1 Bii wudok a yil gwe, Theophilus, la dip bii wu Yesu bəm chin gə she, 2 gə warə wu gəshi wu mang nyi a kaa, ndangkong nyi ɓynag bii ɗem shi məriip wuret də jeplep afe wuni taghat hə. 3 Ndangkong kat nogol, mən nin kəshik muop ni pə la bəlep yil-long Naan. 4 Wudok bii məhatshak hə, mən ɓyang pən nmuop yen mə nyet Urushelima məu, muop mə kang səgərfu nung nda wudok yen, "Dok gu kələng pənə 5 nkwət John kən shi am, ɗe gun yong gə kən gun a gə məriip wuret nɗəgən bit wu muop nyokwul. 6 Wu mətəl kəshik mən mətal "Long, fuus warə də wu pən yil-long n'Israila a?" 7 Mən la yen, "Man fuus gə tar a nəmuk məu, a nung ndaa wuɗen gətagam afe hə. 8 Ɗe yong gu kat ɓal kat məeriip Naan sam nkagu, agun yong guyok wu twamshik n'am dip nUrushalima gə Judea, gə Samaria nau gə gogot bəchepyil." 9 Wu Long Yesu la bəlep dip lat gə muop, mən mənape gətəng, mənang nyi gətəng, mən ligin sok nyi nyit muop. 10 Mə kutni fu nape gətəng dat mən bər ɓe məkat daas ɗyamnok vəl ndəgən byan pye. 11 Mən mə yen, "Gun gurum Galilee, ana gu ɗyamdok gu nape yi kə bətəng eh? Yesu wu guna nyi mə mang nyi mə mang nyi ka kə bətəng də yit gu nhə, pa gə chin nwawul akam hə wu gu na nyi fu muan kə bətəng hə. 12 Mən mə twagat sam kə Pang Olives (Paạt) wakya nUrushalima, shi muan wu warə bit wuyoon gəme dukduk gə Urushalima. 13 Mə yok rwə lat mən mə kaa ya kə beləng pe wudok mə twagatdok nnəgən. Dok a Bitrus, Yohanna, Yakub, Andarawus, Filibus, Toma, Bartolomi, Matiyu, Yakub la Alphaeus, Siman nung Zealot gə Judas la Yakub. 14 Muop dip bəzung muop gəme məpənshak ndangNaan nau gə swərəp, gə Maryamu nəgən Yesu, gə məjepnəgənmuup muop. 15 Nɗəgən ɓit muop na ni mən Bitrus yagal ɗar gə naar məjepnəgən, səm yak gurum peemə, mən yen, 16 "Məjepna, wa nyit kam hə ɗe mbiiran kəgət yi wudung wu səsaar məriip la gwe mpə Dauda ka Yahuza wudok a nyi langtagam də mə ya Yesu yi. 17 Nsa dok nyi gənaar mu mən lap fu bəlang afe." 18 (Gədes hə dagwə nhə seet mar shi shagal nung bət deet afe mən pal a kaa ndəng mən shishik pyan dee pənbət kon gəbang. 19 Muop wu twagatdok n'Urushalima mə kələng gwe, mən bii mə yong mar na ni ndəgəl ləmuop a "Akeldama," anya "Mar Təgəm.") 20 Nsa nya wuyiyil gwe ndəgən mbriiran See, "Dagat m-mar afe ɗee chak yong meməgwə wa gəme ntong nnəgən məu." Ɗagat meməgwə mang pangkop muup yi, nung lang-tagam a muup. 21 Dongchin nkwət kamhə, məkat la-wumis gəme ndəgən muop wudok məmuan gədəmu dip dip shi Long amu Yesu bii rə ba pət gəmən, 22 shishi kən nung John gə lang shi bit wu məmang nyi shi ɓətmu, nyi wa twamshik shibətmu gəshi yagal afe ntugun. 23 Mən mə ɗak daas vəl, Yusuf gə məyong shi Barsabbas, mə chin yongni shi Justus gə Matthias. 24 Mən mə ɗang Naan mə yen, "Gə, Long, wuman dalang gurum dip, 25 nin ndəgən muop wuvəl hə, wudung gə shang a nyi hə də wudung Yahuza bat dangkong muup mən ya war afe hə". 26 Mə chan zek (kunpe) mən wuyoon gurum wa gədə Matthias, mən Matthias ɗee nɗəgən jeplep Yesu wu sarka-gəme.