Jing 1

1 Dok nmok, Naan laa bǝlǝp gǝ mǝndamu muop nfu jeplep Naan muop kaa nbǝl . 2 Ndǝgǝn bit muop nhǝ, nifu laa bǝlǝp gǝ man nfu Mǝlaa ndung a ni pǝs dǝ wutong a wuteer kop jepee dip hǝ. Naan miap gǝyil a gǝwar afe. 3 A ni a pee wusaan nnung maa nnung Naan, a ni a wuniin Naan wagap kǝr. A ni yak jepee dip lǝ shi shak shi bǝlǝp maa afe. Ndankong wu vang biiwubiss lat mǝn tong gǝsar wumis nnung maayoon Naan. 4 Ni waa a maa mǝwǝng Naan muop kat gǝbii wu sǝm muup wu mǝ pǝn nnihǝ a wu maa nǝmuop langlang. 5 Dee a mǝwǝng nmenang ndung Naan laa dǝ muop yen, "Gǝ a laanǝ, chini awaa a ndagǝ hǝ?" A mee muop nmenang shizak ndung yen "Yong a tong a nda muup, ɗee ni nwaa a laa nǝ" hǝ? 6 Bǝn zak, gǝshi wu Naanlep gǝ wumang kop gǝyil hǝ mǝn en, "Mǝwǝng Naan muop dip yong gǝ mǝ wap nni." 7 Kaa mǝwǝng afe muop zak laa yen "A ni a ndung miap mǝwǝng afe muop nchelem, ɗee mǝ wap ni muop a ɗiyel wus" he? 8 Dǝ Laa muup zak, laa yen, "Tagam Long a gǝ, Naan a nung gǝgwǝ. Ras Long agǝ a ras bǝlǝp wu zagat. 9 Gǝ dem bii-wuret ɗee gǝ niang bii-wubis. Waa nsaa ni, Naan a gǝ mǝn gǝ shi mwǝr tookpiya maa nung mǝnie gǝ muop". 10 Nkugur wulǝlung, Naan, gǝ tak kugur gǝyil. Kǝbǝtong a balang sar gǝ. 11 Paa gǝ mǝ dam ɗee gǝ gǝ mwaan ntagam. Paa gǝ mǝ tee gǝbii biyat hǝ. 12 Paa gǝ chigit muop ka biyat hǝ. Gǝ zak gǝ bat-bat mǝu, yii gǝ a nung lat mǝu. 13 A dǝ mǝwǝng Naan nmenang ndung Naan laa dǝ muup yen, " Tong gǝ sar nǝ wuret (until) n'an a yak mǝkas gǝ muop a lǝ nkwak gǝ ɗeewar gǝ tang-tang yi kaa muop" hǝ? 14 Kan mǝwǝng Naan muop dip a chelem wu gǝ mǝ chin balang mǝ bǝn lep muop dǝ wu kangkaa muop ndung paa mǝ kat bǝrǝp hǝ mǝu mǝ?