1 Kat Naan n-ep mǝn gǝde christ, bǝ mǝ tang bii wu fǝ gǝtǝng, pee wu christ long ni gǝsar dasa nung Naan. 2 Gu dye jepee fǝ gǝtǝng jepee gǝyil mou. 3 Gu duam gwe mǝn mǝ sok nook gu de christ nɗǝgǝn Naan. 4 Christi, pǝt tong ni wu a nook gu, gun zak gu pǝt gu tuagat kǝ kristi nɗǝgǝn yoon gǝ muop. 5 Mu tuwo ji pe gǝyil; buar, koor yook, mulak gǝ pangkop muop. 6 A gǝde bii muop hǝ wu tuble Naan gǝ ji kaa jep dǝkpe. 7 Dok gun zak gu muan ɗok nɗǝgǝn bii muop nani, shi wu dok gu tuagat do de muop. 8 Gǝdet gu kulap gǝ jepee muop hǝ, tuble wu swet, tuble, daam dang ɓǝlǝp buar shi fǝ gu. 9 Gu laa wurum de suk mou, pe gu kutni a wu dok gǝ jipe nani mou. 10 Gu wak a gurum wufwo wu muop fǝ chin waar pe mu wak wufwo nɗǝgǝn man nung riin ni wu ɗen gǝyil. 11 A pe nhǝ wu Greek gǝ Yahudawa wu mǝ gab dǝb gǝ wu mǝ gab dǝb mou, wu jong Seythian, kwaram la gǝpang mukot mou, christ ani a nɗǝgǝn mǝn nau, bǝn ni nɗǝgǝn mǝn nau. 12 Kam bǝ, ka gurum wu Naan pǝn hǝ, wu sǝsǝr wu ni ɗem hǝ, gu kot a mǝ, nachigir chindong kaa leen wuzugum gǝ mogor muut. 13 Mogor gǝsuk pǝn yoon n kaa suk. Mǝgwo nkot gǝ me weel de nde mǝgwo, bǝ kǝn gǝ ni ka wu miskagam kon gǝ nǝ muun. 14 Wu maa bii nau, ɗem suk, wu a ni a kam kǝgǝd. M 15 Man tongchagap christ, muan nbǝzung gu. An pe tuagat chagat nani wu mǝ yong gun nɗǝgǝn shik gǝme. Bǝ gu bar yil. 16 Mang eg ɓǝlǝp christ tǝng nbǝd gu gǝrǝt. Nɗǝgǝ soon shee gu bǝ gu kwal suk gǝ sǝ mǝrup wuret. Gu lǝ sǝ gǝ bar Naan shi bǝzung gu. 17 Dau bi wu gu chin shi lǝfǝ gǝ chin, chin nau nɗǝgǝn sǝm miskagam Yesu. Bar yil de Nda Naan, de Yesu. 18 Surǝp sam gǝ kaa gu de mudaas gu, ka a ni a wuret de miskagam. 19 Daas gu dem surǝp gu, gu nook me tuble nkot gǝkang gu mou. 20 Jep, sam gǝ kaa gu dǝ fuub gu ndǝgǝn biinau a ni a pǝn tookpya nmiskagam. 21 Nda muop yong ba gu pǝn dǝfil njep gu, yong ba gu sam sar muop. 22 n-wu pin ǝ gǝgu nung gǝyil de bii nau, gu naa ka mweng mou, a kǝ ɓǝzung nung naduk, gu yigil lugut Naan. 23 Dau bii wu gu chin gǝ chellem gu ka wu a de Naan, mǝ a de gurum mou. 24 Gu man wu yong gu lap kop gǝ shii ma kop gǝgu de miskagam. Gu chin a de miskagam. 25 Gwo wu chin wubias muop yong gǝ lap kop gǝshi pe bii wuni chin pǝn yit pa gǝ kot mou.