Jing 25

1 Nndagkong wu Festus rə ngan Sizariya hə mən ɗəl muan Jerusalem. 2 Ndaawag wunan muop gə mənan muop mə wugə bəlep kaa Paul, 3 mən mə ɗang Festus ɗə wu ɗin nyong ni nJerusalem, bə kan muop a fu ɗiye ɗə mə ɗiam gəwar dee mə tə ni yi. 4 Festus lap yen mə yaa Paul n Sizariya, yong gə muan a nəgən. 5 Bən laa yen, "Gurum wu boot bə ni muan gədə mu, Ɗin gun gə bələp kaa muup bə gə mang gu lang" 6 Festus chin bit mak pogokun gəsar ɗat mən sam yaa n Sizariya, ɗaar mə fat mən tong kəbətongsheep, mə shak muop ma jaa gə Paul. 7 Gəshi wu Paul rə hə, Yahudawa muop nbəl dat mə fat diam, mən mə fat gə bələp wu mə boot bə diam kagham ashik nau hə. 8 Paul ɓən kəshik mən yen, "A chin məbii wu tep ɓiang Yahudawa muop hə məu, wa kə lə wap Naan dee baayi gətaa Siza məu. 9 Festus zak tang nkop piya bəzung Yahudawa muop mən lap fu Paul yen, "Gə ɗem ɗin gə muan n Jerusalem gəpee wu a an ga sheep gə kə jepbəlep muop nha? 10 Paul lap yen, "A ɗar a ɗok gəpee wu gə man hə" 11 Ɗin kan a a chin bii wu kee muut, bə a niang muut məu, Bazak kan bələp pam a muop kaa nə nkwət a wubaan bə məgwə gə pən an muop məu. A mang ɓəlep ntagam Kaisar." 12 Ndangkong Festus mə kang kəshik muop gə məsheep muop, mən yen, "Gə mang bələp ntagam Kaisar yong gə muan ntagam Kaisar." 13 Ndangkong ɓit mak vəl mən long Agripa muop Banis mə jaa də wu nang Festus. 14 Nadangkong ɓit nbəl mən Festus laa bələp kə Paul pən nlong yen, "Felix dok nit mee məgwə npee nhə nlə ɓal. 15 Gəshi wu an n Jerusalem hə mən ndawang wunan muop gə daskagam Yahudawa muop mə jaa gə fu ɓələp kaa muop n'an, mən mə tang nkop ɗin an a gap shik muut kaa muup. 16 A laa gə muop a yen a səm ɓəlep Romawa muop ɗe wu gap shik muut kə gurum wu kat war də wu lap kəshik kə bii wu mə agas ni a kaa hə məu. 17 Wa nsa kam hə gəshi wu mə jaa gə gəmee mən a ɗar wa ɗar məu mən a tong kə batong sheep mən a shak muop mə jaa gə ni. 18 Mə ɗogor ni mə wul gə bələp ndung a kat ni chin wubis məu. 19 Ndee nhə ɓə jagar a muop a kaa (religion) a muop, bən a kaa mee mə Yesu wudok muut hə, ndung Paul yen ni nkagahm hə. 20 Ɗok a man bə beer gəkang ɓələp nani məu mən a nang fu muup kə wu guna ɗem gə muan njerusalem də wu kaar kaashik gwe yi ah? 21 Mən Bulus ɗang dər mə nyit nyi nləɓal ɗe gə kang ɓələp wu long gə laa hə yi, mən a shak nmuop mə ya nyi nnəgən nni kang ɓit wu gə a lep gə nyi dər Siza yi." 22 Agripa laa dər Festus yen, "A tangkop an zak a kələng dagwuo nhə." 23 Ɗaar mə fwat mən Agripa muop gə Banis mə jya gə gya gədər gəshik muop; mə jya gəpe gəme gə mənan sojya muop gə jepyil wu ɓwaghar-ɓwaghar muop. Festus mwən fu ɗəgəl mən mə jya gə Bulus ntagam muop. 24 Festus yen, "Long Agripa, gə mənan muop wu muop gəme gə mən hə, gu naa dagwuo nhə, Yahudawa muop nɓəl mə laa ɓələp an nUrishalima gə pee nhə, mən mə ap ɗəgəl muop mə yen ɗong dyin nkot gə nook zak mou. 25 A lap gəkang mən a kat chin məbi wu mak muut mou. A waa nsa dok lang ɓələp gwe ntagam Long wuyoon, a lep yi gə nyi. 26 An gə mee mə məbi wagap wu gə a ran gəkaa a pən mou. A waa nsa kam a ji yi gə nyi ngun, gə gə miskagam Agripa npe ɗə bii wu gə a yil kaa ɓələp nanyi yi. 27 Nsa a kat ɗong ɗyin a lep gurum wu nləɓal nə a yil bii-wubis gəfe mou."