Jing 2

1 Wa nsa kam hə, laa nə, gə ɗar shi chindongnaan ndəghən Kristi Yesu. 2 Bii wu gə kələng fu nə gə naar gurum n'ɓəl hə, nyitni gə sar gurum naduk muop ndung yong mə ɓoot bə shee nde gurum muop gəni hə. 3 Mogor muutlaa gəmee gə an, kabi wulek (Soja) naduk nung Kristi Yesu hə. 4 Dip wulek ndung mwalam shik shi bələp gəyilhə, yong gə ɓoot bə chin ɓəlang də piya took wuyoon afe mou. 5 A kam hə zak, məgwə, din nkwət fu gəsə ɓaghalshak nani mou, mang bə yak gəsə nani a kabi ndung mə tang nkop hə. 6 Dong ɗin bii a wubəlang kat sə nɗəng. 7 Ɗiye bələp ɗiye kə bii wu an fu laa gə-gə hə, nsa Nda mu yong gə pən man gəkang jepee naw ngə. 8 Ɗiye gə Yesu Kristi nung seen Dauda, ni wu dok yaghal n'tughun muut hə. nsa langship anə, 9 a swaa muutlaa ba mə ɓuaghat an gəyee wupin bii wubis. Naw kam hə ɓuaghat a bəlepNaan mou. 10 A mogor jepee dib a ɗə moup ndung mə pən moup hə ɗeepin mə kat angkaa ndung ni nɗəghən Kristi Yesu yi gə wudong nung gəgwo afe. 11 Bələp nhə a kam hə wagab: "Mə ɗuam gəmee gə ni bə yong mə yighil zak gəmee gə ni. 12 Mə moghor bə mə tuaghat gəmee mə ni. Mə chii ni, ɓə ni zak chii mən. 13 Naduk ɗin nwən mən bə, mə man wagab nəmuup ni a wupin naduk, nsa ni gə chii kaashik muup mou." 14 Bii gə ɗiya də muop gə jepee muop nhə veet. Byang gə pən n'muop nkwət nua bii nyit ɓaghalshik kə ɓəlep n'tagham Naan, nsa ni gə pət mou. Nani gə dam gurum wu muop fu kələng hə. 15 Nuwaar dat gə pən kaasak ɗəwar Naan lap gə yi chin bəlang afe gə ni shi naduk, ndung məbii yong gə mwət kaawaat ngə mou hə yi. Ndung lat ɓə gə shee bələp naduk hə yi. 16 Gu nyit gurum wu laa ɓələp wubaan muop, ndung lat bə dən war Naan shi mu hə. 17 Bəlep a muop gə yak pee kabi gog kop-nghong (kansa) hə. Nɗəghən muop a Himinayus muop gə Filitus. 18 Muop nani nhə mə nyit war naduk. mə laa nkwət yighil n'tughum muut ɗel gwe. mə dam pən naduk wu dok pak gurum muop gəni hə. 19 Naw kam hə, kugur Naan ni n'nəghən. Nigə məbii mə ran nkwət: "Ndamu man muop ndung a bəmuup hə," bəncin "Dib gurum ndung bii gə yong səm Naan hə, ɓəyong gə nyit bii wubis a lengwaar. 20 Nlə wuleng a lee Zinariya muop gə azurfa dat n'nəghən mou. Lee Shep muop gə wan naw n'nəghən. Pak a də chan jepee wuret, pak a ɗə jepee wubaan. 21 Məgwə ɗin nvang bii wubis afe, ɓ ni a lee ɓəlang wuret. Mə shang ni ɗen a lee ɓəlang də wupin lə afe, ni zak miapshik də ɓəlang wuret muop dib. 22 Gə nyit lekyit nung yitfung, tang bii wukər gə pən-naduk, gə ɗempee, gə tuaghat chagap nung gurum ndung bii mə yong səm Ndamu gə bəzung muop a wuret hə. 23 Lang kom gə-gə kələng bəlepnang wubaan gə kaakwə mou. nsa nani gə wul gə ɓaghalshik. 24 Kurum Naan gə ɗem jagar mou, i bii sam gə kaa muup n'tagham gurum dib, nia a wupin shee pee, ni bən a wupin bii moghor. 25 Ni yong gə sam gə kaa muup n'shee gurum ndung muop fu ɓaghalshik gə ni hə a lengwaar. Ndong ɓə Naan yong gə pən maa n'muop ɗeepin mə seer mə man naduk nani yi. 26 Mə ɓoot də wakwul gə enɗiye a muop bɛncin mə fat nɗəghən dat Shetan, ndangkong ndung dok yak muop də mə chin bii wu ɗem ni hə