Jing 2

1 A tangkop gu man lǝshik wudung an gǝni ɗe muop wudung Lawudikiya, nsa muop gak dat mǝ nayit nǝ nɗǝ̀gǝn shik mou. 2 A chin ɓǝlang ɗepin kwak muop ɓal gǝɗe wu yak muop wak je gǝni nɗǝgǝn ɗempee, nɗǝgǝn bilong man nung Naan wudung a waar a kar gun ka wu a wawul gǝgun nɗǝ̀gǝn ɗempe kǝ nɗǝgǝn bilong man rǝng nung man Naan wu ani a kristi 3 Mǝ sok bilong soon kǝ man bii man jepee a ɗe muup. 4 A laa bii nhǝ, yong baa mǝgwo nfǝn gun shi ɓǝlǝp kwaam. 5 A man an ɗe gu nɗǝgǝn shishik mou nsa ni an dǝ gu a chellem. Tooknǝ pya ka wu a kat gun ɗe shak kǝ kwal mou; bǝn kǝ kaggam kǝgu nɗǝgǝn pǝn naduk nkristi. 6 Kaa wu gu lap kristi Yesu miskagam hǝ, gu muan muan nɗǝgǝn waar a muop. 7 Gu biang seen gu nɗǝgǝn muup, gu fiar gǝɗe muup gu ɗiam ɓalɓal nɗǝgǝn bii wu mǝ shee gun hǝ, mǝn gu kot a mǝ bar Naan gǝrǝt. 8 Nayong m ǝgwo nfǝn gun shi soon kǝ fǝnpe gǝɗe waar gurum, kaa nung chellem gǝyil, mǝn gǝ waar kristi mou. 9 Waa nsa kam, Nin nshishik ni a Naan 10 Gun zak gu kot a wu ngaam nɗǝgǝn muup, ni wu a kaa wu maa long gǝ mǝ kamshik nau. 11 Mǝ gap dǝb gu, gǝɗe muup, mǝ gap dǝb nani a ka nung gurum mou, a nɗǝgǝn nung kristi. 12 Dok mǝ waam gun nɗǝgǝn am Naan a muup mǝn gǝɗe muup bǝn mǝ ep muun gǝtǝng nɗǝgǝn kagam Naan wu ep ni ndangkong wu muut hǝ. 13 Shi wudok guɗuam nɗǝgǝn wubias agu hǝ shi wudok mǝ kwap dǝb gu nshishik dok mou, chin waar mǝ ɓǝrap yi ɗe muup, bǝn kon gǝ wubis a mu. 14 Bit bii wu mǝ yil ɗen nung kaat wubias a mu shi tǝt gǝ ni. Mang ni baa gǝni, shi wu lang ni kaa sheep long pee. 15 Bǝn ɗuan kagam daskagam gǝ mǝ kamshik, mǝn waa gǝ muup a bii swar gǝɗe wu maa muop shi shep lang pee. 16 Kam bok gu ɗem mǝgwo nshep gun, gǝɗe, sǝ gǝ bii swaa gǝ ɓit bii sǝ gǝ tǝr wu ffwo, gǝ ɓit wu waar mou. 17 Bii muop dau a riin, bii wun wawul, wu kǝr nani a kristi. 18 Yong ba gu dem m ǝgwo, wutang kaa leen, gǝ mǝgwo wu dem kop wap mǝwong Naan hǝ shep gun mǝn ɗem gun nduam gǝgu. Ni nani bi rǝnɗǝgǝn bii wu naa, mǝn bii wagap npe mǝbi mou a gǝɗe endye wubaan. 19 Man wu yon mou, mǝn man wu a gǝɗe wuyong wu shishik nau, kǝ kǝkang shik, gǝ pǝar shishik, bi kat sǝ gǝ baar. 20 Kat gu duam kǝ kristi shi mǝrip jepee gǝyil. ana gun fǝ tuagat kaa muop wu shep gǝyil weet muop. 21 Na yong gu yaa gu cham, gu bǝm? 22 Bii muop nau gǝ mu daam gǝde kam be gǝ sheepe gurum. 23 Tǝt muop muop gǝ rii soon mǝn war wap Naan gǝ muop, gǝ kaa leen gǝ bii wu mǝ chi swet gǝ shisgik du nau a nung gurum muop gǝ kagam, pe ɗen chaape shishik mou.