Jing 2

1 Wu la bǝlǝp Naan gǝ wu shee pee waram muop mǝ rwo gǝnaar gu.Yong gǝ mǝroop gun gǝ bǝlǝp wubaan, mǝ niang bǝlǝp gurum wuyoon ndung sarap muop hǝ. Muop fu yong muut lǝ kaashik muop. 2 Ɓǝlǝp naduk yong gǝ roop nsaar gurum mɓǝl nsaa gurum nakam hǝ muop. 3 Yong gǝ mǝ fǝn gun shi bǝlǝp wubaan dǝ ɓǝt muop, mǝn gurum gwet dat yong mǝ lap bii shee roop nani. Muop wagap dam a muop a muop kwǝt nwul a lengwaar. 4 Naan dok nit mǝwǝng a muup muop ndung mǝ chin bii wubis hǝ mǝu. 5 Yagal a dǝ mǝn tugun muop pǝn nTartarus dewaar nni yak muop yi dian npee wukwǝ gǝ mǝ kang bit sheep yi. 6 A kam zak, Naan sam dofil amuup ka Solomon gǝ Gomora ɗeewar ngurum wubias mǝ luagat yi. 7 Waa nsa buwaar, gurum wu chin bii-wubis muop dok mǝ lǝ nogol yi nlat ndung a gurum wuret hǝ. 8 Dip gǝ tong wu tong gǝnaar muop hǝ, kat well nbǝzung muup gǝpee bii wu ni naa, gǝ bii wu kǝlǝng hǝ. 9 Naan man bǝ pǝn gurum wuret muop gǝ fu fǝn pee ɗee yak gurum wu chin wubis muop dǝ bit sheep. 10 Ndung hǝ wagap a naduk kaa muop ndung mǝ niang it bǝlǝp ɓwaar gǝ bak pee hǝ. Mǝ kǝrǝm tǝs, ba mǝ luagat dǝ wu laa bǝlǝp kaa gurum wu Naan mang sar kagam kaa muop hǝ mou. 11 Wa Malaika muop wu a wu bǝɓal bǝn muop a wu maa hǝ mǝ ɓoot bǝ laa bǝlǝp wubis ka muop ntagam long wu maa mǝu. 12 Kat luwa wung wubis muop gurum nakam hǝ mǝɗong a yak twǝ dat nsaa mǝ man bii muop fu watyit. Bii muop fu chin hǝ, yong gǝ mǝ chin a kam hǝ zak gǝ muop a kam hǝ. 13 Yong gǝ mǝ lap kopgǝshi wubis a muop. Ɗee a muop bǝ mǝ naa bǝ mǝ nakat niak nfuus a nookshik.Muop a wuyil rap gǝ bii wu baan. Dip gǝ sǝ wu gǝ sǝ gǝ mǝ suwa gǝmee gǝ gun hǝ, muop a wun fǝn pee. 14 A bǝlǝp twǝrǝp gǝ surǝp gurum muop dat a ni a weel amuop, buzung muop zoem a ka bii-wubis dat. Bii mǝ ɓoot ɓǝ kaa gurum wu zeet niang mǝ ɓal hǝ dǝ chin bii-wubis. 15 Mǝ tak war wuruet, mǝ kyem wak gǝdǝ balaam la beor wu ǝtang mǝ kwat ni ka chin wubis hǝ. 16 Bazak kat a ǝpyit dat gǝ fuu chin wubis a fee. Nagham laa bǝlǝp gǝ ɗǝgǝl gurum dǝ wu dǝn wubis a muup. 17 Gurum muop nhǝ a kong wu fii muop gǝ liu wu kogom gǝ tughun hǝ. Mee kwǝ wu riptik ɗen ɗok gǝ kang muop yi. 18 Gǝ mǝ laa bǝlǝp ɓǝlǝp a shi ɓagal dat. Gǝ mǝ gwan gurum wuret muop lǝ kǝ ɓǝlǝp ɓwaar. 19 Muop gǝ kaashik muop a kwǝrǝm nsaa mǝ man war fat mau, ɓǝ kat pǝn. 20 Din dǝgǝn mǝ fat gǝfu dam gǝyil nhǝ gǝpee man wu man long Naan kaa amu gǝ wupin chindong amu mǝn mǝ bǝn ruan kaa muop nnǝgǝn bǝ bǝlat amuop gǝ bis nmaa wudok shideel hǝ. 21 Din dǝgǝn mǝ yen mǝ man war wuret mau, bǝ din dǝgǝn nret nmaa ndung mǝ man bǝ mǝ bat gǝnook muop pǝn ni hǝ. 22 Bǝlǝp waa nkwaan wubii mǝ laa yen "As bǝn bat gǝsǝ fuut a fe," gǝ" Togos kǝgǝr wu mǝ sughup ni baang-bang hǝ bǝn wa ya kǝ naɓiring ndǝghǝn ɓook" hǝ waa a naduk lǝ kaa muop.