¹ Ɓǝ gu naa dempe Naan wu chin da mu hǝ, nsaa gǝ mǝ young man shi jep Naan, baazak a kam hoe. ² Mǝ jep naa, mǝn a jep Naan gǝ ɗes hǝ, bǝ a shee mǝ niin bii wu gǝ mǝ tuagat hǝ. Mǝ man ɗin Laa Naan wul bǝ mǝ tuagat gǝbi ni hǝ, wa nsaa gǝ mǝ naa ni gǝbii ndung ni hǝ. ³ Gurum wuni gǝ ɗen en hǝ ɓǝ sughup shik kat wu Naan ni a wu bang-bang hǝ. ⁴ Gurum wu gǝ cin wu bis hǝ bǝ cin a roop, sabii wubis a roop. ⁵ Gu man dok mǝ niin La Naan a dǝ mang bii wubis ba gǝ ni, man bii wubis mau. ⁶ Gurum wu ɗar shi muop gǝ cin wubis kwang mɗu. Gurum wu gǝ cin wubis ⁷ jhet naa ni ɗe ba yi man ni mau. Jhep, naayong gu nit mǝgwǝnfǝn gun. ⁸ Wu cin wuret a wuret, kat ndung La Naan ni a wuret hǝ. wu cin bii wubis tong a dǝ Satan a wu cin wubis a kugur wululung. ⁹ Ni wu a Naan lai ni hoe gǝ cin bii wubis ghǝgwǝ mǝu, nsa cherem bǝlǝp Naan ni nbǝzung muop Yong gǝ cin bii wubis gǝgwǝ mau nsaa a Naan laa ni. ¹⁰ Nɗǝgǝn wu nashak bǝ mǝ man jhep Naan gǝ jhep Satan Gurum wu gǝ cin wuret mau hǝtong a dǝ Naan mau, a kam nzak ni ndubg niang wu emnǝgǝn muup hǝ. ¹¹ Ndung a ni a lep wudok gu kolǝng shideel hǝ mǝ ɗem sun. ¹² Na yong mǝ ɗee gǝbii kayinu ndung tugus a fee tong a dǝ gurum wubis mǝ tǝ emnǝgǝn muup bǝ. Ɗee tǝ ni a gǝfu me? A wa nsa balang a fe dok a wubis ɗe nung emnǝgǝn muup a wuret. ¹³ Na yong ntong a bii wufǝ fu gu, mǝ jep naa, kangǝyil niang gun. ¹⁴ Mǝ man kan mǝ fat gǝfu muul mǝ dok nbar, nsa mǝ ɗem mǝjep emnǝgǝn mu muǝp.Gurum wu ni gǝ ɗempee mǝu hǝ kutni dǝgǝn nmuut. ¹⁵ Gurum wu niang yit wu emnǝgǝn hǝ ni a wu tǝ gurum. Gu man gurum muup mou. ¹⁶ A kam hǝ mǝ man ɗempee yi, nsa La Naan pǝn tooklang a mu dǝ mǝjep emnǝgǝn mu muǝp. ¹⁷ Ɗee gurum ndung ni gǝ bii nsar mǝn naa wuemnǝgǝn muup nwel, mǝn ogot bǝzung naachigir ka muup hǝ ni gǝ ɗempee Naan a ne? ¹⁸ Jep nǝ muǝp, naa yong mǝ ɗem a ɗempee shi fu gǝ lis dat mǝu, nit ɗagat ni waa a nung bii chin gǝ naduk. ¹⁹ kam hǝ bǝ mǝ man kan mǝn a gurum naduk, mǝ nit bǝzung mu nsar muup. ²⁰ Ɗin bǝzung mu npal mǝn bǝ Naan ni a wumaa bǝzung mu, ni a wu naa jeb bǝlǝp nau. ²¹ Mǝ jep naa muop, ɗin bǝzung mu mpal mǝn mou, bǝ mǝn gǝ tugurkagam dǝ Naan. ²² Dip bii wumǝ nang hǝ bǝ yong gǝ mǝ lap, nsa mǝ lap, nsa mǝ cin bii biang a fee gǝ bii ndung gǝ pia took muup hǝ. ²³ Bi biang a fee akam hǝ nit ɗagat nmoen mǝ pǝn naduk nsoem la muup, Yesu ndung biang pǝn nmǝn ka wu mǝɗem sun hǝ. ²⁴ Gurum ndung cin balang shi bii biang afe hǝ ni gǝmee gǝ Naan, Naan zak ni gǝmee gǝ ni. A ni a pee chelem a fe wu pǝn nmǝn hǝ.