a gǝ rogopshik mǝu, ndung yong lat baan dǝ gu. 18 Ɗang Naan dǝ mu, nsa mǝn fu gwaan gǝ bǝzung wubang gǝ bii ndung mǝ tangkop ɗin jepee nmuan nau nyit hǝ. 19 An fu bal kwak gu gǝret dǝ chin bi nhǝ ɗewar mǝ bǝn wakwul gǝ an gǝdeshǝ dat. 20 Gǝde hǝ mang Naan nnung tughat chagap, ndung bǝn wawul nkagam, bangsang wutap tǝm, Yesu Kristi amu ntǝgǝm nung bii ɗen gǝgwǝ 21 ɗik gun gǝ jepee wuret dǝ chin ɓalang afe, ndung ni nsun mǝn waa bii took piya dǝ muup, ndǝgǝn Yesu Kristi ndung maa a nǝmuop gǝgwǝ. Mǝ ɗem Ani. 22 Gǝdes hǝ, a bal kwak mǝjep'emna dǝ lap mǝn ndung a yil til dǝ gu. 23 Gu man mǝ tak emnǝgǝnmu Timoti ndung yong a naa gun kan wul bǝr. 24 Nang muop ntagam gu dau gǝ gurum Naan ndung a wusar gurum Ititli mǝ nang gun 25 Mang chindong Naan lang gǝ gun dip.