Jing 2

1 Waasa chin bi wubias agu dok de kabi muop ndung mǝ duam gwe hǝ. 2 Dok muan agu akabi nung gurum gǝyil muop hǝ bǝn tuaghat agu a kabi nmuop hǝ, gun a kabi piip gǝ chelem wubis wu gǝdǝ kǝlǝng pǝ hǝ. 3 Mǝn nau dok dok bi mǝ muan dok akam hǝ, gǝ mǝ chan jeppee ndung shishik mu mang ani gǝ ndung kat bǝzǝng mang ani hǝ. Dǝfil dok ni nkaamu kabi gogot gurum gǝyil muup hǝ. 4 Mǝn Maan na chigir badǝn nkaamu mǝ ɗem mǝn shi dempe a muup. 5 Nau gǝ ndung dok mǝ kat kagam yi wa chindong afe'e. 6 Naan app mǝn gǝmǝ gǝ kristi mǝn duak mǝn gǝpǝ tugat gǝmee kǝbǝtǝng gǝmǝ gǝ Yesu kristi. 7 Dewar pă wawul ashik bǝ nyin long afe gǝ chindong a fee nman nǝgǝn Yesu kristi. 8 wasa chindong afee pǝn mǝn dǝgǝn naduk ndung hǝ na nǝ mǝn muo a chindong Naan. 9 Mǝ katni wa bǝ chan mou, yong mǝgǝ muop bǝzǝn muup. 10 A Naan miap mǝn dewar mǝ chan bivwuret yi ndǝgǝn Yesu kristi kabii wudok ni Naan yawar ɗen gwe dewar mǝ muan-muan yi dǝgǝn afe. 11 Dok gun a wuman Naan mou. Mǝ yong gun a da'as mou dǝgǝn daas mou. 12 Dok gǝshi nani gun a wumoos dǝ Yesu g gurum Yahuza muup, gun bǝn a wumoos muup dǝgǝn bǝlǝp Naan. 13 Gǝdeshǝ gun anung Naan wa ntǝgǝm Yesu. 14 A Yesu ani a tugat cigap amu, ani epwar wudok bi gap gǝkangmu Naan hǝ. 15 Ani dǝn pak biang muup wudok gap gǝkang mu hǝ ɗewar de gǝmee dǝgǝn Yesu dewar mǝ kat tugat cigap yi. 16 Kristi muut kǝ shep ndung mǝ kaa ni hǝ dewar kang kaamu mu ɗe wushaar sun yi. 17 Yesu sam la bǝlǝp Naan wuret gǝ tuagat chagap dǝ gurum ndung dok muop nsǝng hǝ, de bǝlǝp tuagat chagap muop wuduk duk hǝ. 18 Mǝn nau mǝ kat ruwǝ gǝ pee chellem Nda a wa Yesu. 19 nsa kam hǝ gun wu tuaghatwul guna wumoos zak mou. Gu dee a jep Naan muop wa sǝsaar ndǝgǝn lǝ afe. 20 Mǝ dik gun ntukus jep lep Naan muop gǝ nung Yesu kristi gǝ kaashik muup ndung ni a tukus wubal hǝ. 21 Lǝ nani ɗaarɓal a ndǝgǝn laNaan wusǝsaar bǝ yakshak dong. 22 Ani pǝ dik mǝn ndegǝn sun dee mǝ kat tuaghat yi ndǝg chellem Naan.