Jing 12

1 a waa nsa mǝn gǝ gurum wu tǝpshik a shik gwee gwet, bǝ mǝ vak gǝ lee wu tegen ndung yong gǝ mes nwul gǝ chin bii-wubis. Nit dagat mǝ muan lee nɗǝgǝn gǝsǝ ndung ni gwee ntagam mu. 2 Mǝ lǝng kum dǝ Yesu ndung ani a tugus bǝn a wu kǝgvt kaa mwǝt naduk. Wansa tookpiya wu dok ni tagam muup ndung mogor muut dǝ sheep nau gǝ kaa waat mǝn tongdok gǝsar wumis bǝtongNaan. 3 Ɗiye ɓǝlǝp a kaa, ɗee gurum ndung mogor muut gǝ bagalshik fu wu chan bii-wubis dǝ muup hǝ, ɗeewar yong gu kat weel bǝzung gu mǝn gu fat gǝ engu. 4 Jet gu diam kǝ niang ya zuat fu biiwubis ndung a kon tǝgǝm hǝ, 5 mǝn angu muut dat ɗee kǝ karpe gǝ ɓǝlǝp laa wu yong gun a jep ha? Laa nǝ, na yong ɓǝlǝp diye agǝ nkat kǝ karpee miskagam, gǝ sar sam dǝ chinlǝ ndung ni gǝ chin hǝ. 6 Nsaa miskagam gǝ ɓial a gurum wu ɗem hǝ, gǝ muat nogol shi Laa ndung lapni hǝ. 7 Mang ɓalang a kabii karpee, Naan ni fu muan gǝ gun kabi jep muup hǝ. Nsa a me mǝ laa wukar nmenang nin a nda kar mǝu hǝ? 8 Bǝn nin nkwǝt gǝ karpee ndung gurum mǝ man, bǝ gǝ wagap a laa muup mǝu. 9 Nau gǝ kamhǝ, mǝn dok gǝ nda gvyil wu mǝ ɓak mǝn hǝ, mǝ kar mǝn mǝ kǝlǝng muop. Ɗee amee gǝ dǝn muat kaa dǝ Nda nung shi chelem wu langdok hǝ. 10 Ndamu muop dok mǝ karmǝn nwar ndung mǝ man hǝ til. Mǝn Naan karmǝn a dǝ biwu wuret ɗewar mǝ kat pak pee ndǝgǝn pee afe wusǝsaar hǝ 11 Bi a'al bii mee bǝ dam took bǝn laa. Mǝn ndangkong bǝ pǝt gǝ kopgǝshi wusaan dV gurum muop ndung mǝ shee muop a dǝ hǝ. 12 Gu shang sargu ndung lǝng dok a sam hǝ ya furǝm gu wu waam. 13 Miyap war agu ɗewar bii ndung a wukut yongba tang-tang, ndee a kamhǝ bǝ kat a kagam. 14 Tang tugat chagap gǝ gurum dip, ɗee sa'ar, nsa ni nkwǝt a kanhǝ mǝu bǝ mǝgwǝ gv naa miskagam mǝu. 15 Gu kang, ɗewar yongba ndee mǝgwǝ ni kat chindong Naan, yong gǝ tugus bii-wubis nfeer mǝn wul gǝ weel ndung gurum gwet yong mǝ dam a shik. 16 Gu kang yong gǝ ɓǝlǝp bu'ar gǝ gurum wu man Naan leng kabi Isuua, wudok wa hǝ ɗa'a sǝ gǝmee mǝn se'et gǝ vo'ot afe. 17 Ɗewar gu man yi nkwǝt ndangkong ndung tang lap wuret kopnda hǝ, mǝn mǝ niang nsa dok kat war dǝ waaji gǝ dangkong mǝu, tang nau gǝ namuaa. 18 Nsaa gu wak duk gu rǝh gǝpang ndung yong gu bǝm mǝu, pang ndung wus nifu lap, kuwo, mial ɗee kogom fan. 19 Gu wak duk gu rǝh gǝpee wal fe'er ya gǝ pee dǝgǝl ndung gurum mǝ kǝlǝng bǝ mǝ dang nit shee mǝ laa ndee ɓǝlǝp dǝ muop mǝu. 20 Mǝ boot bǝ mogor bii tǝt amuop mǝu! Din waa lua nbǝm pang nani bǝ mǝ mǝ zuum shi pang. 21 A kamhǝ gǝ lugut dǝ Musa ndung laa yen, "Mǝ hook an mǝn anfu biring". 22 Nde a kamhǝ bǝ gu wak gu rǝh pang Sihiyona bǝn a gǝfuer Naanwu langdok, a kǝbǝtǝng Jarusalem, dv kam sar-sar peen nbǝl nung mǝwǝng muop fu giya. 23 Gu rǝh gǝpee jep gǝkaat muop nbǝl ndung mǝyil sǝm muop kǝbǝtǝng. Gu wul a dǝ Naan, wu sheep mǝn dip, mǝn a dǝ chelem wuret muop ndung mǝ miyap muop ka kǝgǝt. 24 Gu rǝ dǝ Yesu, wu dar kǝkang gǝbii laden wu fuwǝ, ɗee ya dǝ wat tǝgǝm ndung la ɓǝlǝp ret maa tǝgǝm Abel hǝ. 25 Nayong gu niang guwo wu ni fu ɓǝlǝp. Nsa niang ni mǝ fat gǝshi ndung daguwo wu dǝng shi muop gǝyil, ɗee ntaa ya wuyong shee mǝ bat gǝdǝ gu wo wu dǝng a kǝbǝtǝng ha. 26 Dok dǝgǝl muup dung gǝyil. Gǝdes laa yen, ji tak dǝgǝl a dǝ nung gǝyil dat mǝu nau gǝ kǝbǝtǝng. 27 Ɓǝlǝp muop nhǝ "bǝn kaagǝmee" ni fu la a tagat jepee ndung yong mǝ yogon ndung ndǝgǝn bii ndung kat mǝ miyap gwe hǝ ɗewar bii ndung kat yong gǝ dung mǝu mǝ ɗee. 28 A dǝ nkat gǝtǝng ndung gǝ dung mǝu, nit dagat mǝdǝkyil, mǝ bǝn mǝ wap Naan ni naa dangkong gǝ kang 29 Nsa Naan a mu a wu tǝ wus.