1 An Bulus la lep Yesu kristi nɗǝgǝn ɗem Naan, dǝ wusaan gurum Naan muop wu muop Afisa hǝ wu muop a wusaan ndoegoen pǝn naduk Yesu kristi. 2 chindong gǝ tuagat chagap nung Ndaa mu Naan gǝ Yesu kristi. 3 Mang Naan gǝ nda mu Yesu Kristi kat toegoer ni wu long wuret kaa mu gǝ wuret nung chellem ndang tong goetoeng ndǝgǝn kristi. 4 Naan poen mǝn in muup kukur gǝyil, dewar mǝ dǝ wusǝ saar zak wubang bang ndǝgǝn deinpee. 5 Naan yawar kok mǝn gǝ bii jep muup ndǝgǝn Yesu kristi gǝ bi wuni dem hǝ. 6 Ndung kok man nani hǝ wadeabi tǝgǝr sǝm ndǝgǝn sǝn gurum ndung dem ani hǝ. 7 Mǝ kat pǝ fuat ndǝgǝn Yesu kristi wa ntǝgǝm muup gǝ yaa naa biwubias amu ndǝgǝn chindong a muup. Goeder ni wu ni dem Goeder Long. 8 Mwat chindong afe gwet nmǝn ndǝgǝn en gǝ man gǝ kang. 9 Naan ayin bii ndung a muup ndung ni wu sǝsok hǝ nmǝn ndǝgǝn dem a muup ani lep yi gǝ Yesu nmǝn. 10 Ɗe war pe nwulashik bǝ yak jep bii gǝ gǝyil gǝnung kǝbǝlǝng lǝ pee gǝmee nau gǝ ni kristi. 11 Kristi kok mǝn ndǝgǝn namemang a muup dewar bii muop mǝ mwan mwan yi gǝpee ndung ni dem hǝ. 12 Naan fas mǝn mǝ dee awu kok kop muup dewar mǝn ndung mǝ yawa mǝ ɗen en mu gǝ Yesu hǝ mǝ Saam wuret a muup yi. 13 Ndǝgǝn sǝm Yesu gun ndung ya war gu kǝlǝng bǝlǝp naduk wuret ndung gǝ pǝn mǝn ndung mǝn zak mwat naduk ni hǝ mǝ kat pǝfuat ndǝgǝn chellem Naan. 14 Ni ndung kat a ni pǝn, mǝn dǝ mǝ kok kop yi kat bit warǝ dewar mǝ saam ni yi zak. 15 Kandok a kam hǝ yi, a kǝlǝng gui pǝn naduk Yesu ndamu gǝ dempee agu dǝ gurum Naan ndung a wusǝsaar kǝr. 16 Jhet anyit dǝkyil Naan dǝ gu mau, bii a ɗang Naan dǝ gu. 17 A ɗang Naan a mu Yesu kristi Nda wuma'a ɗin muan chelem en man wuman ni hǝ. A ɗang Naan dǝ yit ɓǝzǝnggu ɗin ep ɗǝ guman ɗen'en kǝ yongpe 18 Ndung anung kok kop ɗǝ gurum Naan muop ndung a wusǝsa'ar hǝ. 19 Ndǝgǝn dang Naan anǝ, adem ɗin guman maa NaanWuma gǝkǝgam lapkang ndǝgǝn 20 muot naduk nbǝlang kagam a mu'up ngǝ muut mǝn mangni ni ɗan petong nsar dasǝ kǝtǝng. 21 Mang kristi lang gǝ petong ndapka mǝ naa gǝyil muop nau gǝ sǝm.Yesu yong de long gǝyil nung gǝdes hǝ nau nung tagam. 22 Naan mwat jepee nau dap shii Yesu kristi bǝn pǝn ni de awuna kaa gurum Naan muop gǝ jep bii nau. 23 Gurum Naan muop a swopshik Yesu ndung ani gam bii muop nau nau hǝ.