Jing 3

1 Mǝ jep emnǝgǝn nǝ muop, ndung a yil lep a nǝ wuvel dǝ gu. Muop dip a dǝ wu ap bǝzung gu wu kǝr hǝ. 2 ɗewar ngun gu diye bǝlǝp wudok mǝ laa bǝlǝp Naan wusa saar muop mǝ laa gǝ ɓiang bǝlǝp long amu gǝ wupǝn nmǝn nfu jep mǝlep Yesu hǝ. 3 Nit daghat gu man nhǝ shidǝl, wupian bǝlǝp dajhal yong gǝ mǝ rwǝ nbit wutǝs. Yong mǝ jhal gun wagapkwang shi wulang en muop. 4 Nlat bǝ mǝ yen "Ɗrr wal bǝlǝp wul a fee wudok ninag ba niang eh? Ĝǝsǝm wu mǝ ndaamu muop ɗǝ waji gǝ taa mǝn nhǝ yi jet a me bat gǝyil eh? 5 en muop muut tong ko dok mǝ miap gǝyil gǝ kǝbǝtǝng kaa am a shi bǝlǝp Naan. 6 Gǝyil shi wudok mǝ shirip ni baaa gǝ ni shi am mangtan hǝ. 7 Bǝn a shi bǝlǝp nani gǝyil lang ɗok yi gǝ kang bit wus gǝ sheep yi kaa gurum wubias muop. 8 Gu naa yong nrong gun mǝ mep emna muop, ɓit gǝmǝ gǝ Long Naan a wuyit yil kam sar, kam sar zak a wuyit ɓit gǝmeer. 9 Long Naan ni gǝ saamkaa kǝ bǝlǝp ɗen amuup kat wu pak gurum mǝ man saamkaa hǝ mou. Dee a nhǝ bǝ ni a wu naachigir kaa gu. Dem din kop mee mǝgwǝ nkem mǝu, ni ɗem ɗin gurum dip mǝ ap war dǝ yigir. 11 Kwǝt wukan nhǝ bǝ ɗee gun kwǝt gurum shik me muop ǝh? Nit daghat gu tuaghat wusǝsaar gǝ lughut Naan yi. 12 Nit daghat gu lǝng en gu, bǝn gu fiak bit wul Naan yi paa ɓit nani ɓǝ kǝbǝtǝng gǝ mǝ kugur, jeep nɗǝgǝn muop gǝ mǝ ɗiar nsaa peɓaan. 13 Mǝn fii kang a kǝbǝtǝng gǝ gǝyil wufǝ mwǝp ndung a pee wusǝsaar hǝ gǝpee laaɗen a muup. 14 Waa nsaa kam hǝ, mǝjep emnaa muop, waa nendiye a gu ka jepee muop nhǝ, bǝ gu yugur ɗewar gu tuaghat a rap wǝn, wa yong mǝ kat bǝ agas gun mou ndǝgǝn twaghat chagap. 15 Bǝn zak gu mang nkǝ bii- long Naan amu a dǝ bǝrǝp gǝbii wudok emnǝgǝnmu . Paul ran ngun gǝpee en wudok Naan pǝn nni hǝ. 16 Paul laa bǝlǝp ka jep bǝlǝp muop nhǝ nɗǝgǝn ran lep amuup nau. Jepbǝlǝp wu laafu dǝ mangǝkang hǝ muop nnǝgǝn. Wu kang rǝng gǝ wu bǝɗar wǝn nmuǝp hǝ mǝ roop yit jep bǝlep mwǝp nhǝ, kat gǝ bii wu gǝ mǝ roop gǝvǝr bǝlǝp Naan gǝpee war duam a mwǝp hǝ. 17 A wa nsaa kam hǝ wushaarnǝ muop, gun wu gu man jepbǝlǝp nakam hǝ gwee ɗaghat- ɗaghat hǝ gu kang suk yong baa gǝǝ fǝn pee muop wu mǝ man Naan mou hǝ mǝ yak gun nɓarap gǝpee fǝnpee a muop mǝn gu nit ɓǝlǝp naduk a gu. 18 Nit ɗaghat gu fiar nɗǝgǝn chindong gǝ man nung Ndalong mu wu pǝn mǝn, Yesu kristi nit ɗaghat nmaa tong a nǝmuup gǝɗǝs hǝ gǝ gǝgwǝ.