1 Simon Bitrus kwǝrǝm gǝ laa lep Yesu kristi, dǝ muop ndung wusaan gǝ war wu mǝ lap naduk nɗǝgǝn (adalcin) Naan a mu gǝ Yesu kristi hǝ. 2 Nit dagat chindong tong gǝmee gǝ gun, nit dagat ntwagat chagap muan ntagam ndǝgǝn man Naan gǝ Yesu kristi hǝ. 3 mǝ pǝn jepee nung kagam gǝ sǝm bǝlǝp Naan dip nmǝn gǝpee man Naan ndung yong mǝn gǝwar maa gǝcin wuret hǝ. 4 A wa nsaa ni pǝn bangsang bǝlǝp laa ɗen nung yoon a muup yi nmǝn. Cin kam hǝ ɗewar ngun gu tuagat a wu cham pak jep bǝlǝp Naan yi kan gu kat fat gǝ fu dam gǝyil ndung endie wubis nung shishik gǝ saa hǝ. 5 Wa nsa kam hǝ, nit dagat ngun zak gu nwr ɗewar gi cin bii wuret ntagam-ntagam yi gǝwar pǝn naduk a gu gǝ bǝlǝp man shizak. 6 Gu tǝp bǝlǝp man gǝ yaashik, yashik gǝ bii mogor, bii mogor mwan gǝdǝ Naan. 7 Gu tǝp muan gǝdǝ Naan gǝ bǝt zugum shik nung mǝ jepemnǝgǝn muop hǝ, gǝ ɗempee. 8 Ɗin gu kwǝt gǝ jebǝlǝp muop nhǝ ngam ndǝgǝn gu bǝ gǝ mǝ kat wu lat noot muop gǝ zang ndǝgǝn man bǝlǝp Ndaamu Yesy kristi mau. 9 Gǝsǝm gurum wu wǝn gǝ jep bǝlǝm muop nhǝ bǝ naapee a muup sǝng pee nau, ni a wuvugum, bǝn mandǝshik kǝ wu kan mǝ vang bii- wubis a ni wudok hǝ gwee. 10 A kamhǝ, mǝjep-emna gu yugur ɗewar gu yaa yong a gu yi dong-dong. 11 A kam hǝ bǝ gu kat pǝruǝ lǝ Naan wu gǝgwǝ nung Ndaa mu ndung kǝbǝtǝng hǝ wupin chindong a mu, Yesu kristi. 12 Dip gǝ man wu gu man bagu dǝn bagu ɓal ndǝgǝn naduk gǝdes hǝ, an tong a ɗiye dǝ gu gǝ jepbǝlǝp muop nani. 13 An fu ɗiye kǝ jep bǝlǝp muop nhǝ wa an a kutni nɗǝgǝn shishik nhǝ. 14 An a wuman ni ka wukan lee bǝa nit shishik nhǝ kat gǝ bii wu Yesu Almasihu niin n'an hǝ. 15 Tong a yugur dǝ wu ɗiye dǝ gu gǝ jep bǝlǝp muop nani ɗewar gu lǝ en gu yi a kan a waa. 16 Dok mǝ muan gǝ dǝ jhee yaa kǝ gagam nung niin soon wubaan ndǝgǝn muop gǝ shii wu mǝ laa bǝlǝp kaa maa gǝ wul Ndaa mu Yesu Almasihu hǝ mau. Dip dat kam hǝ, mǝn a wu laa naduk kaa moe a muop. 17 Ni lap Magat gǝ (daraja) fu Ndaa Naan gǝ shi ndung ɗǝgǝl tong dǝ maa nung maghat laa ye, "Ni nhǝ a la nǝ, a laa ɗem a nǝ ndung took nǝ mang ni hǝ.' 18 Mǝ kǝlǝng bǝlǝp wu tong kǝbǝ tong sa yi nhǝ gǝ shi wudok mǝn gǝmee kǝ pang wusǝsaar hǝ. 19 Mǝ kǝlǝng wuok bǝlǝp wu gǝ niin naduk ndung wagap a kam hǝ. gu lǝ en gu a shik bǝ gu chin nyit dat. 20 Ni a gǝbil fitila ndung gǝ saan pee wukwǝ shee bit bang gǝ tar mang bit nyagal nbǝzung gu. Dong din mang bit nyagal nbǝzung gu. Dong din gu man kan mee mǝ bǝlǝp niin naduk gǝ kwǝt a nung fii-riip gurum hǝ mau. 21 Nsaa mee mǝ niin-naduk jet a gǝpee fii-riip gurum hǝ. Ndee a nhǝ bǝ bii a chelem wusǝsaar a ni gǝ zak gurum muop dǝ wu laa bǝlǝp Naan yi.