Jing 1

1 Bulus ani laa lep Yesu kristi gǝpee ɗem nung Naan, gǝ Timoti emnǝgǝn mu. 2 Dǝ gurum Naan muopwusǝsaan gǝ mǝjepnǝgǝnmu wu mǝ pǝn naduk kristi wudung muop n-kolosi. Mang chindong tong gǝ gun, gǝ tuaghat chagap gǝpee Naan Nda mu. 3 Mǝ dǝkyil Naan gǝ Nda long Yesu kristi, mǝn pǝ dangnaan dǝ gu zǝn. 4 Mǝ kǝlǝng naduk a gu nɗǝgǝn kristi Yesu gǝ dem wu gun gǝni dǝ gurum Naan muop wusǝsaar dip. Gun gǝ ɗem enn mǝ chin chinkǝgǝn gun gǝbǝtǝng. 5 Gu kǝlǝng ɓǝlǝp ɗen enn gwe nɗǝgǝn ɓǝlǝp nadk nung ɓǝlǝp wuret, Wudung wulkat gun. 6 Bǝlǝp nhǝ fiyer peel bǝn laaa gǝyil nau. Ni pǝ chin kam nɗǝgǝn gu pa bit wu kǝlǝng bǝn gu man chindong Naan nɗǝgǝn naduk. 7 Nhǝ ani ɓǝlǝp wuret kabi wugu kat gu kǝlǝn gǝpee Epaphras, wushar ɓǝlang, wudung pǝn naduk nɓǝlang kristi gǝfu mu. 8 Epaphras laa gǝ mǝn ɗem agu nɗǝgǝn chellem. 9 Nwa ɗem nhǝ pa bit wu mǝ kǝlǝng mǝ nyit dangnaan gǝtap gu mou. ɓǝn mǝ dang ɗee gun gu kat bii man nung ɗemnaan nɗǝgǝn soon gǝ chellem nung man. 10 Mǝn pǝdang Naan dee gu muan-muan wukǝr nɗǝgǝn saam long. Mǝn pǝ dangnaan dee gu fiyar nɗǝgǝn jepee wuret nung man Naan. 11 Mǝ dangNaan dǝ gu ɓal nɗǝgǝn ɓoot gǝ kam ɓǝlǝpnaan nung tookpya nung mogormuut 12 Mǝ dangnaan ɗee gu ɗǝkyil gǝ tookpya de Nda wudung pǝn puɓǝt gu nɗǝgǝn bii teerkop nɗǝgǝn gurum Naan muop wusǝsaar gǝ pe ɓal nung kwo mǝn bat mǝn dǝyil long nung laa muup 13 Ni shang mǝn gǝpe ɓal nung kwo mǝn bat mǝn dǝyil long nung laa muup yesu. 14 A laa muup ani anka mu gǝ vang bii wubis amu. 15 Nsa a nɗǝgǝn muup mǝ chan jepee dip, nung gǝyil gǝ nung gǝɓǝtǝng wu mǝ naa gǝ wu mǝ naa gǝ wu se mǝ naa. 16 Pee tuaghat long muop, kam bǝlǝp gobnati, wukam shikjepee dip mǝ chan nɗǝgǝn muup ɓǝn a dǝ muup. 17 Ni a kaashik shideel she jepee muop ɗǝgǝn muup jepee mǝ kangshak. 18 Ni a kaa swopshik lǝwap. Nia chideel nɗǝgǝn jepee gǝyil dip 19 Bii wudok Naan chin dongɓǝt muup ɗee ni tong nɗǝgǝn yesu dǝ kang gǝ gurum muop nɗǝgǝn long nsa jepee dip a dǝ muup. 20 Naan pǝn tughat chagap a nɗǝgǝn tǝgǝn nung shepkaa Naan kang gǝ jepee dip dǝ shik kwǝt dip gǝɓǝtǝng gǝ gǝyil. 21 Dok me mǝ shii gǝmǝ gun nau a mǝzep gǝpee Naan bǝn a wukas muup ndǝgǝn ɓǝzung gǝ chan wubias. 22 Gǝdes hǝ, kang gun gǝ swopshik muup nɗǝgǝn mut chin nhǝ, dǝ wusǝsaar muop wupufi. 23 Ɗin gu muan nɗǝgǝn naduk, kuk gu a ɓal, gu muan gǝ dǝ ɗen enn nung ɓǝlǝp wuret wudung dok gu kǝlǝng nhǝ ani ɓǝlǝp wudung An, Bulus, a ɗee wuɓǝlang. 24 Gǝdes hǝ, a ɗin tookpya nɗǝgǝn mutlaa a nǝ dǝ gu, shisan kǝgǝt dǝ bii wudee nɗǝgǝn mutlaa kristi dǝ swopshik wudung ani a nung gurum Naan muop. 25 A nwani gurum gurumNaan mǝ ɗee wuɓǝlang, ɗǝ kop gǝshi wudung Naan pǝn an dǝ gu, dǝ lep Naan warrǝ yi. 26 Nhǝ, ani a ɓǝlǝp naduk wudung ni nlan yii mbǝl, gǝɗes hǝ, mǝ laa ni dǝ gurum muop wudung mǝ pǝn naduk ni. 27 A gǝpee muop Naan dem ji din long nung wusǝsaar wusǝsok gǝnaar wu njong muop, wudung a kristi ɗen enn nɗǝgǝn wusǝsaar. 28 Ani wudung mou pǝ laa, dǝ kom gǝ shee gurum muop dip gǝ endye dǝ mǝ pǝn gurum dip wudung mǝ nan nɗǝgǝn ɓǝlǝp Naan nɗǝgǝn kristi. 29 Nwani a chin ɓǝlang gǝ zuwat dǝ ɓal wudung ni ɓǝlang nɗǝgǝn kagham.