Jing 1

1 Bulus, laalep Kristi Yesu ndung a Naan yen hə, tong a kabi pəsfu nung kagham ndung ni nɗphən Kristi Yesu hə, de Timoti ndung a laaɗem hə: Chindong, 2 nachigir, gə tuaghatchagap, Naan Nda, moup də, wul kat gə. 3 A ɗəyil Naan kop Nda moup, gə bəzung nə wu piya, wa an zakfu ɗiye gəghən-gə nɗəghən d'angpee anə lepar gə fuus. 4 A ɗiye namwaa agə, bə fu nəmaan ɗin a kat gə, bə took piya waarə. 5 Mə ɗiye də nə gə pən-naduk agə ndung kəəgə Loyis moup gə nəgən gə Afiniki mə shee gəni shideel hə, a pən naduk nkwət gə kutni gəni. 6 A wa nsa ni, bii ndung Naan pənngə, wu dok a gədə ni a lang sar nə kaa gə hə, bən gə yaghal gə ɗar nyak a kaa. 7 Nsa Naan pən a nung tughur-kagham gə ɗempee gə ya kaashik. 8 Kaa gə gə waat kə twanshik shi Nda mu gə an Bulus ndung an nlə ɓal hə mou. Nɗe a kam hə bə, muutlaa agu gə kwət a gəshak ɗə langship ndung Naan ani gə kagham afe hə. 9 A Naan pən mən nfu muut ani bən yong mən gə yongpee afe wuret. Chin kam hə a wa nsa bəlang amu məu, a wa nsa bii wu ni myap ɗen hə gə chindong afe. Pən jepee mwəp nhə nmən nɗəghən Yesu Kristi ndəng shee gəyil. 10 Gəɗes hə mə man ang-kaa wu Naan chin mən hə, nsa Yesu Kristi sam ang-kaa mu. A kristi ani lat muut ani bən wul gə langship kagham nung gəgwo. 11 A wa nsa kam hə dok mə pəs an a wushakbələp Naan, laa lep Naan gə wu shee pee yi. 12 An fu sua muutlaa a wa nsa pak chak jepee mwəp nhə. Nəw kam hə mən kaa nə waat mou, nsa a man ni wu an fu pən naduk nni hə. A ɗem nkwət ni yong gə bwət bə ya bii wu a nyit ni gə sar muup hə de paa bit nishak. 13 Yaa biəhee wuret wu dok a kam ngə ndəghən pən naduk gə ɗəmpee nung Yesu Kristi hə. 14 Bii wuret ndung Naan nyit ni gəsar gə hə ya ni gərət nɗəghən məriip wuret ndung tongɗok nɗəghən mu hə. 15 Gə a wu man ni nkwət muop ndung mə taghatɗok gəyil Asiya hə mə bat dangkong mwət n'an. Ndəghən moup nani a Fijalas muop gə Harmajanas. 16 Mang Nann lang wuret kə lə Onisifaras nsa naw gə ndung an nlə ɓal hə mən kaa muup waat mou, bii tang am-swaa gə sə mwət n'an. 17 Kabi wu dok ni gəyil Roma hə, tang an shi naduk mən kat an. Mang nda mu sa kat chidong Naan paa bit nani. Dib gəsəm war muop wu ni təp dənə gəyil Afisa hə, gun a wu man ni nau. 18 Mang Naan naa chigir kaa muup pa ɓit nanyi. Gu man təpɓət wu nyi chin n-an hə.